| e-texts navigator |
| Wylie |
166b1 དེ་ནས་བྱང་ཆུབ་སེམས་དཔའ་ཀུན། །རབ་ཏུ་དགའ་བས་མིག་གདངས་ཏེ། །ཡང་དང་ཡང་དུ་ཕྱག་འཚལ་ནས། །འདི་ཡི་སོམ་ཉི་ཞུས་པར་གྱུར། །གསང་བ་ཞེས་འདི་གང་ལ་བགྱི། །འདུས་པ་ཞེས་ནི
166b2 གང་ལ་བརྗོད། །རྒྱུད་ཀྱི་འབྲེལ་པ་ཇི་ལྟ་བུ། །རྣལ་འབྱོར་རྒྱུད་འདིར་ཅི་ལ་བགྱི། །དེ་ཉིད་རྣམ་པ་དུ་རུ་བཤད། །དེ་བཞིན་གསང་བ་རྣམ་པ་དུ། །གསང་ཆེན་ཞེས་ནི་གང་ལ་བགྱི། །དམ་པ་རྣམ་པ་དུ་ཞིག
166b3 མཆིས། །བྱང་ཆུབ་སེམས་ཞེས་གང་ལ་བགྱི། །དེ་བཞིན་རིག་པའི་སྐྱེས་བུ་ཅི། །བཛྲ་དྷྲཱིཀ་ཅེས་ཅི་ལ་བགྱི། །དེ་བཞིན་ཛི་ན་ཛིཀ་ནི་གང་། །དེ་ལ་རཏ་ན་དྷྲྀཀ་ནི་གང་། །དེ་བཞིན་ཨཱ་རོ་ལིཀ་ནི་ཅི། །
166b4 པྲཛྙཱ་དྷྲྀཀ་ཅེས་གང་ལ་བགྱི། །རིགས་འདིར་དེ་བཞིན་གང་ཞིག་ལགས། །མོ་ཧ་ཞེས་ནི་གང་ལ་བགྱི། །དྭེ་ཥ་ཞེས་བྱ་འདིར་གང་ལགས། །རཱ་ག་ཞེས་ནི་ཅི་ལ་བགྱི། །བཛྲ་སྔགས་ནི་གང་ལ་བགྱི།
166b5 ར་ཏི་ཞེས་འདིར་གང་ལ་བགྱི། །ཕུན་སུམ་ཚོགས་པ་གང་ཞིག་ལགས། །ཡ་མཱན་ཏ་ཀྲྀཏ་དོན་ནི་གང་། །དེ་བཞིན་པྲཛྙཱ་ན་ཏ་ཀྲྀཏ་ཅི། །པད་མཱན་ཏ་ཀྲྀཏ་མིང་ཅི་ལྟ། །དེ་བཞིན་བིགྷྣན་ཏ་ཀྲྀཏ་ཅི། །
166b6 ཀུན་དུ་སྤྱོད་པ་གང་ཅི་ལགས། །དེ་བཞིན་སྔགས་ཀྱི་སྤྱོད་པ་གང་། །འདིར་ནི་བཟླས་པ་གང་ཞིག་ལགས། །རྒྱས་བཏབ་པ་ཞེས་གང་ལ་བགྱི། །ཆོས་འབྱུང་བ་ནི་ཇི་ལྟར་བསྒོམ། །དེ་བཞིན
166b7 སྡོམ་པ་ཇི་ལྟ་བུ། །ཞེ་སྡང་གཏི་མུག་འདོད་ཆགས་ཆོས། །སེམས་ཅན་དོན་མཛད་ཇི་ལྟ་བུ། །དཀྱིལ་འཁོར་ཞེས་ནི་གང་ལ་བགྱི། །ཕྱག་རྒྱའི་དགོད་པ་ཇི་ལྟར་ལགས། །འདིར་ནི་མེ་ཏོག་ཅི
166b8 ཞིག་ལགས། །མཆོད་རྟེན་ཞེས་ནི་གང་ལ་བཤད། །ཡེ་ཤེས་འཁོར་ལོ་ཇི་ལྟར་ཤེས། །འདིར་ནི་གནས་ཤེས་གང་ལ་བཤད། །མགོན་པོ་བསྐུལ་བ་ཇི་ལྟ་བུ། །གཏོང་བ་དག་ཀྱང་ཇི་ལྟ་བུ། །
iiif viewer powered by OpenSeadragon
