| e-texts navigator |
| Wylie |
167a1 ཇི་ལྟར་དེ་རྣམས་སྤྱན་དྲང་བགྱི། །བཅིང་བ་འདིར་ནི་ཇི་ལྟ་བུ། །དབང་བསྐུར་བ་ནི་ཇི་ལྟར་སྩལ། །དེ་བཞིན་རིག་པའི་བརྟུལ་ཞུགས་གང་། །བདུད་རྩི་ལྔ་རྣམས་ཅི་ལྟར་བཟའ། །དེ་བཞིན་དཔའ་བོ་ལྔ་གང
167a2 ལགས། དངོས་གྲུབ་ཐ་མལ་ཇི་ལྟ་བུ། །དེ་བཞིན་མཆོག་ཀྱང་ཇི་ལྟ་བུ། །དེ་ལ་ཐབས་ནི་རྣམ་པ་དུ། །དེ་བཞིན་ཐབས་བྱུང་ཇི་ལྟ་བུ། །རྣལ་འབྱོར་རྡོ་རྗེ་ཅན་ཀུན་གྱི། །བཀའ་ནི་ཇི་ལྟར་བསྒོ་བར་བགྱི། །ལས
167a3 ཀྱི་མཆོག་གི་ཚོགས་རྣམས་ནི། །སྣ་ཚོགས་ཇི་ལྟར་བྱེད་པར་འགྱུར། །དེ་ནས་དེ་བཞིན་གཤེགས་པ་དེ་དག་ཐམས་ཅད་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ཀྱིས་ཞུས་པའི་ཚིག་ཉེ
167a4 བར་གསན་ནས། བྱང་ཆུབ་སེམས་དཔའ་ཆེན་པོ་རྡོ་རྗེ་འཛིན་པ་ལ་དམིགས་པར་མཛད་ནས་སྐད་ཅིག་ཅང་མི་གསུང་བར་གྱུར་ཏོ། །དེ་ནས་བྱང་ཆུབ་སེམས་དཔའ་ཆེ། །སྙིང་རྗེའི་བདག་ཉིད་རབ་དགའ་ནས། །
167a5 རྫོགས་པའི་སངས་རྒྱས་བདེ་བར་གཤེགས། །མགོན་ལ་ཡང་དང་ཡང་རབ་བསྐུལ། །དེ་ནས་དེ་བཞིན་གཤེགས་པ་དེ་དག་ཐམས་ཅད་ཀྱིས་བྱང་ཆུབ་སེམས་དཔའ་དེ་རྣམས་ལ་འདི་སྐད་ཅེས་བཀའ
167a6 སྩལ་ཏོ། །སྐུ་གསུང་ཐུགས་ཀྱི་རྡོ་རྗེ་ཡིས། །སྐུ་གསུང་ཐུགས་ནི་རྡོ་རྗེ་ལ། །བཞག་ནས་བྱང་ཆུབ་སེམས་དབང་པོ། །ཞུས་པ་རྒྱ་ཆེན་མཉན་པར་གྱིས། །དེ་ནས་བྱང་ཆུབ་སེམས་དཔའ་སེམས་དཔའ
167a7 ཆེན་པོ་དེ་དག་ཐམས་ཅད་དེ་བཞིན་གཤེགས་པ་དེ་དག་ཐམས་ཅད་ཀྱིས་རྗེས་སུ་གཟུང་པའི་བཀའ་སྤྱི་བོས་རབ་ཏུ་མནོས་ཏེ། བཅོམ་ལྡན་འདས་ལེགས་སོ་ལེགས་སོ། །བདེ་བར་གཤེགས་པ་ལེགས་སོ
167a8 ལེགས་སོ་ཞེས་གསོལ་ནས། རང་རང་གི་ལུས་དང་ངག་དང་ཡིད་རྡོ་རྗེས་བྱང་ཆུབ་སེམས་དཔའ་ཆེན་པོ་རྡོ་རྗེ་འཛིན་པ་ཆེན་པོའི་སྐུ་དང་གསུང་དང་ཐུགས་རྡོ་རྗེ་ལ་དམིགས་ཏེ་ཅང་མི་སྨྲ་བར་གྱུར་ཏོ། །དེ་ནས
iiif viewer powered by OpenSeadragon
