| e-texts navigator |
| Wylie |
342b1 རོ། །རྣམ་པར་ཤེས་པ་ཉིད་མེད་ན་གང་བྷ་ག་དང་ལིངྒ་ཡང་དག་པར་སྦྱོར་བར་ནུས་པ་མེད་དེ། དེས་ནི་བདེ་བ་ཆེན་པོའྀ་ཏིང་ངེ་འཛིན་མི་རྙེད་དོ། །ཇི་ལྟར་འོ་མ་བསྲུབས་པ་ལས་མར་དང་། ཇི་ལྟར་ཏིལ་མར་ཏེ། དེ་བཞིན་དུ
342b2 རྡོ་རྗེ་ཐབས་ཀྱི་ཡེ་ཤེས་ཉེ་བར་བརྟག་པའི་ཕྱིར་དང་། པདྨ་ཤེས་རབ་ཀྱི་ཡེ་ཤེས་ཉེ་བར་བརྟག་པའི་ཕྱིར་རོ། །ཡུལ་འཇུག་པ་མེད་ཅིང་། དེ་ལ་སེམས་པ་མེད་པས། རྣམ་པར་ཤེས་པའི་བཞོན་པ་རླུང་མེད་དོ། །དེ་མེད་པས
342b3 ཕྱི་རོལ་འབྱུང་བ་ཆེན་པོ་བཞི་དང་། ནང་ཁམས་དང་སྐྱེ་མཆེད་མེད་པར་འགྱུར་ཏེ། སྣང་བ་གསུམ་དུ་དམིགས་པ་ཡང་མི་འབྱུང་བས། ཡང་དག་པའི་མཐའ་ལ་རབ་ཏུ་འཇུག་པ་མེད་པ་ན། ཟུང་དུ་འཇུག་པར་མི་འགྱུར་རོ། །
342b4 བྱང་ཆུབ་སེམས་ཀྱི་ངོ་བོ་ཉིད། །བླ་མ་རྡོ་རྗེ་འཛིན་པ་ལ། །མོས་གུས་མཐར་ཕྱིན་གྱུར་པས་ནི། །ལམ་གྱི་རིམ་པ་ཀུན་རྫོགས་པ། །སྒྲིབ་དག་ཡོན་ཏན་ཐོབ་པ་སྟེ། །དབང་གི་རྒྱལ་བ་རྙེད་པ་བཞིན། །ལས་དང་དངོས་གྲུབ
342b5 མ་ལུས་པ། །ཡེ་ཤེས་མི་ཟད་གནས་ཐོབ་བོ། །གང་རྣལ་འབྱོར་ལམ་གྱི་རིམ་པ་ཐམས་ཅད་གཅིག་ཅར་དུ་རྫོགས་པ་བདེ་བ་ཆེན་པོའི་ཏིང་ངེ་འཛིན་གྱིས་ལྷག་པར་མོས་པ་ཙམ་གྱིས། ལས་དང་པོ་པ་ལ་གནས་པར
342b6 འགྱུར་ཏེ་ཕྱིར་མི་ལྡོག་པ་ལ་ཡང་གནས་པར་འགྱུར་རོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་གཉིས་པའོ།། །། སྤྱི་དོན་མདོ་ལྟར་སྟོན་པ་བདག་མེད་པ། །ེ་ནི་ཆོས་ཏེ་བཾ
342b7 ནི་གང་ཟག་གིས། །སྟོང་པ་ཞི་བ་དངོས་པོ་མེད་པ་ཉིད། །ཕུང་པོ་ཁམས་དང་སྐྱེ་མཆེད་ཐམས་ཅད་ཀུན། །རང་བཞིན་མེད་པའི་ཆོས་རྣམས་ཐམས་ཅད་བྲལ། །བླང་དོར་མེད་པའི་ཡེ་ཤེས་མཉམ་པ་ཉིད། །ེ་ནི་སྟོང
342b8 ཉིད་སྤྲོས་དང་བྲལ་བ་ལས། །བཾ་ནི་ཐབས་མཆོག་སྙིང་རྗེ་ཆེན་པོར་བསྟན། །གཉིས་མེད་མཉམ་པ་བྱང་སེམས་རོ་གཅིག་པའོ། །རྣམ་ཐར་སྒོ་གསུམ་ཕ་རོལ་ཕྱིན་པ་དྲུག་།ཚད་མེད་བཞི་དང་བསྡུ་བའི་དངོས་པོ་བཞི། །བྱང་ཆུབ
iiif viewer powered by OpenSeadragon
