| e-texts navigator |
| Wylie |
340a1 བསྟན། །དེའི་རང་བཞིན་སྣང་བ་འབྱུང་བ་དང་། །འཁྲུལ་དང་རྣམ་གཡེང་ཐེ་ཚོམ་དང་། །བརྗེད་ངས་པ་དང་ལེ་ལོ་དང་། །མི་སྨྲ་གྱུར་དང་སྐྱོ་གྱུར་པའོ། །མ་རིག་པ་ཡང་སེམས་ལས་བྱུང་བ་སྟེ། །སྣང་བ
340a2 ཉེར་ཐོབ་མར་མེ་ལྟར་འབར་ལས། །ངོ་བོ་ཆོས་ཉིད་རྣམ་པར་མི་རྟོག་པ། །རླུང་གི་ཁམས་ཉིད་ཕྲ་བར་འཇུག་པས་ནི། །མ་ནིང་ལྟར་ནི་ཤེས་པ་མ་གཡོས་པའོ། །པདྨ་འདབ་བརྒྱད་ལྟེ་བར་ལྡན་པ་ལ། །སྟོང་པ་བཞི་བཅས་མ་ནིང་ཡི
340a3 གེ་གནས། །ཧྲཱིཿནི་ཐིག་ལེ་ལྡན་པ་དབུས་སུ་དམིགས། །སྣང་བ་ཐོབ་པ་ཉིད་ཀྱི་དོན་འདིའོ། །སྣང་བ་མཆེད་པ་ཉི་མ་ལྟ་བུར་བསྟན། །ཤིན་ཏུ་གསལ་བ་སྨིག་རྒྱུ་ལྟ་བུ་སྟེ། །དེ་ཡི་རང་བཞིན་འདོད་ཆགས་དགའ་བ་དང་། །མཆོག
340a4 ཏུ་དགའ་བ་དྲག་པོ་ལ་སོགས་པའོ། །ཀུན་རྫོབ་ཏུ་ནི་མངོན་སུམ་གྱིས་བསྟན་དང་། །སྐྱེས་པའི་གཟུགས་དང་ལྷ་ཡི་ཚོགས་དག་དང་། །མཚན་མ་རྡོ་རྗེ་ཞེས་ནི་རང་བརྟགས་པའོ། །པདྨ་དེ་ཉིད་ལྟེ་བར་ཉི་མའི་དལ། །དབུས་སུ་རྡོ་རྗེ་ཐིག་ལེ
340a5 ལྡན་པ་ལ། །ཀཱ་ལི་གསལ་བྱེད་ཡི་གེ་སུམ་བཅུ་བདུན། །སྣང་བ་མཆེད་པ་དེ་ཉིད་གསལ་བའོ། །སེམས་ལས་བྱུང་བ་ལ་ནི་སེམས་ཞེས་བཤད། །ཟླ་བའི་སྣང་བ་རབ་ཏུ་གསལ་བ་སྟེ། །ཆུའི་ཟླ་བ་ལྟ་བུར་བསྟན་པའོ། །རང་བཞིན
340a6 ཆགས་པ་དང་བྲལ་ལ་སོགས་པའོ། །ཀུན་རྫོབ་གསལ་བ་ལས་ནི་བུད་མེད་དང་། །བྷ་ག་པདྨ་ལྷ་མོའི་ཚོགས་ཀྱི་བརྡའོ། །སྔ་མ་ལྟར་ལས་ཟླ་དབུས་པདྨར་བཅས། །དབྱངས་ཡིག་ཕྱོགས་སུ་བརྐྱང་བ་འོད་འབར་བ། །མཚམས
340a7 སུ་ཟུང་བཅས་བཅུ་གཉིས་རིམ་པར་དགོད། །གསང་སྔགས་འཁོར་ལོ་རིམ་པ་ཀུན་རྫོགས་བྱེད། །དམིགས་བཅས་བཟླས་པ་སེམས་གསུམ་སྒྱུ་མར་འཆར། །འོད་གསལ་ཡེ་ཤེས་ངང་ལས་ཟུང་འཇུག་པའོ། །སྣང་བ་མཆེད
340a8 པ་བདེ་བ་སྟེ། །གཟུང་དུ་མེད་པས་ཆགས་ཞེན་བྲལ། །ཉི་མ་ལྟར་གསལ་ངང་གིས་བདེ། །འགྲོ་འོང་གནས་ཉིད་སྐད་ཅིག་མ། །མཚན་མ་བྲལ་བའི་ཏིང་ངེ་འཛིན། །གོ་འབྱེད་མུན་པ་འཇོམས་པའོ། །སྣང་བ་ཐོབ་པའི་ཡེ་ཤེས
iiif viewer powered by OpenSeadragon
