| e-texts navigator |
| Wylie |
339a1 དང་དགའ་བ་དང་། །མཆོག་ཏུ་དགའ་དང་དྲག་པོ་ལ་སོགས་པའོ། །ཀུན་རྫོབ་ཏུ་ནི་མངོན་སུམ་གྱིས་བསྟན་དང་། །སྐྱེས་པའི་གཟུགས་དང་ཡབ་ལྷའི་ཚོགས་དག་དང་། །མཚན་མ་རྡོ་རྗེ་ཞེས་ནི་རང་བརྟགས་པའོ། །སེམས
339a2 ལས་སེམས་ཞེས་བཤད་པ་ཡིན། །ཟླ་བའི་སྣང་དང་ཤིན་ཏུ་གསལ་བ་སྟེ། །ཆུ་ཡི་ཟླ་བ་ལྟ་བུར་བསྟན་པའོ། །རང་བཞིན་ནི་འདོད་ཆགས་དང་བྲལ་བ་ལ་སོགས་པའོ། །ཀུན་རྫོབ་ཏུ་གསལ་བ་ལས། བུད་མེད་དང་། བྷ་ག་དང་།
339a3 པདྨ་དང་ལྷ་མོའི་ཚོགས་ཀྱི་བརྡའོ། །འདིར་ཆོས་ཐམས་ཅད་ཀྱི་གནས་ལུགས་བསྟན་པར་བྱ་བའི་ཕྱིར། གང་དག་འོད་གསལ་ལས་བྱུང་དེ་ཉིད་ནི་ཆོས་ཉིད་རང་བཞིན་གྱིས་རྣམ་པར་དག་པ་འོད་གསལ་དབྱིངས་ལས། རིག་པ་རྟོག་མེད
339a4 ཀྱི་ཤེས་པ་ཕྲ་བའི་རླུང་དང་ལྷན་ཅིག་ཏུ་འབྱུང་བས་ན། སེམས་ནི་ཀུན་གཞིའོ། །ཡིད་ཀྱི་རྣམ་པར་ཤེས་པ་ནི་སྤྲོ་བ་དང་བསྡུད་པར་བྱེད་པའོ། །རྣམ་པར་ཤེས་པ་ནི་ཚོགས་བརྒྱད་དང་ལྡན་པའོ། །ཆོས་རྣམས་ཀུན་གྱི་རྩ་བར་གྱུར་པ་ནི།
339a5 བྱང་ཆུབ་ཀྱི་སེམས་མི་འགྱུར་བ་རྡོ་རྗེ་ནམ་མཁའ་མཉམ་པ་ཉིད་དོ། །ས་བོན་མ་དག་པ་ལས་འགྲོ་བ་འཁྲུལ་པ་ཀུན་ནས་ཉོན་མོངས་པར་སྣང་ལ། བག་ཆགས་དག་ལས་འཁྲུལ་པ་ལས་ལོག་པ། རྣམ་པར་བྱང་བ་ཉིད་དུ་ཡང་དག
339a6 པར་སྣང་བའོ། །ཕྱི་རོལ་པས་བརྟགས་པའི་ཐ་སྙད་སྣ་ཚོགས་པ་བདག་ཏུ་བརྟགས་པ་དེ་ལས། རྟོག་པ་གཉིས་སུ་གྱུར་པ་སྟེ། གཟུང་འཛིན་དུ་འབྱུང་བའོ། །བདག་དང་གཞན་ནི་བདག་དང་བདག་གི་བར་འཛིན་པ་གཉིས་སུ
339a7 བརྟགས་པས། དངོས་པོ་དང་མཚན་མར་འཛིན་པ། སེམས་སུ་རིག་པར་བྱེད་པ་ཉིད་དོ། །དེ་ལས་རྣམ་པར་ཤེས་པ་ཉིད་དུ་སྣང་། དེ་ཉིད་དུ་ཆོས་ཉིད་ཀྱི་རླུང་ལས། འོད་སྣང་རང་བྱུང་གི་སྣང་བར་ཤར་བའོ། །དེར་ལས་རླུང་ལས་ཀུན་དུ
339a8 གཡོ་བས། ཆགས་པ་ལས་མེ་བྱུང་། བསྲུབ་པ་ལས་ཞེ་སྡང་གི་ཆུ་སྣང་། དྲོད་གཤེར་ལས་གཏི་མུག་གི་སའི་ཁམས་བསྐྱེད་ཅིང་། དེར་འབྱུང་བ་ལྔ་ལྷན་ཅིག་ཏུ་ཚོགས་ཤིང་འདུས་པ་ལས། རྩ་ཀུན་གཞིའི་རིག་པ་སྙིང་ག་ཙམ་དུ་བརྟེན་ཏེ།
iiif viewer powered by OpenSeadragon
