| e-texts navigator |
| Wylie |
338b1 ཆུབ་སེམས་དཔའ་ཆེན་པོ་རྣམས་ཀྱིས། བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ཏེ། མགོ་བོས་གཏུགས་ཏེ་གཞན་ཡང་ཞུས་པ། ཨེ་མ་ཧོ་སྟོན་པ་རྡོ་རྗེ་འཛིན། །རྟོགས་པར་དཀའ་བའི་རྣམ་ཤེས་ནི། །གསུམ་གྱི
338b2 དབྱེ་བ་མཆོག་ཟབ་པ། །བཅོམ་ལྡན་འདས་ཀྱིས་བཤད་དུ་གསོལ། །བདེ་བར་གཤེགས་པས་གསུང་དུ་གསོལ། །དེ་སྐད་ཅེས་ནི་ཞུས་པ་དང་། །བཅོམ་ལྡན་འདས་ཀྱིས་བཀའ་སྩལ་པ། །གང་དག་འོད་གསལ་ལས་བྱུང་དེ་ཉིད་ནི། །
338b3 སེམས་དང་ཡིད་དང་རྣམ་པར་ཤེས་པ་ཞེས། །ཆོས་རྣམས་ཀུན་གྱི་རྩ་བར་གྱུར་པ་སྟེ། །ཀུན་ཉོན་མོངས་དང་རྣམ་པར་བྱང་བ་ཡི། །བདག་ཉིད་དེ་ལས་རྟོགས་པ་གཉིས་རིག་བྱེད། །རྣམ་ཤེས་དེ་ཡི་བཞོན་པ་རླུང་ཡིན་ཏེ། །རླུང
338b4 ལས་མེ་དང་མེ་ལས་ཆུ་འབྱུང་ཞིང་། །ཆུ་ལས་ས་ཡང་རབ་ཏུ་འབྱུང་བར་བཤད། །དེ་རྣམས་འདུས་ལས་ཕུང་པོ་ལྔ་ཉིད་དང་། །སྐྱེ་མཆེད་དྲུག་དང་ཡུལ་ལྔར་སྣང་བ་གང་། །དེ་དག་རྟེན་ཅིང་འབྲེལ་པར་འབྱུང་བ་སྟེ། །རླུང་དང་རྣམ་ཤེས
338b5 ཉེ་བར་འདྲེས་པའོ། །དེ་ནས་རྣམ་པར་ཤེས་པ་གསུམ་གྱིས་ནི། །རང་བཞིན་གྱི་ནི་སྣང་བར་རབ་གསལ་བར། །སྤྱོད་པ་རྗེས་སུ་མྱོང་བར་བྱེད་པའོ། །སྣང་བའི་རྒྱུ་འབྲས་ཀྱིས་ནི་རང་བཞིན་རྣམས། །ཡང་དག་པར་ཡང་རབ་ཏུ་འབྱུང་བ
338b6 དང་། །རྨི་ལམ་སྒྱུ་མ་ལྟར་ནི་སྣང་བའོ། །དེ་ཡང་འོད་གསལ་གནས་པ་མེད་པ་དང་། །འགག་པ་དང་ནི་སྐྱེ་བ་མེད་པ་སྟེ། །དོན་དམ་བདེན་པ་ཡང་དག་པ་ཡི་མཐའ། །དེ་ལས་འབྱུང་བ་མུན་པའི་སྣང་བ་ནི། །འགོག་པ་མ་རིག་པ་ཞེས་བྱ་བར
338b7 བསྟན། །དེ་ཡི་རང་བཞིན་སྣང་བ་དང་། །འཁྲུལ་དང་རྣམ་པར་གཡེང་བ་དང་། །དྲན་པ་མེད་དང་ལེ་ལོ་དང་། །མི་སྨྲ་བ་དང་མི་གསལ་བའོ། །མ་རིག་པ་ཡང་སེམས་ལས་བྱུང་བ་སྟེ། །ངོ་བོ་ཆོས་ཉིད་རྣམ་པར་མི་རྟོག་པ། །མར་མེ་ལྟར
338b8 འབར་སྣང་བ་ཉེར་ཐོབ་ལས། །རླུང་གི་ཁམས་ཉིད་ཕྲ་བར་འཇུག་པས་ནི། །མ་ནིང་ལྟར་ནི་ཤེས་དང་མི་གསལ་བའོ། །ཉི་མའི་སྣང་བ་ལྟ་བུར་བསྟན་པ་དང་། །ཤིན་ཏུ་གསལ་བའི་སྨིག་རྒྱུ་ལྟ་བུ་སྟེ། །དེ་ཡི་རང་བཞིན་ཆགས
iiif viewer powered by OpenSeadragon
