| e-texts navigator |
| Wylie |
234b1 དགའ་བྱེད་ལྟར། །དེ་བཞིན་བྱིས་པ་བདག་ལ་བདེ་བར་འདོད་པ་རྣམས། །འདོད་ལ་དགའ་བའི་རྒྱུ་ལས་ངན་འགྲོར་རབ་ཏུ་ལྟུང་། །ཟས་སྐོམ་སྟོན་མོ་བཟང་པོ་ཐ་དད་པ་དག་དང་། །གླུ་བྲོ་སིལ་སྙན་བཟང་པོ་ཐ་དད་པ་དག་གིས། །
234b2 ཁང་པ་མཆོག་ནས་བྱུང་བའི་ཆུང་མ་ལེན་པ་ནི། །གནོད་པ་རྙེད་པ་ཡིན་ཞིང་སྡུག་བསྔལ་སོགས་པ་ཡིན། །འདོད་པའི་དགའ་ལ་བརྐམ་པ་དག་ནི་གནོད་ཡིན་ཏེ། །མི་གཙང་མཚོན་འདྲ་རྨོངས་གྱུར་དག་ལ་བསྔགས
234b3 པ་རྗོད། །འདོད་པ་དམན་པ་དག་ལ་བསྔགས་ཤིང་སྟེན་པས་ནི། །དམན་པ་དེ་དག་ངན་འགྲོར་རབ་ཏུ་ལྟུང་བར་འགྱུར། །གནོད་པ་འདོད་པ་དག་གིས་ཡུལ་རྣམས་རབ་བསྔགས་ཤིང་། །འདོད་པ་གནོད་པ་ཡིད་ལ་དགའ
234b4 བའི་བྱིས་པ་རྣམས། །དེ་དག་དོན་མེད་འཚོ་བ་རྣམས་པར་སྤངས་ནས་ནི། །མི་བཟད་གཡང་ས་ཆེན་པོར་རབ་ཏུ་ལྟུང་བར་འགྱུར། །ང་རྒྱལ་རྨོངས་པས་བཅོམ་པའི་སྐྱེས་བུ་འདི་དག་ནི། །རྒྱ་མཚོའི་ཕ་རོལ་མ་མཐོང་བ་ཡི་བྱ
234b5 བཞིན་དུ། །ལྕགས་ཀྱི་མེ་ལྕེ་ལྔ་པོ་དག་ལ་ཆགས་གྱུར་ནས། །བྱིས་པ་རྣམས་ནི་རབ་ཏུ་འབར་ཞིང་འཁྱམ་པར་འགྱུར། །འདི་ནི་བྱིས་པ་མྱོས་ཤིང་ཤིན་ཏུ་རྨོངས་པ་རྣམས། །ཤེལ་དུ་མི་མཐོང་སྣོད་མཆོག་ཡིན་པར
234b6 སེམས་པ་ལྟར། །ལམ་ལ་རྣམ་པར་རྨོངས་རྣམས་འདོད་པའི་ཆེད་ཀྱི་ཕྱིར། །རྟག་ཏུ་འདིར་གནས་འདི་ནི་གྱ་ནོམ་ཡིན་ཞེས་འཛེར། །གང་ཕྱིར་རྣམ་པ་སྣ་ཚོགས་ལས་དག་མི་ཤེས་པས། །འགྲོ་བ་ཐམས་ཅད་རབ་ཉམས
234b7 གུས་པ་ཡོད་མིན་པས། །ཕ་དང་མ་དང་བུ་དང་བུ་མོ་དག་ལ་ནི། །དོན་གྱིས་མཆོད་པ་མི་བྱེད་གནོད་པ་ཐོབ་པ་ཡིན། །དེ་དག་རྟག་ཏུ་བུད་མེད་འདྲིས་པ་རྗོད་བྱེད་པའི། །དེ་འདྲའི་ལས་ཀྱི་ཚུལ་ལ་རབ་ཏུ་འཇུག་པར་བྱེད། །
234b8 དེ་དག་གཏི་མུག་དྲ་བ་སྡིག་པ་རབ་སོགས་ཤིང་། །ངན་སོང་འགྲོ་བར་འགྱུར་བའི་ལམ་ཡང་སོགས་པར་བྱེད། །མི་རྣམས་དེ་དག་དེར་ཆགས་བདེ་བར་འདུ་ཤེས་ཤིང་། །ཕ་དང་མ་ཡང་ཡོངས་སུ་རབ་ཏུ་སྤོང་བར་བྱེད། །དེ
iiif viewer powered by OpenSeadragon
