| e-texts navigator |
| Wylie |
45a1 ཉིད་དེ་ཉིད་དྲུག་ཡིན་ཏེ། །དེ་ཉིད་དྲུག་ནི་ཙཎྜ་ལི། །རེ་རེ་ལ་ཡང་བཞི་བཞི་སྟེ། །ཙཎྜ་ལི་ནི་ཉི་ཤུ་བཞི། །ར་ལི་ཉི་ཤུ་རྩ་བཞིར་ངེས། །ཕྱི་རུ་གནས་ནི་ཉི་ཤུ་བཞི། །སྤྱན་དང་ཕྱག་རྒྱ་ཉི་ཤུ་བཞི། །ཙཎྜཱ་ལི་དང་ར་ལི་ཡི། །
45a2 ཕྱི་དང་ནང་དུ་གྲངས་སུ་ངེས། །ཧེ་ཧེ་དཔའ་བོ་རྡོ་རྗེ་འཆང་། །ར་ལིའི་འབྱུང་བའི་རྒྱུ་གང་ལགས། །ར་ལིའི་ངོ་བོ་གང་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། །སྐུ་དང་ཕྱག་མཚན་རགས་པ་ཀུན། །ར་ལིའི
45a3 ངོ་བོ་དམན་པའི་ལམ། །མཁའ་སྤྱོད་ས་སྤྱོད་ས་འོག་སྤྱོད། །སྒོ་གསུམ་ལ་གནས་ཁྱད་པར་གྱི། །ར་ལིའི་ངོ་བོར་གསུངས་པ་ཡིན། །དགའ་བ་བཅུ་དྲུག་རྟེན་དང་བཅས། །ཟབ་པའི་ར་ལིའི་ངོ་བོར་བརྟག་།རང་རིག་སྟོང
45a4 པ་ཐབས་དང་བཅས། །མཐར་ཐུག་ར་ལིར་ཤེས་པར་བྱ། ། ནི་ཐོག་མར་མ་སྐྱེས་པ། །ལ་ནི་ནུབ་དང་སྐྱོང་བ་སྟེ། །ར་ནི་ཆགས་དང་རིན་པོ་ཆེ། །ར་ལས་འདོད་ཆགས་ཁྲག་ཡིན་ཏེ། །ལ་ལས་ཞེ་སྡང་ཁུ་བའོ། །
45a5 ལས་གཏི་མུག་ཁུ་བ་སྟེ། །སེམས་ཅན་ར་ལིའི་རང་བཞིན་ཏེ། །ཡེ་ཤེས་ལྔ་དང་ས་བཅུ་སོགས། །ཀུན་ལ་ལྡན་པས་ར་ལིར་གནས། །སྐུ་ཡི་ར་ལི་སྤྱི་བོ་ཡི། །གཙུག་ཏོར་དག་ལས་བྱུང་བའོ། །གསུང་ནི་ལྗགས་ཀྱི་དབང
45a6 པོ་ལས། །ཐུགས་ཀྱི་ར་ལི་ཐུགས་ཀ་ནས། །བྱུང་བ་རྣམ་པར་ངེས་པའོ། །སྐུ་གསུང་ཐུགས་ཀྱི་རྡོ་རྗེ་ཡི། །སྤྱན་རྣམས་ལ་ནི་རིམ་བཞིན་བྱུང་། །སྐུ་གསུང་ཐུགས་ཀྱི་གནས་ལ་སྟེ། །སྤྱི་བོ་ལ་སོགས་དག་ལས་བྱུང་། །
45a7 ཕྱག་གི་མཐིལ་ནས་རིམ་པས་བྱུང་། །བླ་མའི་ཞལ་ནས་བླང་བར་བྱ། །བྱེ་བྲག་འབྱུང་བའི་སྒོ་ཡིན་ཏེ། །ཧེ་ཧེ་སེམས་ཅན་སངས་རྒྱས་ཀྱི། །རང་བཞིན་ས་དང་ལམ་ལྡན་ཏེ། །ཟླ་བ་བཅུ་སོགས་ས་སོགས་ནི། །བརྫུས
45a8 སྐྱེས་ལ་སོགས་ཇི་ལྟར་ལགས། །འོན་ཏེ་སངས་རྒྱས་མིན་ནམ་ཅྀ། །སེམས་ཅན་ཐམས་ཅད་གཟོད་མ་ནས། །སངས་རྒྱས་ཡིན་པར་གསུངས་པ་སྟེ། །རྫུས་སྐྱེས་སྒོང་སྐྱེས་དྲོད་གཤེར་སོགས། །སེམས་ཀྱི
iiif viewer powered by OpenSeadragon
