| e-texts navigator |
| Wylie |
340b1 སེམས། །རྣམ་པར་མི་རྟོག་བདག་ཉིད་ཅན། །མ་རིག་དེ་ཉིད་རྣམ་དག་པ། །མུན་པ་མེད་ཅིང་སྣང་བ་བྲལ། །སྒྲོན་མེ་ལྟར་འཆར་ལྷུན་གྲུབ་པ། །གཡོ་མེད་མི་གཡོ་རྣམ་དག་པའོ། །གནས་མེད་ཆོས་ཉིད་ངང་དུ་དག་།སྟོང་དང་སྟོང་པ
340b2 ཆེན་པོ་དང་། །ཤིན་ཏུ་སྟོང་པ་དངོས་མེད་པ། །ཐམས་ཅད་སྟོང་པ་ཟག་པ་མེད། །ཉེ་བར་ཐོབ་པ་སྣང་མེད་པ། །མཁའ་ལྟར་དག་པ་འོད་གསལ་བ། །མཉམ་མེད་གཉིས་མེད་ཕྱག་རྒྱ་ཆེ། །ལྷན་ཅིག་སྐྱེས་པ་ཆོས་ཀྱི་དབྱིངས། །ལྷག
340b3 མཐོང་དམིགས་པ་ཀུན་ལས་འདས། །ཀུན་ཁྱབ་ཞི་བ་སྤྲོས་མེད་པ། །སྟོང་ཉིད་ངང་ལས་རྟོག་པ་དང་། །མི་རྟོག་མཐའ་ལས་འདས་པ་སྟེ། །ཆོས་ཉིད་ཟབ་དང་རྒྱ་ཆེ་བའི། །རྒྱ་མཚོ་ཆེན་པོ་རང་དངོས་ལ། །རྩཝ་ཤིང་གཡོ
340b4 བཅས་སྣ་ཚོགས་པ། །སྟེང་དུ་ལྷུང་ཞིང་འགྲོ་འོང་ཉིད། །དུ་མས་ཁེབས་ཤིང་བསྐྱོད་གྱུར་ཀྱང་། །རྟོག་མེད་རང་བཞིན་གནས་མེད་པས། །རོ་གཅིག་འགྱུར་མེད་མཁའ་ལྟར་རོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ
340b5 ཏུ་བྱེད་པ་དང་པོའོ། ། །། རྣལ་འབྱོར་ལུས་ཉིད་སྒྱུ་མ་རྨི་ལམ་ལྟར། །གནས་ལུས་ངེས་པར་འགྱུར་བ་དེ་ཉིད་ལས། །རྡོ་རྗེ་པདྨ་ཡང་དག་པར་སྦྱོར་བ་ཤེས་རབ་ཀྱི་ཡེ་ཤེས་རབ་ཏུ་འབྱུང་བ་ལས་རང་གི
340b6 རྡོ་རྗེ་སྦྱོར་བ་ལས་མེའོ། །མེ་ལས་ཆུ། ཆུ་ལས་ནུར་ནུར་པོ་རྣམས་དང་། དེ་ནས་མེར་མེར་པོ་རྣམས་དང་། ནར་ནར་པོ་དང་། གོར་གོར་པོ་དག་གོ། དེ་ནས་འདོད་ཆགས་དང་བྲལ་བའི་སྣང་བ་ལས་ཏེ། ཁྲག་གི་གོང་བུ་ལས་མཁྲང
340b7 འགྱུར་རྣམས་སོ། །ཁྱབ་འཇུག་རུསྦལ་གྱི་རྣམ་པ་ཅན་དེ་དག་ཕ་མའི་ཁུ་ཁྲག་དག་གིས་བསྐྱེད་པའོ། །དེ་ནས་དབང་པོ་གཉིས་མཉམ་པར་སྦྱོར་བའི་ཆགས་པ་ལས། འདོད་ཆགས་དང་བྲལ་བ་དང་། འདོད་ཆགས་དང་བྲལ་བ་བར
340b8 མའི་ཆ་ལས་ཤེས་པར་བྱ་སྟེ། དེ་ལས་རྩ་རྣམས་ལུས་ལ་མངོན་པར་འབྱུང་བ། སྟོང་ཕྲག་བདུན་བཅུ་རྩ་གཉིས་ལ་སོགས་པ། ཀུན་འདར་མ་དང་། རོ་མ་དང་། བརྐྱང་མ་དང་། ལྟེ་བ་དང་། སྙིང་ག་དང་། མགྲིན་པ་དང་། སྤྱི་བོ
iiif viewer powered by OpenSeadragon
