| e-texts navigator |
| Wylie |
67a1 ཉོན་མོངས་དགྲ་སོགས་རྣམ་པར་འཇོམས། །རྒྱུ་ཡི་རྒྱུད་དང་འབྲས་བུའི་རྒྱུད། །མཐར་ཐུག་རྒྱུད་ནི་གང་ཡིན་ལ། །རྒྱལ་པོ་ཞེས་ནི་བསྟན་པ་ཡིན། །རྡོ་རྗེ་སྙིང་པོས་ཡང་གསོལ་པ། །རེ་རེའི་བྱེ་བྲག་མ་འཚལ་བས། །དེ་ཡི་དབྱེ་བ
67a2 བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་རྣམ་པ་གསུམ་ཡིན་ཏེ། །དོན་གྱི་རྡོ་རྗེ་དེ་ནས་རྟགས། །རྫས་ཀྱི་རྡོ་རྗེ་དང་ནི་གསུམ། །དེ་ནས་དོན་གྱི་རྡོ་རྗེ་བཤད། །གཟུང་འཛིན་རྟོག་པས་མི་ཕྱེད་ཕྱིར། །དོན་གྱི་རྡོ་རྗེ
67a3 བཤད་པའོ། །དབང་བཞི་རྡོ་རྗེ་རེ་རེ་སྟེ། །རྡོ་རྗེ་བཞི་རུ་བཤད་པ་ཡིན། །རྟགས་ཀྱི་རྡོ་རྗེ་གསུམ་ཡིན་ཏེ། །རྩེ་གསུམ་རྩེ་ལྔ་རྩེ་དགུ་པ། །རྩེ་གསུམ་སྐུ་གསུང་ཐུགས་ཀྱི་རྟགས། །རྩེ་ལྔ་ཡེ་ཤེས་ལྔ་ཡི་རྟགས། །རྩེ་དགུ་ཁམས་གསུམ་ས་དགུའི
67a4 རྟགས། །དོན་གྱི་རྡོ་རྗེ་བཞི་ཡིན་ཏེ། །བུམ་པའི་དབང་དང་འབྲེལ་པ་ཡི། །སྐུ་མདོག་ཕྱག་མཚན་ལ་སོགས་པ། །གཟུང་དང་འཛིན་པའི་རྣམ་རྟོག་ནི། །འཇིགས་དང་འཇོམས་པས་རྡོ་རྗེའོ། །གསང་བའི་དབང་དང་འབྲེལ་པ་ཡི། །རྩ་དང
67a5 རླུང་དང་ཐིག་ལེ་ལ། །གཟུང་འཛིན་གཉིས་སུ་གང་རྟོག་པ། །འཇིག་ཅིང་འཇོམས་པས་རྡོ་རྗེའོ། །ཤེས་རབ་ཡེ་ཤེས་དང་འབྲེལ་པའི། །ལྷན་ཅིག་སྐྱེས་དགའ་ལ་སོགས་ལ། །གཟུང་དང་འཛིན་པར་གང་རྟོག་པ། །འཇིག་ཅིང་འཇོམས་པས
67a6 རྡོ་རྗེ་ཡིན། །བཞི་པའི་དབང་དང་འབྲེལ་པ་ཡི། །རང་རིག་སེམས་ཉིད་སྟོང་ཉིད་ལ། །གཟུང་འཛིན་གཉིས་སུ་གང་རྟོགས་པ། །འཇིག་ཅིང་འཇོམས་པས་རྡོ་རྗེའོ། །དེ་ནས་རྟགས་ཀྱི་རྡོ་རྗེ་ནི། །རྩེ་གསུམ་སྐུ་གསུང་ཐུགས་སུ་བཤད། །འདོད
67a7 ཆགས་ཞེ་སྡང་གཏི་མུག་གསུམ། །འཇིག་ཅིང་འཇོམས་པས་རྡོ་རྗེ་སྟེ། །རྩེ་ལྔ་ཡེ་ཤེས་ལྔ་ཡི་རྟགས། །ང་རྒྱལ་ལ་སོགས་རྣམ་པ་ལྔ། །འཇིག་ཅིང་འཇོམས་པས་རྡོ་རྗེའོ། །དེ་ནས་རྫས་ཀྱི་རྡོ་རྗེ་ནི། །རྣམ་པ་བཞི་རུ་བསྟན་པ་སྟེ། །ཟུར
67a8 གསུམ་རྣོ་ལ་འབིགས་པ་དང་། །གྲུ་བཞི་དག་ནི་གསལ་བར་བྱེད། །ཟླུམ་པོས་རྫས་རྣམས་འཇོམས་པར་བྱེད། །ཟུར་ལྔས་འདོད་བསྒྲུབ་རྫས་རྡོ་རྗེ། །རྒྱུད་ཀྱི་དོན་ནི་རྣམ་པ་བཞི། །རྒྱུ་དང་འབྲས་བུ་གཉིས་ཀའི་རྒྱུད། །མཐར་ཐུག་རྒྱུད་ནི
iiif viewer powered by OpenSeadragon
