| e-texts navigator |
| Wylie |
166a1 དང་ལྡན་པའི་དེ་བཞིན་གཤེགས་པ་དེ་དག་ཐམས་ཅད་ལ་འདི་སྐད་ཅེས་གསོལ་ཏོ། །ེ་མའོ་ཀུན་དུ་བཟང་པོ་ཡི། །སྐུ་གསུང་ཐུགས་ཀྱི་ངེས་པར་དག་།རྡོ་རྗེ་གསུམ་གྱིས་ཀུན་དུ་ནི། །རྡོ་རྗེ་གསུམ་ལ
166a2 ཀུན་ཏུ་བཞུགས། །སེམས་ཅན་ཐམས་ཅད་དུས་གསུམ་གྱི། །རྡོ་རྗེའི་ངོ་བོར་ཡང་དག་བྱུང་། །སངས་རྒྱས་རྡོ་རྗེ་རྫུ་འཕྲུལ་ཆེ། །བྱང་ཆུབ་རྡོ་རྗེའི་གནས་ཐོབ་པའོ། །ེ་མའོ་འདི་རབ་ངོ་མཚར་ཆེ། །
166a3 ཨེ་མའོ་ཞི་བ་དབང་པོ་འདས། །ེ་མའོ་འཁོར་བ་དག་གི་རྒྱུན། །ེ་མའོ་མཆོག་ཏུ་མྱ་ངན་འདས། །དེ་ནས་དེ་བཞིན་གཤེགས་པ་དེ་དག་ཐམས་ཅད་ཀྱིས་བྱང་ཆུབ་སེམས་དཔའ་སེམས
166a4 དཔའ་ཆེན་པོ་དེ་རྣམས་ལ་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་དེ་དེ་བཞིན་ནོ། །སེམས་དཔའ་ཆེན་པོ་དེ་དེ་བཞིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ཡང་འདུས་པར་གྱུར
166a5 ནས། །དེ་བཞིན་གཤེགས་པ་དེ་དག་ཐམས་ཅད་ལ་གསང་བ་དང་། ཕྱིའི་མཆོད་པ་རྣམས་ཀྱིས་ཡང་དག་པར་མཆོད་ནས་ཕྱག་བྱས་ཏེ་མགྲིན་གཅིག་ཏུ་འདི་སྐད་ཅེས་གསོལ་ཏོ། །ེ་མའོ་ཤིན་ཏུ
166a6 རྙེད་དཀའ་བ། །བྱང་ཆུབ་སྒྲུབ་པའི་ཐབས་འདི་ཡིན། །རྒྱུད་ཀྱི་མཆོག་གི་མཆོག་གྱུར་པ། །གསང་བ་འདུས་པ་ཞེས་བྱའི་རྒྱུད། །སྦས་པ་དེ་ནི་རྟོགས་ཕྱིར་དང་། །སེམས་ཅན་རྣམས་ལ་ཕན
166a7 འདོད་པས། །ཡང་དག་གསུང་བས་གང་བཤད་པ། །མགོན་པོ་ཁྱེད་ལ་གསོལ་བར་འཚལ། །དེ་ནས་དེ་བཞིན་གཤེགས་པ་དེ་དག་ཐམས་ཅད་ཀྱིས་བྱང་ཆུབ་སེམས་དཔའ་དེ་རྣམས་ལ
166a8 འདི་སྐད་ཅེས་བཀའ་སྩལ་ཏོ། །གང་ཞིག་སྦས་པའི་རྒྱུད་ཚིག་དེ། །དེ་དག་ཐམས་ཅད་འདྲི་འདོད་པ། །སེམས་དཔའ་ཆེན་པོ་ལེགས་སོ་ལེགས། །ཡོན་ཏན་འབྱུང་གནས་ལེགས་སོ་ལེགས། །
iiif viewer powered by OpenSeadragon
