| e-texts navigator |
| Wylie |
339b1 དེ་ལས་གཟུང་འཛིན་དུ་འཁྲུལ་པ་ལས། དེ་རྣམས་འདུས་པ་ལས་ཕུང་པོ་ལྔ་དང་ནི་སྐྱེ་མཆེད་དྲུག་དང་ཡུལ་ལྔར་སྣང་བ་སྟེ། དེ་ཉིད་རླུང་དང་རྣམ་ཤེས་ཐ་དད་མེད་པར་ཉེ་བར་འདྲེས་པས། འགག་པ་མེད་པ་ཀུན་དུ་སྣང་བ་བརྟེན་ཅིང་འབྲེལ་པར
339b2 འབྱུང་བ་ཉིད་དུའོ། །ཆོས་ཉིད་རྟོག་མེད་ཀྱི་ངང་ལས། རླུང་དང་ལྷན་ཅིག་ཏུ་འབྱུང་བས། སྲིད་པ་བར་དོར་ཡུལ་ལ་སྤྱོད་ཚུལ་ནི། དེ་ནས་རྣམ་པར་ཤེས་པ་གསུམ་གྱི་ནི། རྐྱེན་ལས་འཆར་བའི་སྣང་བ་དང་། སྣང་བ་མཆེད་པ་དང་། སྣང་བ
339b3 ཐོབ་པ་སྟེ། རྒྱུའི་རྐྱེན་དང་། དམིགས་པ་དང་། དབང་པོ་བདག་པོ་དང་། མཚུངས་པ་དེ་མ་ཐག་པ་ལས། མངོན་པར་འབྱུང་བ། རྟོག་པ་དང་ལྡན་པའི་རང་བཞིན་གྱི་སྣང་བ། རང་བཞིན་སུམ་བཅུ་རྩ་གསུམ་དང་། མཚན་ཉིད་བཞི་བཅུ་དང
339b4 མ་རིག་པའི་སྐད་ཅིག་མ་བདུན་དུ་རབ་ཏུ་གསལ་བར་ཉིན་དང་མཚན་དུ་སྤྱོད་པས། རྗེས་སུ་ཉམས་སུ་མྱོང་བར་བྱེད་པ་མ་དག་པའི་དུས་སོ། །ཡང་རླུང་དལ་ཞིང་རིག་པ་ཅུང་ཟད་གནས་པའི་ཚེ། སྣང་བ་གསུམ་གྱི་རྒྱུ་འབྲས་ཐམས་ཅད་སྒྱུ་མ
339b5 ལྟ་བུར་གྱུར་པས། རང་བཞིན་རྣམ་པ་ཐམས་ཅད་ཡེ་ཤེས་ཀྱི་ངང་དུ་རང་དག་རང་ཞི་རང་སར་གྲོལ་བས། ཡང་དག་པར་རབ་ཏུ་འབྱུང་བ། དེ་བཞིན་ཉིད་དུ་བདེ་བ། གསལ་བ། སྟོང་ཞིང་བདག་མེད་པའི་རྣམ་པར་མི་རྟོག་པའི་ཡེ
339b6 ཤེས་འཆར་བས། བག་ཆགས་རྣམ་པར་དག་པའི་བར་དོར་རྨི་ལམ་གྱི་བར་དོར་ལུས་ངག་སྒྱུ་མ་ལྟར་ཀུན་དུ་སྣང་བའོ། །སྒྱུ་ལུས་ཀྱི་སྣང་བ་དེ་ཉིད་ཀུན་རྫོབ་ཀྱི་སྤྱོད་པ་དག་པར་བྱེད་པའི་ཕྱིར། དེ་ཡང་འོད་གསལ་བ་ལ་རབ་ཏུ་འཇུག་པས
339b7 རིལ་པོར་འཛིན་པ་དང་། རྗེས་སུ་གཞིག་པའི་བསམ་གཏན་གྱིས་ལྷན་ཅིག་སྐྱེས་པའི་དྲི་མ་རྣམ་པར་དག་པའི་ཚེ། གང་ལ་ཡང་གནས་པ་མེད་པ་དང་། ཆོས་རྣམས་ཀུན་ལ་འགག་པ་མེད་པ་དང་། གནས་པ་མེད་ཅིང་། སྐྱེ་བ་མེད་པ་སྟེ།
339b8 སྤྲོས་མེད་དོན་དམ་པའི་བདེན་པ་རབ་ཏུ་མི་གནས་པའི་དོན། ཡང་དག་པའི་མཐའ་སྣང་བ་མེད་པ་ཞེས་བྱའོ། །དེ་ཉིད་ལས་ནི་ལུགས་ལས་བཟློག་གྱུར་པའི། །མུན་པ་ལྟ་བུའི་སྣང་བ་ཕྲ་རླུང་ལས། །འགོག་པ་མ་རིག་པ་ཞེས་བྱ་བར
iiif viewer powered by OpenSeadragon
