| e-texts navigator |
| Wylie |
71b1 གྲངས་ནི་བཞི་ཡིན་ཏེ། །བདེ་ཆེན་འཁོར་ལོ་ལོངས་སྤྱོད་ཆོས། །དེ་འོག་སྤྲུལ་པའི་འཁོར་ལོ་སྟེ། །དེ་རེ་ལ་ཡང་བཞི་བཞི་སྟེ། །བཅུ་དྲུག་གྲངས་སུ་ཤེས་པར་བྱ། །མེ་རླུང་གཉིས་ནི་རྐྱེན་ཡིན་ཏེ། །རོ་མའི་འཁོར་ལོ་ཉིད་དང་ནི། །སྤྱི་གཙུག
71b2 འཁོར་ལོ་དབང་བསྐུར་གནས། །གསང་བའི་འཁོར་ལོ་བཞི་ཡིན་ཏེ། །བདེ་སྐྱོང་འཁོར་ལོ་དང་པོ་སྟེ། །རྟ་མགྲིན་ལོངས་སྤྱོད་འཁོར་ལོ་ཡིན། །རིག་པའི་འཁོར་ལོ་གསུམ་པའོ། །གསང་བའི་འཁོར་ལོ་བཞི་ཡིན་ནོ། །ཉི་ཤུ་རྩ་བཞི་གྲངས
71b3 སུ་བསྟན། །རྩ་རྣམས་རང་བཞིན་ང་ཡིས་བཤད། །རྩ་ནི་ས་ཡི་རང་བཞིན་ཏེ། །རླུང་དང་ཐིག་ལེའི་རང་བཞིན་ནོ། །དེ་ནས་ཡི་གེ་དགོད་པ་ནི། །བདེ་ཆེན་འཁོར་ལོ་སུམ་བཅུ་གཉིས། །གསལ་བྱེད་སུམ་བཅུ་རྩ་གཉིས་ནི། །གཡས་ནས
71b4 བསྐོར་ཏེ་དགོད་པར་བྱ། །ལོངས་སྤྱོད་འཁོར་ལོའི་རྩིབས་བཅུ་དྲུག་།དབྱངས་ཡིག་བཅུ་དྲུག་གཡོན་ནས་དགོད། །ཆོས་ཀྱི་འཁོར་ལོ་འདབ་མ་བརྒྱད། །ཡུམ་བཞིའི་ས་བོན་གཡོན་ནས་དགོད། །ཐབས་ནི་མཚམས་ཏེ་གཡས་ནས
71b5 བསྐོར། །སྤྲུལ་པའི་འཁོར་ལོའི་འདབ་མ་ནི། །དྲུག་བཅུ་རྩ་བཞི་གང་ཡིན་ལ། །གསལ་བྱེད་གཡས་བསྐོར་དགོད་པར་བྱ། །དབྱངས་ཡིག་གཉིས་ལྡན་གཡོན་ནས་བསྐོར། །བདེ་ཆེན་འཁོར་ལོའི་ལྟེ་དབུས་སུ། །ཧ~ཾ་ནི་དཀར་པོ་ཐུར་བལྟས
71b6 བསམ། །ལོངས་སྤྱོད་འཁོར་ལོའི་ལྟེ་དབུས་སུ། །ོཾ་ནི་དཀར་པོ་གྱེན་བལྟས་བསམ། །ཆོས་ཀྱི་འཁོར་ལོའི་ལྟེ་དབུས་སུ། །ཧཱུ~ཾ་ནི་སྔོན་པོ་ཐུར་བལྟས་བསམ། །སྤྲུལ་པའི་འཁོར་ལོའི་ལྟེ་དབུས་སུ། ། ནི་དམར་པོ་གྱེན་བལྟས
71b7 བསམ། །རྐྱེན་གྱི་འཁོར་ལོ་གཉིས་ཡིན་ཏེ། །དང་པོའི་གནས་སུ་ཡི་གེ་ཡ~ཾ། །གཏུམ་མོ་འབར་བའི་ཡ~ཾ་ཡིན་ཏེ། །ནག་པོ་ཡོངས་སུ་གྱུར་བ་ལས། །རླུང་འཁོར་མདོག་གནག་གཞུ་ཡི་དབྱིབས། །དབུས་སུ་དྷ་ལྔ་དགོད་བྱས་ནས། །བ
71b8 དན་ལྔ་ནི་མཛེས་པའོ། །གྲུ་གསུམ་གནས་སུ་ཡི་གེ་ར~ཾ། །མེ་ཡི་འཁོར་ལོ་གྲུ་གསུམ་དམར། །དབུས་སུ་ཨོཾ་ཨཱཿཧཱུ~ཾ་ནི་དགོད། །ཟུར་ལ་རྡོ་རྗེ་གསུམ་གྱིས་མཚན། །རྐྱེན་གྱི་འཁོར་ལོ་དེ་ལྟར་ཡིན། །རླུང་གིས་བསྐྱོད་པས་དམ་ཚིག་མེས། །
iiif viewer powered by OpenSeadragon
