| e-texts navigator |
| Wylie |
44b1 ཕུང་པོ་འབྱུང་བ་དབང་པོ་སོགས། །ཐམས་ཅད་བདུད་རྩིར་གྱུར་པ་ནི། །རྐྱེན་གྱི་ཁྱད་པར་མ་སྤངས་པའོ། །ལུས་ཀྱི་བ་སྤུའི་བུ་ག་དང་། །བརྟན་དང་གཡོ་བའི་དངོས་པོ་ཀུན། །བདེ་བའི་ངོ་བོར་གང་སྣང་བ། །ངོ་བོའི
44b2 ཁྱད་པར་མ་སྤངས་པའོ། །དེ་ཉིད་སྒྱུ་མའི་རང་བཞིན་མེད། །གཉེན་པོའི་ཁྱད་པར་མ་སྤངས་པའོ། །བཞིན་མཛེས་མིག་ཡངས་ཕྱག་རྒྱ་ནི། །ལྡན་པ་ཕྱག་རྒྱ་མ་སྤངས་པའོ། །དམ་ཚིག་ཆོས་ཀྱི་ཕྱག་རྒྱ་དང་། །དེ་ནས་ཡེ
44b3 ཤེས་ཕྱག་རྒྱ་ཆེ། །ཕྱག་རྒྱའི་ཁྱད་པར་མ་སྤངས་པའོ། །ཆགས་པའི་ཕྱག་རྒྱ་ལས་ཡིན་ཏེ། །དམ་ཚིག་ཆོས་ནི་མ་ནིང་གི། །ཕྱག་རྒྱ་གཉིས་སུ་ཤེས་པར་བྱ། །ཡེ་ཤེས་ཕྱག་རྒྱ་ཆེན་པོ་གཉིས། །གྲོལ་བའི་ཕྱག
44b4 རྒྱ་ཡིན་པར་འདོད། །ཕྱག་རྒྱའི་དབྱེ་བ་མ་སྤངས་པའོ། །དང་པོར་གསང་བའི་འཁོར་ལོར་ཏེ། །ཕྱི་ནས་རང་བཞིན་འཁོར་ལོར་ཡིན། །འཁོར་ལོའི་དབྱེ་བ་མ་སྤངས་པའོ། །དང་པོར་གསང་བའི་གཏུམ་མོ་སྟེ། །གཉིས
44b5 པར་རང་བཞིན་གཏུམ་མོ་ནི། །གཏུམ་མོའི་དབྱེ་བ་མ་སྤངས་པའོ། །ལས་ཀྱི་རླུང་དང་མེ་གཉིས་ནི། །ཀུན་རྫོབ་འཁོར་བའི་རྐྱེན་ཡིན་ཏེ། །ཡེ་ཤེས་རླུང་དང་མེ་གཉིས་ནི། །དོན་དམ་གཉིས་མེད་རྐྱེན་ཡིན་ཏེ། །རྐྱེན་གྱི
44b6 དབྱེ་བ་མ་སྤངས་པའོ། །སྲིད་པ་སྐྱེད་ཅིང་འཛག་པ་བདེ། །ཀུན་རྫོབ་ཤུ་ཀྲའི་ལས་ཡིན་ནོ། །སྲིད་པ་མི་ལེན་རང་རིག་སྐྱེས། །དོན་དམ་བྱང་སེམས་ལས་ཡིན་ནོ། །ལས་ཀྱི་དབྱེ་བ་མ་སྤངས་པའོ། །སྦྱོར་ཐབས་རྩ་ནི་རྒྱས
44b7 པ་དང་། །ཁ་འབྱེད་པ་ཡི་ལས་ཡིན་ཏེ། །སྦྱོར་ཐབས་བཞི་ལ་མ་རྨོངས་པ། །འདི་ནི་མ་སྤངས་ཉི་ཤུ་བརྒྱད། །སྤྱི་མཐུན་ལས་ལས་གྲུབ་པ་ཡི། །མི་དྲུག་ལ་སོགས་གྲངས་ཀྱིས་བསྟན། །རང་རིག་ཡེ་ཤེས་གང་འདོད་པས། །
44b8 བླ་མའི་དུས་ཐབས་ལེགས་བསྟེན་ཏེ། །མི་སྤང་ངེས་པའི་གདམ་ངག་བླང་། །འདི་ཉིད་རྡོ་རྗེ་འཆང་གི་རྒྱུ། །དེ་ལས་བྱུང་བ་ཁྱད་པར་འབྲས། །དང་པོར་ཆ་སྟེ་ཐིག་ལེ་དང་། །ཚུལ་དང་ཚུལ་ཅན་མཆོག་གཞན་མཆོག་།འདི
iiif viewer powered by OpenSeadragon
