| e-texts navigator |
| Wylie |
33a1 གང་ཡིན་བདག་དང་སྐྱབས་མེད་ཅེས་ནི་འདི་སྐད་སྨྲ། །གང་ཕྱིར་སྐྱབས་མེད་སྐྱབས་གྱུར་སངས་རྒྱས་བསྟན་པ་འདིར། །མགོན་མེད་མགོན་གྱུར་འཇིག་རྟེན་མགོན་པོ་ཁྱོད། །བདེ་བ་བསྐྱེད་ཅིང་ངོ་མཚར་ཆེ་གྱུར་གང་། །
33a2 མགོན་པོ་ཚོགས་ཀྱི་ཚིག་དབང་འདི་ཐོས་ནས། །ཉིད་ཀྱི་དབང་དུ་བྱེད་པའི་གསང་སྔགས་གསུངས། །སྔགས་ཀྱི་རྒྱལ་པོ་བུད་མེད་ཀུན་ཐོས་པས། །མཐར་ཐུག་སངས་རྒྱས་བདེ་བ་དུ་མ་འབྱུང་། །རྡོ་རྗེ་རེག་པས་ཁམས་ཀྱང་འཛག
33a3 པར་འགྱུར། །ཟུར་གྱིས་ལྟ་བར་བྱེད་པས་ལྟ་བྱེད་ཅིང་། །རྐང་པ་དག་ཀྱང་ས་ལ་གྱ་ཚོམ་འདོར། །འདོད་ཆགས་ཤིན་ཏུ་བདོ་བས་ཁུ་འབབ་ཚེ། །འདི་ལྟར་མཐོང་ནས་ལྷ་ཡི་བུ་མོ་ལ། །འགྲོ་བ་དབང་བྱེད་ཀུ་རུ་ཀུལླེའི་སྔགས། །
33a4 རས་རིས་བྲི་དང་གསང་སྔགས་བསྒྲུབ་པའི་ཕྱིར། །དུས་ལ་བབ་པའི་ཚིག་འདི་མགོན་སྨྲོས་ཞེས། །དེ་ལྟར་བཅོམ་ལྡན་འཇིག་རྟེན་མགོན་པོས་གསུངས། །དེ་ཚེ་འཇིག་རྟེན་དབང་ཕྱུག་ལས་རྣམས་རབ་ཏུ་གསུངས། །ཀུ་རུ་ཀུ
33a5 ལླེའི་རི་མོའི་ལུགས། །གང་ཞིག་བྲིས་པ་ཙམ་གྱིས་ནི། །སྒྲུབ་པ་པོ་ཡིས་འབྲས་ཐོབ་པ། །དེ་ནས་ཡང་དག་བཤད་པར་བྱ། །རི་མོ་མཁན་ནི་གང་ཞིག་གིས། །ཚེས་གྲངས་གང་དང་དུས་གང་ལ། །སྒྲོལ་མ་འབྱུང་ལས་བཤད་པ་བཞིན། །
33a6 དེ་ནི་བདག་གིས་བཤད་པར་བྱ། །རི་མོ་མཁན་ནི་གང་ཞིག་གིས། །གང་གི་མིག་ནི་དམར་འགྱུར་ཞིང་། །ལག་པ་དེ་བཞིན་རྐང་པ་དམར། །བྱ་ཡི་མིག་ཅན་ཨེ་ནྱའི་རྐང་། །དེས་ནི་སྒྲོལ་མ་བྲི་བར་བྱ། །དཔྱིད་ཀྱི་ཟླ་བ་དང་པོ་ཡི། །མེ་ནང
33a7 མེ་ཡི་ཚེས་བརྒྱད་ཉིན། །ཐུན་ནི་ཕྱེད་དང་གཉིས་པ་ལ། །སྒྲོལ་མའི་མིག་ནི་བྲི་བར་བྱ། །མངར་གསུམ་བཟའ་ཞིང་ཉ་ལ་སོགས། །ཤ་དང་ཆང་ཡང་སྤང་བར་བྱ། །དམར་པོའི་གོས་ཀྱང་རྟག་ཏུ་བགོ། དམར་པོའི་དྲི་ཡིས་རྟག་ཏུ་བྱུག་།
33a8 བྱམས་པའི་སེམས་ནི་བསྐྱེད་བྱས་ལ། །ཐོ་རངས་ཁྲུས་བྱས་བསངས་ནས་སུ། །ལན་གསུམ་གོས་ནི་བརྗེས་ནས་སུ། །དབང་དུ་བྱེད་མ་ཡང་དག་བྲི། །ཞལ་གཅིག་མིག་ནི་ཡངས་པ་དང་། །ཕྱག་བཞི་མ་ལ་གུར་གུམ་མདོག་།
iiif viewer powered by OpenSeadragon
