| e-texts navigator |
| Wylie |
70b1 མཚན་པའོ། །རླུང་གིས་དམ་ཚིག་མེ་སྦར་བས། །དམ་ཚིག་མེ་ཡིས་གཏུམ་མོ་བསྐུལ། །འཁོར་ལོ་གསུམ་བསྲེགས་རྙིད་པ་ཙམ། །ཡི་གེ་ཧ~ཾ་ནི་བསྲོས་པ་ཡིས། །ཧ~ཾ་བཞུ་བདུད་རྩིའི་ཆར་ཡང་བབ། །ལྟེ་བའི་གནས་སུ་ཐིག་ལེར་གྱུར། །
70b2 རྒྱུན་དུ་འབར་བར་གྱུར་པ་ཡིས། །རིན་ཆེན་དབྱིབས་འདྲའི་ནང་སླེབས་ནས། །རང་བཞིན་དགའ་བ་ཉམས་མྱོང་བས། །རང་གི་སེམས་ཀྱི་སྙིང་པོའི་རོ། །བཞི་པའི་དཔལ་ལྡན་ཧེ་རུ་ཀ་།དེ་ཉིད་རྟོགས་པར་གྱུར་པ་ཡིས། །
70b3 ཆོས་སྐུ་རྡོ་རྗེ་འཆང་ཆེན་པོའི། །ས་ནི་ངེས་པར་ཐོབ་པའོ། །དཔལ་རྡོ་རྗེ་གྲུབ་པ་དྲ་བའི་སྡོམ་པའི་རྒྱུད་ལས་འཁོར་ལོ་བཞི་བསྟན་པའི་ལེའུ་སྟེ་གསུམ་པའོ།། །།དེ་ནས་གཞན་ཡང་བཤད་བྱ་བ། །ཡིད་བཞིན་ནོར
70b4 བུ་དང་མཚུངས་པའི། །ངེས་དོན་དུ་ནི་ང་ཡིས་གསུངས། །དེ་ཡི་དོན་ལ་ཁྱེད་རྣམས་ཀྱིས། །རྩེ་གཅིག་སེམས་ཀྱིས་ཡིད་ལ་ཟུང་། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་བྱམས་པ་དང་། དགའ་བའི་འོད་དང་། དྲི
70b5 མ་མེད་པའི་འོད་ལ་སོགས་པ་དཔའ་བོ་དང་། རྣལ་འབྱོར་མའི་འཁོར་དཔག་ཏུ་མེད་པ་ཐམས་ཅད་དགའ་ཞིང་མགུ་ནས་རྗེས་སུ་ཡིད་རང་ནས་ལྷའི་མཆོད་པ་རྣམ་པ་དུ་མས་མཆོད་པ་ནི་ནམ་མཁའ་ལ་རིན་པོ་ཆེའི་ཆར་དང་། སྒེག
70b6 པ་དང་། རྒོད་པ་དང་། དགའ་བའི་མཆོད་པའི་རྣམ་པ་དང་། པ་ཊ་ཧ་ལ་སོགས་པའི་མཆོད་པ་དང་། གཞན་ཡང་ལྷ་འི་མེ་ཏོག་དང་། སྤོས་དང་། མར་མེ་དང་། ཞལ་ཟས་ཀྱི་མཆོད་པ་རོ་རྒྱ་པ་དང་། བཏུང་བའི་མཆོད་པས
70b7 མཆོད་དེ། གཞན་ཡང་ནང་དང་། གསང་བ་དང་། གསང་བའི་གསང་བ་བླ་ན་མེད་པའི་མཆོད་པ་ཆེན་པོ་རྨད་དུ་བྱུང་བས་མཆོད་ནས་ལན་གསུམ་བསྐོར་བ་བྱས་ཏེ། སོ་སོའི་རྫུ་འཕྲུལ་གྱིས་མི་སྣང་བར་གྱུར་ཏོ། །དཔལ
70b8 རྡོ་རྗེ་གྲུབ་པ་དྲ་བ་སྡོམ་པའི་རྒྱུད་ཀྱི་རྒྱལ་པོ་རྫོགས་སྷོ། ། །། རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་པའོ། །
iiif viewer powered by OpenSeadragon
