| e-texts navigator |
| Wylie |
46a1 བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །དང་པོ་མ་སྤངས་བཤད་བྱ་སྟེ། །ཕུང་པོ་ཁམས་དང་སྐྱེ་མཆེད་དག་།བསྐྱེད་པའི་རིམ་པའི་རྒྱུ་མ་སྤངས། །ཕྱག་མཚན་ཉི་ཟླ་ཡིག་འབྲུ་དག་།
46a2 བླ་མའི་མན་ངག་རྐྱེན་མ་སྤངས། །ལུས་ངག་སྒོ་བསྡམས་དམ་ཚིག་ལས། །སྐུ་གཉིས་འབྱུང་བ་འབྲས་མ་སྤངས། །ཞེ་སྡང་རུ་དྲར་སྐྱེ་བའི་ལས། །ཞེ་སྡང་རང་རིག་བསྐྱེད་པ་དང་། །ལུས་ཀྱི་དྲི་མ་འཁྲུད་པ་ལས། །ལས་ཀྱི
46a3 དབྱེ་བ་མ་སྤངས་པའོ། །པུལླི་ར་དང་ཛཱ་ལན་སོགས། །ནང་དུ་སྤྱི་བོ་སྤྱི་གཙུག་སོགས། །གནས་ཀྱི་དབྱེ་བ་མ་སྤངས་པའོ། །ཤར་སོགས་བདུད་ཀྱི་སྙིང་ག་རུ། །ཞབས་གནས་གནས་ཆེན་མ་སྤངས་པ། །གནས་དེ་ཕྱི་དང
46a4 ནང་དུ་ཤེས། །གནས་ཀྱི་དབྱེ་བ་མ་སྤངས་པའོ། །གསེར་འགྱུར་རྩི་ཡི་རྣམ་པ་བཞིན། །ཕུང་སོགས་ལྷ་རུ་འཕོ་བྱེད་པ། །འདི་ནི་འཕོ་བ་མ་སྤངས་པའོ། །རྒྱུ་ཡི་གནས་ནི་སྙིང་ག་སྟེ། །འབྲས་བུའི་གནས་ནི་ཕུང་སོགས
46a5 ཏེ། །མ་སྤངས་པ་ནི་གཉིས་སུ་ཤེས། །ཕུང་སོགས་སྒྱུ་མར་འཛིན་བྱེད་པ། །འདི་ནི་རྟེན་པ་མ་སྤངས་པའོ། །གལ་ཏེ་ནང་དུ་མ་ཟིན་ན། །ཕྱི་རུ་དེ་ཉིད་ངོ་བོར་བསྒོམ། །དེ་ཉིད་ཤོར་བ་མ་སྤངས་པའོ། །གཉེན་པོ་མ
46a6 སྤངས་སྒྱུ་མར་བསྒོམ། །ཕུང་སོགས་ལ་བརྟེན་ལྷ་རྣམས་ལ། །སྒོ་གསུམ་ངོ་བོ་མ་སྤངས་པ། །ཐ་མལ་པ་དང་བསྐྱེད་རིམ་གཉིས། །གོང་འོག་ཁྱད་པར་ཤེས་བྱ་སྟེ། །སྒྱུ་མས་གཉེན་པོ་མ་སྤངས་པའོ། །བདུན
46a7 པོ་རྣམ་དག་ལ་སོགས་པ། །སྔོན་དུ་འགྲོ་བ་མ་སྤངས་པའོ། །ཕུང་སོགས་རྟོག་པ་ལས་ལོགས་ནས། །ཕྲ་བའི་གནས་སུ་གནས་བྱེད་པ། །གནས་ཀྱི་ཁྱད་པར་མ་སྤངས་པའོ། །ལྷ་ཡི་རྣམ་པར་འཇུག་པ་དང་། །
46a8 གོང་དུ་སྒྱུ་མར་བཟློག་པ་གཉིས། །འཕོ་བའི་ཁྱད་པར་མ་སྤངས་ཉིད། །ཡེ་ཤེས་མེ་ནི་ཆེར་འབར་ཏེ། །ཕུང་སོགས་སྒྱུ་མར་གང་འཛིན་པ། །རྟེན་གྱི་ཁྱད་པར་མ་སྤངས་པའོ། །མཉམ་གཞག་རྗེས་ཐོབ
iiif viewer powered by OpenSeadragon
