| e-texts navigator |
| Wylie |
169a1 བའི་དངོས། །རྡོ་རྗེ་ཀུན་གྱི་དམ་ཚིག་སྟེ། །དེས་ན་གཙོ་བོ་བགེགས་མཐར་བྱེད། །མི་འཇིག་རྣམ་པར་མི་ཤེས་པ། །བརྗོད་དུ་མེད་དང་རྟོག་བྲལ་བ། །སངས་རྒྱས་བྱང་ཆུབ་ཡེ་ཤེས་འདི། །ཤེས་ན་བདེ་བ
169a2 ཐོབ་པར་འགྱུར། །གཏི་མུག་གཏི་མུག་ལོངས་སྤྱོད་པས། །གཏི་མུག་ཟད་ཕྱིར་གཤིན་རྗེ་གཤེད། །དེས་ན་ལུས་མཐར་བྱེད་པ་སྟེ། །དེས་ན་ཤེས་བྱ་མཐར་བྱེད་འགྱུར། །ཉེས་པ་ཉེས་པ་ལོངས་སྤྱད
169a3 པས། །ཉེས་པ་ཟད་ཕྱིར་ཤེས་མཐར་བྱེད། །དེས་ན་སེམས་ནི་མཐར་བྱེད་དེ། །དེས་ན་ཉོན་མོངས་མཐར་བྱེད་འགྱུར། །འདོད་ཆགས་འདོད་ཆགས་ལོངས་སྤྱོད་པས། །འདོད་ཆགས་ཟད་པས་པད
169a4 མཐར་བྱེད། །དེས་ན་ཆགས་པ་མཐར་བྱེད་དེ། །དེ་བཞིན་སྙོམས་འཇུག་མཐར་བྱེད་འགྱུར། །ཉོན་མོངས་ཀུན་ཟད་གང་ཡིན་དང་། །དེ་བཞིན་ལས་ནི་ཐམས་ཅད་ཟད། །སྒྲིབ་པ་ཀུན་ཟད་ཡེ
169a5 ཤེས་ནི། །བགེགས་མཐར་བྱེད་ཅེས་བྱ་བར་བཤད། །ཉོན་མོངས་རྡོ་རྗེའི་སྒྲིབ་དག་ན། །ལས་རྣམས་ཐམས་ཅད་རྣམ་པར་དག་།ལས་རྣམས་ཐམས་ཅད་རྣམ་དག་པས། །ལས་སྐྱེས
169a6 འབྲས་བུ་རྣམ་དག་འགྱུར། །གཟུང་དང་ཆགས་པ་ཉིད་དང་ནི། །རྣམ་པ་དེ་བཞིན་མི་གཡོ་དང་། །རྒྱུ་ཉིད་འབྲས་བུ་ཉིད་དག་སྟེ། །དྲུག་ལས་ཐུགས་ནི་ཀུན་དུ་འབྱུང་། །འདོད་པའི་རྒྱལ་པོ་ལ་སོགས
169a7 དྲུག་། ཁྲོ་བོའི་དབང་པོར་རྣམ་པར་གྲགས། །དམ་ཚིག་རྡོ་རྗེ་ལ་སོགས་དྲུག་།ས་ལ་སོགས་པ་རྣམ་པ་ལྔ། །འབྱུང་དང་འབྱུང་ལས་གྱུར་པར་གྲགས། །རིག་པའི་རྒྱལ་པོར་ཞེས་བཤད་དོ། །གཟུགས
169a8 ཀྱི་རྡོ་རྗེ་ལ་སོགས་དྲུག་། རྡོ་རྗེའི་བདག་པོ་ཞེས་བཤད་དོ། །སྐུ་གསུང་ཐུགས་ཀྱི་རྡོ་རྗེ་ལས། །བདག་ཉིད་ཆེན་པོ་ཀུན་དུ་འབྱུང་། །ཐབས་དང་ཤེས་རབ་ལས་བྱུང་བའི། །ཕུང་པོ་ཁམས་དང་སྐྱེ
iiif viewer powered by OpenSeadragon
