| e-texts navigator |
| Wylie |
69b1 རང་རིག་ནི། །སེམས་ཀྱི་དེ་ཉིད་སྟོང་པའི་རོ། །སྐད་ཅིག་དེ་ཡི་རྒྱུན་ཉིད་ལ། །རྒྱུད་ཅེས་བྱ་བར་བསྟན་པ་ཡིན། །དཔལ་རྡོ་རྗེ་གྲུབ་པ་དྲ་བའི་སྡོམ་པའི་རྒྱུད་ལས་མཚན་གྱི་སྡོམ་པའི་ལེའུ་སྟེ་དང་པོའོ།། །། དེ་ནས་གཞན་ཡང་ང
69b2 ཡིས་བཤད། །ཡེ་ཤེས་སྐྱེ་བའི་རྒྱུ་དང་གནས། །རྐྱེན་དང་དེ་བཞིན་དམིགས་པའི་ཡུལ། །བྱེ་བྲག་མིང་གི་རྣམ་གྲངས་དང་། །དོན་གྱི་རྣམ་གྲངས་གང་ཡིན་དང་། །ཕན་ཡོན་དང་ནི་འབྲས་བུ་དང་། །དོན་དམ་དེ་ཉིད་ཆོས་ཀྱི་དབྱིངས། །དེ་ཉིད
69b3 འདིར་ནི་བཤད་པར་བྱ། །རྒྱུ་ནི་རང་རིག་ཡེ་ཤེས་ཏེ། །རྒྱུ་མེད་རྒྱུ་ཡི་རང་བཞིན་ཅན། །རང་རིག་སྒྱུ་མར་བྱུང་བ་ནི། །བདེ་ཆེན་འཁོར་ལོ་ནས་བརྩམས་ཏེ། །འཁོར་ལོ་བཞི་འམ་བརྒྱད་གཉིས་བཤད། །དེ་བཞིན་ཉི་ཤུ་རྩ་བཞི་སྟེ། །ཡེ
69b4 ཤེས་སྐྱེ་བའི་རྟེན་ཡིན་ལ། །གནས་ནི་དེ་དང་མཉམ་པའི་རྩ། །གྲོགས་ནི་ཡེ་ཤེས་རླུང་ཡིན་ཏེ། །ཡེ་ཤེས་རླུང་གི་བཞོན་པ་ལ། །ཞོན་ནས་དེ་ཉིད་བྱུང་བ་ཡིན། །གྲངས་ནི་སྔ་མ་ལྟར་ཤེས་བྱ། །ངོ་བོ་ཐིག་ལེ་ཉིད་ཡིན་ཏེ། །ཐིག་ལེ་མདུད
69b5 པའི་གྲངས་སུ་ཤེས། །དེ་ཡི་ཕན་ཡོན་གང་ཡིན་པ། །གཟུང་འཛིན་རྣམ་པར་རྟོག་པ་ཡིས། །ཕྱིན་ཅི་ལོག་ཏུ་བརྟགས་པ་ཡི། །རྣམ་པར་རྟོག་པ་སྤོང་བ་ཡིན། །འབྲས་བུ་རྡོ་རྗེ་འཆང་ཆེན་པོའི། །ས་ནི་ངེས་པར་ཐོབ་པའོ། །དཔལ་རྡོ་རྗེ
69b6 དྲ་བའི་སྡོམ་པའི་རྒྱུད་ལས་ཡེ་ཤེས་ཀྱི་རྒྱུ་དང་གནས་ལ་སོགས་པའི་ལེའུ་སྟེ་གཉིས་པའོ། ། །། དེ་ནས་གཞན་ཡང་བཤད་བྱ་བ། །འཁོར་ལོ་རྣམས་ཀྱི་དབྱེ་བ་ནི། །བདེ་ཆེན་འཁོར་ལོའི་འདབ་མ་ནི། །སུམ་བཅུ་རྩ་གཉིས
69b7 གྲངས་ཡིན་ནོ། །དེ་ནས་ལོངས་སྤྱོད་འཁོར་ལོ་ནི། །འདབ་མ་བཅུ་དྲུག་དག་དུ་བསྟན། །ཆོས་ཀྱི་འཁོར་ལོ་འདབ་མ་བརྒྱད། །སྤྲུལ་པའི་འཁོར་ལོའི་འདབ་མ་ནི། །དྲུག་བཅུ་རྩ་བཞི་དག་ཡིན་ནོ། །བདེ་ཆེན་འཁོར་ལོ་སོར་བཞི་སྟེ། །
69b8 ལོངས་སྤྱོད་འཁོར་ལོ་སོར་བཅུ་དྲུག་།ཆོས་ཀྱི་འཁོར་ལོ་སོར་བཅུ་གཉིས། །སྤྲུལ་པའི་འཁོར་ལོ་སོར་བཅུ་དྲུག་།བདེ་ཆེན་འཁོར་ལོའི་ལྟེ་བ་རུ། །ཧ~ཾ་ནི་དཀར་པོ་ཐུར་བལྟས་བསམ། །ལོངས་སྤྱོད་འཁོར་ལོའི་ལྟེ་དབུས་སུ། །
iiif viewer powered by OpenSeadragon
