| e-texts navigator |
| Wylie |
72a1 ཡེ་ཤེས་མེ་ནི་བསྐུལ་བ་མཁས། །འཁོར་ལོ་བཞི་འམ་བརྒྱད་གཉིས་བཤད། །བདེ་ཆེན་མ་རྟོགས་གཉིས་ཙམ་བསྲེགས། །བདེ་ཆེན་ཧ~ཾ་ནི་བསྲོས་བྱས་ནས། །ཞུ་བ་འཆི་མེད་བདུད་རྩི་ནི། །ཟླ་བ་ཞུ་བའི
72a2 བདུད་རྩི་ཡིས། །སྲོག་གི་རྩ་ཡི་ནང་ནས་འབབ། །རྒྱུན་དུ་འབབ་པར་གྱུར་པ་ཡིས། །འཆི་མེད་ཐིགས་པ་གཉིས་ཡིན་ཏེ། །གཟུང་བ་མདུད་པའི་ནང་དུ་གཟུང་། །གོ་བཟློག་ལུགས་སུ་བཟློག་པ་སྟེ། །མཐར་ཐུག་གནས
72a3 སུ་གཟུང་བའོ། །གསང་བའི་འཁོར་ལོ་བཞི་པ་ནི། །གསང་བ་བདེ་སྐྱོང་འཁོར་ལོ་སྟེ། །ཧཱུ~ཾ་ནི་ལྟེ་བར་དགོད་བྱས་ནས། །འདབ་མ་ལྔ་བཅུ་བརྒྱད་ཀྱི་གྲངས། །གསལ་བྱེད་ལུགས་བཞིན་དགོད་པར་བྱ། །དབྱངས་ཡིག་རིམ
72a4 གཉིས་དག་བཀོད་ནས། །ཐ་མ་བཟུང་སྟེ་སྤངས་པའོ། །སྡིག་པ་སྤོང་ཕྱིར་བདེ་སྐྱོང་སྟེ། །དེ་ཕྱིར་བདེ་སྐྱོང་ཞེས་ནི་བཤད། །རྟ་མགྲིན་འཁོར་ལོའི་འདབ་བཟུང་ལ། །དབྱངས་ཡིག་ལུགས་དང་ལུགས་མིན་དགོད། །ལྟེ་བར་ཨུ
72a5 ནི་དགོད་པར་བྱ། །བདེ་བའི་ལོངས་སྤྱོད་མྱོང་བའི་ཕྱིར། །རྟ་མགྲིན་འཁོར་ལོ་རུ་ནི་བཤད། །རིག་པའི་འཁོར་ལོ་འདབ་མ་ལྔ། །ལྟེ་བར་ཧ~ཾ་ནི་དགོད་བྱས་ནས། །འདབ་མ་ལྔ་ལ་ཨོཾ་ཧཱུ~ཾ་ཏྲ~ཾ་ཨ། །གཡས་ནས་རིམས་གྱིས་དགོད
72a6 པར་བྱ། །བཞི་པའི་དོན་ནི་རིག་པའི་ཕྱིར། །རིག་པའི་འཁོར་ལོ་ཞེས་ནི་བཤད། །གསང་བའི་འཁོར་ལོ་རིམ་པ་དྲུག་།ལྟེ་བ་འདབ་བཞི་འདབ་མ་བརྒྱད། །བཅུ་དྲུག་སུམ་བཅུ་རྩ་གཉིས་ཏེ། །དྲུག་བཅུ་རྩ་བཞི་བཤད་པ
72a7 ཡིན། །ལྟེ་བར་ཨ་ནི་དགོད་པ་སྟེ། །ེ་བ~ཾ་མ་ཡ་དེ་རྣམས་ནི། །འདབ་མ་བཞི་ལ་གཡོན་ནས་དགོད། །འདབ་མ་བརྒྱད་ལ་དགོད་བྱ་བ། །སྡེ་བརྒྱད་ཀྱི་ནི་དང་པོ་བརྒྱད། །གཡོན་གྱི་རིམ་པས་དགོད་པར་བྱ། །འདབ་མ་བཅུ་དྲུག་གང་ཡིན་ལ། །
72a8 མ་མོ་བཅུ་དྲུག་གཡོན་ནས་དགོད། །འདབ་མ་སུམ་བཅུ་གཉིས་སོགས་ལ། །དབྱངས་ཡིག་ཡི་གེ་བཅུ་དྲུག་ནི། །གཡས་དང་གཡོན་གྱི་རིམ་པས་དགོད། །འདབ་མ་དྲུག་བཅུ་རྩ་བཞི་ལ། །གཡས་ནས་ཀཱ་ལི་ལུགས་བཞིན་དགོད། །ཱ་ལི་རིམ
iiif viewer powered by OpenSeadragon
