| e-texts navigator |
| Wylie |
343a1 ཕྱོགས་ཆོས་སུམ་བཅུ་རྩ་བདུན་ཏེ། །སོ་སོ་ཡང་དག་རིག་དང་མ་འདྲེས་ཆོས། །སྟོབ་བཅུ་མི་འཇིགས་བཞི་དང་བསྲུང་བ་མེད། །མཁྱེན་པ་རྒྱས་པ་དེ་ཉིད་ཀུན་ཁྱབ་མཛད། །ེ་བཾ་བརྟན་གཡོ་སྣང་དང་སྟོང་པ་ལས། །
343a2 ཕུང་པོ་ཁམས་དང་སྐྱེ་མཆེད་ཐམས་ཅད་ནི། །ལྷ་ཡི་བདག་ཉིད་དཀྱིལ་འཁོར་དག་ཏུའོ། །ཡིག་དོན་སྒྲ་དང་ཐ་སྙད་དུ་མ་རྣམས། །བརྟགས་པ་མེད་དེ་སྣ་ཚོགས་རྐྱེན་གྱུར་ལས། །རྒྱུ་འབྲས་རབ་བྱེད་སྒྱུ་མར་སྣང་བ་ཀུན། །
343a3 འཇིག་རྟེན་རིགས་བྱེད་མཚོན་བྱེད་སྒྲ་ལྡན་པའོ། །འདོད་ཆགས་ཆོས་ཀྱི་སྦས་པ་ཞེས་བྱ་བ། །རྣལ་འབྱོར་ཐབས་དང་ཤེས་རབ་མཉམ་སྦྱོར་ལས། །སྣ་ཚོགས་དགའ་བ་དང་པོ་རྗེས་ཆགས་དང་། །རྣམ་པར་སྨིན་པ་མཆོག་ཏུ་བདེ
343a4 བ་ཉིད། །མཚན་ཉིད་བྲལ་བ་སྐད་ཅིག་ལྷན་ཅིག་སྐྱེས། །བདེ་བ་མི་འགྱུར་ཡེ་ཤེས་ཕྱག་རྒྱ་ཆེ། །རྣམ་པར་ཉིད་པ་དགའ་བྲལ་རྗེས་ལའོ། །དེ་ཉིད་སྙིང་པོ་བླ་མེད་བྱང་ཆུབ་སེམས། །བདེ་སྟོང་དབྱེར་མེད་བྱང་ཆུབ་ཆེན་པོའོ། །ཀུན
343a5 ད་བྱང་སེམས་ཡེ་ཤེས་མེས་སྦྱངས་པས། །ཟག་མེད་བདེ་བས་ལུས་སེམས་རྣམ་དག་པའོ། །འཇིག་རྟེན་ཀུན་དུ་བརྟན་པ་སྣ་ཚོགས་པ། །དེ་རྟེན་འབྱུང་བ་འདུས་པའི་རི་རབ་དང་། །གཞལ་མེད་ཁང་སོགས་དངོས་པོ་འཁྲུལ་ལས
343a6 སྣང་། །བརྟེན་པ་འགྲོ་བརྒྱུད་ཁམས་གསུམ་སེམས་ཅན་ཀུན། །སྒྱུ་མ་ལྟ་བུར་སྐྱེ་ཞིང་འགག་པར་འགྱུར། །འཁོར་བ་ཡུལ་དང་དབང་པོ་རྟོག་པར་བྱུང་། །དེ་བཞིན་གཤེགས་པ་བྱིན་གྱིས་བརླབས་པ་ལས། །བཟློག་བྱེད་ཡང་དག
343a7 ཀུན་རྫོབ་ལམ་བསྟན་པས། །དངོས་པོ་མཚན་མར་འཛིན་པ་ལས་ལོག་ནས། །རང་བཞིན་བདེན་དོན་རྟོགས་པས་བྱང་ཆུབ་ཐོབ། །འོད་གསལ་བ་ཡི་དེ་ཉིད་ནི། །ཤེས་པ་སྤྱི་ཡི་ཁྱད་པར་ལས། །དེ་ལས་སེམས་ནི་མ་བཅོས་པ། །
343a8 གནས་ལུགས་ཕྱོགས་སུ་མ་ལྷུང་བས། །དེ་ཡང་རྟོག་མེད་ཆོས་ཉིད་ཀྱི། །སྣང་བ་གསུམ་དུ་མངོན་པར་འབྱུང་། །ཡུལ་དང་ཡུལ་ཅན་གནས་སྐབས་ལས། །རྒྱ་མཚོ་རབ་ཏུ་དངས་པ་ལས། །དེ་ལས་རླུང་གིས་བསྐྱོད་གྱུར་པས། །རྦ་རླབས
iiif viewer powered by OpenSeadragon
