| e-texts navigator |
| Wylie |
56a1 ཆར་སྤྲིན་བརྒྱད་ནི་ནང་དུ་གནས། །དེ་ནས་གསང་བའི་དུར་ཁྲོད་ཀྱང་། །སྣ་རྩེར་རྩ་བརྒྱད་དུར་ཁྲོད་བརྒྱད། །ལྟེ་བར་རྩ་བརྒྱད་ཤིང་བརྒྱད་དོ། །སྙིང་གར་རྩ་བརྒྱད་ཕྱོགས་སྐྱོང་བརྒྱད། །མགྲིན་པར་རྩ་བརྒྱད་ཀླུ་བརྒྱད
56a2 དེ། །སྤྱི་བོར་རྩ་བརྒྱད་ཆར་སྤྲིན་བརྒྱད། །གསང་བར་རྣམ་རྟོག་མི་མངའི་རྟགས། །དུར་ཁྲོད་བརྒྱད་ནི་གསང་བར་གནས། །ཐམས་ཅད་བདེ་བར་སྣང་བའི་ཕྱིར། །གསང་བར་ཤིང་བརྒྱད་ཡང་དག་གནས། །ཕྲ་བའི་མཚན་མའི
56a3 རྣམ་རྟོག་གི། །གདུག་པ་འཇོམས་ཕྱིར་ཀླུ་བརྒྱད་དགོད། །བདེ་བས་བདག་སྤྱོད་གཞན་སྦྱོར་བས། །དེ་ཡི་ཕྱིར་ན་ཆར་སྤྲིན་དགོད། །དེ་ནས་བཞི་པའི་དུར་ཁྲོད་ཀྱང་། །རྣམ་ཤེས་བརྒྱད་ནི་དེ་ཉིད་བརྒྱད། །དུར་ཁྲོད་བརྒྱད
56a4 དུ་ངེས་པའོ། །དུར་ཁྲོད་སོགས་བརྒྱད་དེ་ཉིད་ཤིང་། །ལྷག་མ་གསུམ་དང་ཚོར་ཚོགས་ལྔ། །བརྒྱད་ནི་ཕྱོགས་སྐྱོང་བརྒྱད་དུ་ངེས། །ཉོན་མོངས་དྲུག་དང་དེ་ཡི་གཉིས། །བརྒྱད་པོ་དག་ནི་ཀླུ་བརྒྱད་དོ། །ལྔ་དང་བཞི་དག
56a5 གསུམ་དག་ནི། །དེ་དག་བཞི་པའི་ཆར་སྤྲིན་བརྒྱད། །གཟུང་འཛིན་རྣམ་རྟོག་མི་མངའི་རྟགས། །བཞི་པ་ཡི་ནི་དུར་ཁྲོད་བརྒྱད། །སྟོབས་སོགས་མཁྱེན་པའི་ཡོན་ཏན་རྒྱས། །རྟགས་སུ་ཤིང་བརྒྱད་ངེས་པའོ། །རྣམ
56a6 རྟོག་གདུག་པ་འདུལ་བ་ཡི། །རྟགསུ་ཀླུ་བརྒྱད་ངེས་པའོ། །གཟུགས་སྐུ་གཉིས་ཀྱིས་སེམས་ཅན་གྱི། །དོན་མཛད་རྟགསུ་ཆར་སྤྲིན་བརྒྱད། །ཕྱོགས་སྐྱོང་བླ་མའི་ཞལ་ནས་ཤེས། །དེ་དག་ཀུན་གྱི་བྱེ་བྲག་ཀྱང་། །བླ་མའི
56a7 ཞལ་ནས་ཤེས་པར་བྱ། །རྒྱུན་ཆགས་ཕྱྀ་ནང་རྒྱུད་ཅེས་བྱ། །རྒྱལ་པོ་ཁྱད་པར་འཕགས་པའོ། །གཞན་ཡང་ང་ཡིས་གསུངས་པའྀ་བཀའ། །གསུང་གཅྀག་ཉིད་དུ་གསུངས་གྱུར་ཀྱང་། །དུ་མ་ཉིད་དུ་སོ་སོར་སྣང་། །ཆོས
56a8 ཚུལ་དུ་མའི་བྱེ་བྲག་དང་། །མོས་པ་དུ་མའི་བྱེ་བྲག་དང་། །འདུ་ཤེས་དུ་མའི་བྱེ་བྲག་གིས། །ཐེག་པའི་མཐའ་ལ་ཐུག་པ་མེད། །སེམས་གཟུང་ཡན་ལག་བསམ་མི་ཁྱབ། །ང་ཡི་རྗེས་སུ་འབྲང་བ་ཡི། །བླ་མ་ས་རབ
iiif viewer powered by OpenSeadragon
