| e-texts navigator |
| Wylie |
254a1 ཀྱིས་སྔར་གསུངས་ན། །ངེས་པར་དབང་པོ་དྲུག་གི་དྲངས། །རྣམ་པར་དག་པར་མ་མཛད་པ། །བཅོམ་ལྡན་འདས་ཀྱིས་ངེས་པར་གསུངས། བཅོམ་ལྡན་འདས་ཀྱིས་བཀའ་སྩལ་པ། །མིག་ལ་གཏི་མུག་རྡོ་རྗེ་མ།
254a2 སྣ་ལ་སེར་སྣ་མ་ཞེས་བཤད། །ཁ་ལ་འདོད་ཆགས་རྡོ་རྗེ་མ། །ལུས་ལ་ཕྲག་དོག་རྡོ་རྗེ་མ། །ཡིད་ལ་བདག་མེད་རྣལ་འབྱོར་མ། །དབང་པོ་རྣམས་ནི་དག་པའི་ཕྱིར། །འདིས་ནི་གོ་ཆ་སེམས་དཔའ་ཆེ། །རྡོ་རྗེ་སྙིང་པོས་གསོལ་པ། དགོངས
254a3 པའི་སྐད་ནི་ཅི་ཞེས་བགྱི། །བཅོམ་ལྡན་འདས་ཀྱིས་ངེས་པར་གསུངས། །རྣལ་འབྱོར་མ་ཡི་དམ་ཚིག་ཆེ། །ཉན་ཐོས་ལ་སོགས་མི་ཤེས་པ། །རྒོད་དང་ལྟ་བ་དག་གིས་དང་། །འཁྱུད་དང་དེ་བཞིན་གཉིས་གཉིས་ཀྱི། །རྒྱུད་ཀྱང་རྣམ་པ་བཞི
254a4 རྣམས་ཀྱིས། །དགོངས་པའི་སྐད་ནི་མ་སྒྲགས་པ། །བཅོམ་ལྡན་ངེས་པར་གསུངས་དུ་གསོལ། །དགོངས་པ་ཡི་ནི་སྐད་ཆེན་པོ། །དམ་ཚིག་བརྡ་ནི་རྒྱས་པ་རུ། །རྡོ་རྗེ་སྙིང་པོ་ངས་བཤད་ཀྱིས། །ཁྱོད་ནི་རྩེ་གཅིག་སེམས་ཀྱིས་ཉོན། །
254a5 མ་ད་ན་ཆང་བ་ལ་ཤ་།འདུ་བ་མ་ལ་ཡ་ཛར་བརྗོད། །འགྲོ་བ་ཁེ་ཊ་རོ་ནི་ཤྲཱ་བ། །རུས་པའི་རྒྱན་ནི་ནི་ར~ཾ་ཤུ། །འོང་བ་ཕེཾ་ཁ་ཎ་རུ་བརྗོད། །ཅང་ཏེའུ་ཀི་པི་ཊ་རུ་བརྗོད། །སྐལ་མེད་དུ་དྷུ་ར་ཞེས་བརྗོད། །སྐལ་ལྡན་ཀཱ་ལིཉྫ་ར~ཾ་བརྗོད། །རེག་མིན་ཌི
254a6 ཎ་ཌི་མ་ཞེས་བརྗོད། །ཐོད་པ་པདྨ་བྷ་ཛ་ན། །བཟའ་བ་ཏྲི་བྟི་ཀ་ཞེས་བྱ། །ཚོད་མ་མཱ་ལ་ཏཱིན་དྷ་ན~ཾ། །བཤང་བ་ཙ་ཏུཿས་མར་བརྗོད། །གཅི་བ་ཀསྟུ་རི་ཞེས་བརྗོད། །རང་བྱུང་སི་ཧཱར་ཤེས་པར་བྱ། །ཁུ་བ་ཀཪྦུ་ར་ཞེས་བརྗོད། །ཤ་ཆེན་ཤཱ
254a7 ལི་ཛ~ཾ་ཞེས་བརྗོད། །དབང་པོ་གཉིས་སྦྱོར་ཀུན་ཏུ་རུ། །རྡོ་རྗེ་བོ་ལ་ཞེས་བརྗོད་དེ། །པདྨ་ཀཀྐོ་ལ་ཞེས་ཟེར། །ཁ་དོག་དབྱེ་བས་ཕྱེ་བ་ལ། །རིགས་ནི་རྣམ་པ་ལྔ་རུ་བཤད། །འདི་ནི་གསང་བའི་སྐད་ཡིན་ནོ། །ཕྱག་རྒྱ་ལྔ་ནི་བསྡུས་པ
254a8 ཉིད། །གཡུང་མོ་རྡོ་རྗེའི་རིགས་སུ་བཤད། །གར་མ་དེ་བཞིན་པདྨའི་རིགས། །རང་འཚེད་མའི་རིན་ཆེན་རིགས། །སྐྱེ་གཉིས་དེ་བཞིན་གཤེགས་པར་བརྗོད། །ཚོས་མ་ལས་ཀྱི་རིགས་ཉིད་དེ། །ཕྱག་རྒྱ་འདི་རྣམས་དངོས་གྲུབ་སྦྱིན། །
iiif viewer powered by OpenSeadragon
