| e-texts navigator |
| Wylie |
66a1 དེའི་ཕྱིར་ན་མ་ཞེས་བྱ། །ཐུན་མོང་བླ་མའི་ཞལ་ནས་ཤེས། །དེ་ནས་གསང་བ་བཤད་བྱ་སྟེ། །བདུད་རྩི་དྲུག་དག་གསང་བ་སྟེ། །གཟུགས་དང་སྒྲ་དང་དྲི་དང་རོ། །རེག་བྱ་དེ་བཞིན་ཆོས་ཡིན་ཏེ། །རྒྱུད་ནི་དབང་བཞི་ངོ་བོ་སྟེ། །
66a2 བརྗོད་བྱ་བརྗོད་བྱེད་བརྒྱད་དུ་བཤད། །གསང་བ་ལྔ་ནི་རྒྱལ་པོ་ལྔ། །ལྟ་བ་སྤྱོད་པ་ཟུང་འཇུག་ལམ། །རྒྱུ་དང་འབྲས་བུ་ས་ལ་སོགས། །བཅུ་དགུ་རྒྱལ་པོ་ཡིན་པར་གསུངས། །ཀྱེ་བོ་དཔའ་བོ་འཇིགས་པ་ཆེ། །གནོད་སྦྱིན་གཟུགས
66a3 དང་སྲིན་པོ་གཟུགས། །གཞན་ཡང་བདུད་ལ་སོགས་པའི་གཟུགས། །སྣ་ཚོགས་སྟོན་ན་ཇི་ལྟར་བགྱི། །ལྷ་འམ་ཀླུ་ལ་སོགས་པའི་གཟུགས། །སྡུག་པ་སྟོན་ན་ཇི་ལྟར་བགྱི། །གནོད་སྦྱིན་སྒྲ་དང་སྲིན་པོ་སྒྲ། །ཤིན་དུ་འཇིགས་པའི་སྒྲ་གྲག་ན། །
66a4 དེ་ལ་བདག་གིས་ཇི་ལྟར་བགྱི། །ཚངས་པའི་སྒྲ་དང་ངང་པའི་སྒྲ། །སྒྲ་སྙན་བྱུང་ན་ཇི་ལྟར་བགྱི། །བྱ་རྒོད་དྲི་དང་བླ་རྩི་དྲི། །ངན་སྐྱུགས་ལ་སོགས་དྲི་བྱུང་ན། །དེ་ལ་བདག་གིས་ཇི་ལྟར་བགྱི། །གུར་ཀུམ་ཙན་དན་ག་པུར་སོགས། །དྲི་ཞིམ་བྱུང་ན་ཇི་ལྟར་བགྱི། །
66a5 བདུད་རྩི་ལ་སོགས་དྲུག་བཅུ་སོགས། །བཟང་པོ་སྟོན་ན་ཇི་ལྟར་བགྱི། །ངན་སྐྱུགས་ལ་སོགས་དམན་པའི་རོ། །སྣ་ཚོགས་སྟོན་ན་ཇི་ལྟར་བགྱི། །རེག་བྱ་ལྕགས་ཀྱི་སྤུ་གྲི་སོགས། །རྩུབ་པ་བྱུང་ན་ཇི་ལྟར་བགྱི། །དར་མེན་ལ་སོགས་ལུས་ཀྱིས
66a6 རེག་། འཇམ་པ་བྱུང་ན་ཇི་ལྟར་བགྱི། །འཇིག་རྟེན་ཆོས་རྣམས་སྣ་ཚོགས་དང་། །འཇིག་རྟེན་འདས་པའི་ཆོས་རྣམས་སྟོན། །དེ་ལ་བདག་གིས་ཇི་ལྟར་བགྱི། །བཅོམ་ལྡན་འདས་ཀྱིས་བཀའ་སྩལ་པ། །གཟུགས་ངན་ཁོང་ཁྲོ་མི་བསྐྱེད་ཅིང་། །
66a7 གཟུགས་བཟང་འདོད་པར་མི་བྱ་སྟེ། །དེ་ལ་ལུས་ཀྱི་ཕྱག་རྒྱ་བསྟན། །ལན་བྱེད་དཔའ་བོ་མཁའ་འགྲོ་ཡི། །དངོས་གྲུབ་སྤྲུལ་པ་ཡིན་པར་ངེས། །བརྟུལ་ཞུགས་ཅན་གྱིས་དངོས་གྲུབ་བླང་། །ལན་མེད་བདུད་ཀྱི་བར་ཆད་དེ། །བདུད་བསལ་བ
66a8 ཡི་ཆོ་ག་བརྩམ། །ཀུན་ལ་མཁས་པས་སྦྱོར་བར་བྱ། །སྒྲ་སྙན་འདོད་པ་མི་བསྐྱེད་ཅིང་། །འཇིགས་པའི་སྒྲ་ལ་ཁོང་མི་ཁྲོ། །དེ་ལ་བཏང་སྙོམས་སེམས་བྱ་སྟེ། །རྡོ་རྗེ་གླུ་ཡིས་བརྟག་པར་བྱ། །དེ་བཞིན་དྲི་བཟང་མི་ཆགས་ཞིང་། །དྲི་ངན་ཁོ་ཁྲོ
iiif viewer powered by OpenSeadragon
