| e-texts navigator |
| Wylie |
169b1 མཆེད་གཟུགས། །རྫོགས་པའི་རིམ་པའི་སྦྱོར་བ་ཡིས། །སྔགས་པས་སྦྱོར་བ་ངེས་བྱས་ལ། །ཐམས་ཅད་དག་པར་མོས་པ་ཡིས། །འཇིགས་པ་ཐམས་ཅད་སྤངས་ནས་སུ། །དོགས་པ་མེད་པའི
169b2 སེམས་ཀྱིས་ནི། །སྔགས་པས་སེང་གེ་བཞིན་དུ་སྤྱོད། །འདི་ལ་མི་བྱ་ཅི་ཡང་མེད། །དེ་བཞིན་མི་བཟའང་ཡོད་མ་ཡིན། །སྨྲ་བར་མི་བྱ་ཅུང་ཟད་མེད། །རྟག་ཏུ་མི་བསམ་ཅི་ཡང་མེད། །མཉམ་པར་མ
169b3 བཞག་སྦྱོར་བ་ཡིས། །རྟག་པ་ཉིད་དུ་མཉམ་པར་འཇོག་།གང་གིས་སེམས་ཀུན་ལ་སྤྱོད་པ། །ཀུན་དུ་སྤྱོད་པ་ཞེས་བཤད་དོ། །དབང་པོ་དང་ནི་ཡུལ་རྣམས་ཀྱི། །རྐྱེན་གྱིས་གང་དང་གང་བྱུང
169b4 ཡིད། །ཡིད་དེ་མན་ཞེས་བྱ་བར་བཤད། །ཏ་ནི་སྐྱོབ་པར་བྱེད་པའི་དོན། །འཇིག་རྟེན་སྤྱོད་ལས་རྣམ་གྲོལ་བར། །གང་བཤད་དམ་ཚིག་སྡོམ་པ་སྟེ། །རྡོ་རྗེ་ཀུན་གྱིས་བསྲུངས་པ་ནི། །སྔགས་ཀྱི་སྤྱོད
169b5 པ་ཞེས་བཤད་དོ། །རང་རང་གི་ནི་ངོ་བོ་ཉིད། །སྙིང་པོ་ཡིད་ཀྱིས་རྣམ་བསམས་ཏེ། །གསང་སྔགས་ཟློས་པའི་དབྱེ་བ་ཡིས། །ཟློས་པར་བྱེད་ཅིང་སྤྲོ་ཞིང་བསྡུ། །སངས་རྒྱས་སྣ་ཚོགས་རྡོ་རྗེའི་བདག་།ཡེ
169b6 ཤེས་ས་བོན་དག་གིས་བསྡུ། །བྱང་ཆུབ་བདག་མེད་ས་བོན་གྱིས། །བརྟུལ་ཞུགས་ཅན་གྱིས་བདག་མེད་གཟུང་། །སྣ་ཚོགས་བཞིན་དུ་སྣ་ཚོགས་སྤྲོ། །དུས་གསུམ་ས་བོན་དག་གིས་བཟླ། །བཟླས་པ
169b7 སྨྲ་བར་གྲགས་པས་ན། །ངག་ཀུན་བཟླས་པ་ཞེས་བཤད་ལ། །སྔགས་ཀུན་འབོད་པ་ཞེས་བཤད་དེ། །དེ་ཉིད་བསྐུལ་བར་སྨྲ་བའོ། །ཇི་ལྟར་ཐུགས་སོགས་བྱིན་རློབ་པ། །ཏིང་ངེ་འཛིན་ཀྱང་དེ་བཞིན་ནོ། །དེ་རྣམས
169b8 སྤྱི་བོར་དབང་བསྐུར་དང་། །དེ་བཞིན་ཀུན་ཏུ་མཆོད་པའོ། །རྡོ་རྗེ་འཆང་བ་གང་ཡིན་པའི། །རིག་པ་ཡོད་པའི་སྦྱོར་བ་དང་། །བདག་བྱིན་བརླབ་སོགས་དེ་བཞིན་ཏེ། །དེ་ཡི་ལོངས་སྤྱོད་བཞིར་ཤེས་བྱ། །དཔའ་བོ་རྡོ་རྗེ
iiif viewer powered by OpenSeadragon
