| e-texts navigator |
| Wylie |
235a1 དག་མཆོད་འོས་རྣམས་ལ་མཆོད་པ་མི་བྱེད་ཅིང་། །སྨད་པར་འོས་པའི་འདོད་པ་དག་ལ་སྟེན་པར་བྱེད། །ཕན་ཚུན་གདུངས་པར་འགྱུར་བ་ལ་ནི་གཞོལ་བྱེད་ཅིང་། །རྣམ་རྟོག་མུ་ཡིས་ངེས་བཅོམ་མི་རྣམས་ཉོན
235a2 མོངས་པ། །བཀུར་སྟི་ཡོངས་སུ་ཚོལ་ལ་དགའ་ཞིང་མ་འཕགས་རྣམས། །ཆོས་མ་ཡིན་པར་འཇིག་རྟེན་རབ་ཏུ་འཛུད་པར་བྱེད། །གཞི་དེ་ལས་ནི་མཚོན་ཆ་དག་དང་ལྕགས་རྣམས་དང་། །དེ་བཞིན་བཅིང་བ་དང་ནི་འཐབ
235a3 ཅིང་རྩོད་པ་དང་། །ངེས་པར་འཆི་བའི་སྡུག་བསྔལ་རབ་ཏུ་མྱོང་བར་འགྱུར། །ཤི་འཕོས་ནས་ནི་མནར་མེད་འཇིགས་སུ་རུང་བར་འགྲོ། །ཚེ་འདི་ཉིད་ལ་དེ་བཞིན་སྡུག་བསྔལ་འབྱུང་འགྱུར་ཞིང་། །ནོར་ཉམས་སྙིང་དུ་སྡུག་པ་རབ
235a4 ཏུ་འཇིག་འགྱུར་ལ། །མཐོ་རིས་ཉམས་ཤིང་དམྱལ་བར་རབ་ཏུ་ལྟུང་བས་ན། །མཁས་པ་སུ་ཞིག་འདོད་པའི་འདུ་ཤེས་སྐྱེས་པར་བྱེད། །ལྕགས་ལས་གྲུབ་པའི་ནགས་ཚལ་སྔོན་པོའི་ཁྲོད་དག་ཏུ། །མཁས་པས་བདག་ཉིད
235a5 རབ་ཏུ་བོར་བ་དེ་སླ་ཞིང་། །འཛངས་པ་སྤུ་གྲིའི་སོ་ཡིས་བཅད་པ་བྱས་སླ་ལ། །རལ་གྲི་དག་གི་ཁྲོད་དུ་མལ་ཡང་བཅས་སླ་ཞིང་། །རབ་ཏུ་མེ་འབར་ཐུ་ལུམ་བཟུང་བ་དེ་སླ་ལ། །དེ་བཞིན་ལྕགས་ཀྱི་ཐུ་ལུམ་འབར་བ་ཟ་སླ་ཞིང་། །
235a6 མེ་དོང་འཇིགས་སུ་རུང་བ་རྣམས་ལ་རེག་སླ་ཡི། །ལག་པ་གཉིས་ཀྱིས་ནམ་ཡང་བུད་མེད་རེག་མི་བྱ། །མིས་ནི་ཇི་ལྟ་ཇི་ལྟར་འདོད་པ་རྣམ་སྟེན་པ། །དེ་ལྟ་དེ་ལྟར་བདེ་བ་ཐམས་ཅད་རབ་སྤོང་ཞིང་། །འདི་ལྟར་འདོད
235a7 རྣམས་གཅིག་ཏུ་སྡུག་བསྔལ་མི་གཙང་བས། །འདོད་པ་སྡུག་བསྔལ་མི་གཙང་བ་དག་རྣམ་པར་སྤོངས། །འདོད་པ་སྡུག་བསྔལ་ཀུན་ཀྱི་གཞི་བོར་གྱུར་བ་དང་། །གང་ཕྱིར་ནོར་ནི་ཆུད་ཟར་འགྱུར་བར་བྱེད་པ་དང་། །ཡིད
235a8 འོང་སྐྱེ་བོ་རྣམས་ཀྱི་ཉམས་པའི་རྩ་བ་བས། །བུད་མེད་ངེས་པར་སྟེན་པ་གནོད་པ་ཐོབ་པ་ཡིན། །སྐྱེས་བུ་གང་གིས་དེ་འདྲའི་ཆོས་ཚུལ་རིག་ནས་ནི། །བུད་མེད་རྣམས་ལ་རབ་ཏུ་བག་མེད་མི་འགྱུར་བ། །དེས་ནི་རྟག་ཏུ་མཐོ་རིས་ལམ
iiif viewer powered by OpenSeadragon
