| e-texts navigator |
| Wylie |
55a1 བཅོམ་པའི། །རྟགསུ་ཀླུ་བརྒྱད་རིམ་པས་དགོད། །ཚོགས་བརྒྱད་མི་དགེ་བཅུ་བཅོམ་པའི། །རྟགས་སུ་ཕྱོགས་སྐྱོང་རིམ་པས་དགོད། །ལུས་ངག་གཉིས་ཀྱིས་སེམས་ཅན་གྱི། །དོན་མཛད་ཕྱིར་ནི
55a2 ཆར་སྤྲིན་དགོད། །དེ་ཉིད་དུར་ཁྲོད་འཇིགས་པ་ཆེ། །ཐབས་དང་ཤེས་རབ་གཉིས་མེད་རྒྱུ། །རྣམ་རྟོག་ཟིལ་གནོན་བརྒྱད་པོར་བཤད། །མཛེས་པའི་ཕྱིར་ན་རྒྱན་ཡིན་ནོ། །དེ་ཉིད་གསལ་བར་བྱ་བའི་ཕྱིར། །དང་པོར
55a3 དུར་ཁྲོད་བཤད་པར་བྱ། །ཤར་དུ་གཏུམ་དྲག་ནག་པོ་ཆེ། །ལྷོ་རུ་ཧ་ཧར་དགོད་སེར་ཆེ། །ནུབ་ཏུ་མི་བཟང་དམར་པོ་སྟེ། །བྱང་དུ་ཚང་ཚིང་ལྗང་གུ་ཆེ། །མེ་རུ་གཡེར་ཀ་ཅན་ཡིན་ཏེ། །བདེན་བྲལ་མཚམས་སུ་འབར
55a4 བ་འཛིན། །རླུང་མཚམས་དམྱལ་སོགས་གནས་པ་སྟེ། །དབང་ལྡན་དུ་ནི་དབྱིབས་ཅན་དུ། །བྷུ་ཙ་རི་ཁེ་ཙ་ཤ་ནི། །ས་སྟེངས་ཤར་གྱི་ཕྱི་རུ་དགོད། །པ་ཏ་ལི་དང་བཱ་ས་ནི། །ས་འོག་ནུབ་ཀྱི་ཕྱི་རུ་དགོད། །དུར་ཁྲོད་འདི
55a5 རྣམས་མཚན་ཉིད་ཀྱང་། །འབར་བ་ཚིག་དང་མ་ཚིག་སོགས། །ཀེང་རུས་ཐོད་པ་ལ་སོགས་དང་། །རོ་ལངས་འབྱུང་པོའི་ཚོགས་དང་བཅས། །ལྕེ་སྤྱང་སྒྲ་ཡིས་འཇིགས་པའི་གཟུགས། །ཤར་དུ་ཤི་རྀ་ཤ་ཡི
55a6 ཤིང་། །ལྷོ་རུ་ཨ་ཤྭད་དཐ་ཡི་ཤིང་། །ནུབ་ཏུ་ཝང་གེ་ལིང་གི་ཤིང་། །བྱང་དུ་ཙཱུ་ཏའི་ཤིང་དུ་ངེས། །གོང་དང་མཚུངས་པ་ནྱ་གྲོ་དྷ། །པརྐ་ཏི་ལྕུག་པཱ་ཐཱ་དག་།མེ་ནས་དབང་ལྡན་མཚམས་སུ་དགོད། །ཇི་ལྟར་གྲགས་པའི
55a7 གཟུགས་སུ་འདོད། །ཤར་དུ་དབང་པོ་གནས་པ་སྟེ། །ལྷོ་རུ་གཤིན་རྗེ་གནས་པའོ། །ནུབ་ཏུ་ཀླུ་དབང་གནས་པ་སྟེ། །བྱང་དུ་གནོད་སྦྱིན་ཡང་དག་གནས། །ཤར་ལྷོར་མེ་ནི་གནས་པའོ། །ལྷོ་ནུབ་མཚམས་སུ
55a8 སྲིན་པོ་གནས། །ནུབ་བྱང་མཚམས་སུ་རླུང་དགོད་དེ། །བྱང་ཤར་མཚམས་སུ་དབང་ལྡན་དགོད། །ཉི་ཟླ་ཤར་ལ་ས་བདག་ནུབ། །ཇི་ལྟར་གྲགས་པའི་གཟུགས་སུ་དགོད། །ཤར་དུ་ནོར་རྒྱས་གནས་པ་སྟེ། །
iiif viewer powered by OpenSeadragon
