| e-texts navigator |
| Wylie |
234a1 ལ་ཆགས་ཤིང་བུད་མེད་དང་སྟེན་པས་བགད་པ་དང་། ངུས་པ་དང་། ཅ་ཅོ་འདོན་འདོད་པ་དང་། བྲོ་བརྡུངས་པ་དང་། གླུ་བླངས་པ་དང་། རོལ་མོ་བྱས་པ་དག་རྗེས་སུ་དྲན་པར་བྱེད་ཅིང་སྐྱོ་བ་མི་སྐྱེད་ཡིད་བྱུང་བར
234a2 མི་བྱེད་དེ། རྒྱལ་པོ་ཆེན་པོ་བྱིས་པའི་ཆོས་ལ་ཀུན་ཏུ་སྤྱོད་ཅིང་ཀུན་ཏུ་སྤྱོད་པ་དེ་དག་དང་ལྡན་པའི་སྐྱེས་པ་ནི་ངན་སོང་རྣམས་སུ་སྐྱེ་བར་འགྱུར་ཏེ། རྒྱལ་པོ་ཆེན་པོ་བུད་མེད་ཀྱི་དབང་དུ་སོང་ནས་འདོད་པ་ལ་སྟེན་ཅིང་། ངན་འགྲོར
234a3 འགྲོ་བར་འཇུག་པ་དེ་ནི་སྐྱེས་པའི་སྐྱེས་བུའི་སྐྱོན་དང་པོ་ཡིན་ནོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །འདོད་པ་དྲི་ང་མི་གཙང་སྨད་པར་འོས་པ་དང་། །མི་མཐུན་འཇིགས
234a4 བྱེད་མི་རྟག་ལས་བྱུང་སྡུག་བསྔལ་བྱེད། །དོན་མེད་ཕུང་བར་བྱེད་ཅིང་དམན་པ་ཡིན་པས་ན། །མཁས་པ་སུ་ཞིག་འདོད་པའི་སྐོམ་ལ་སྟེན་པར་བྱེད། །བཙོག་པས་གང་བའི་ཆབ་ཁུང་དྲི་ང་ལྟ་བུ་དང་། །མནམ་པར་གྱུར
234a5 ཅིང་རུལ་པའི་ཁྱིམ་རྣམས་ཇི་བཞིན་དང་། །ཤི་བ་དུར་ཁྲོད་ས་ན་ཤིན་ཏུ་སྨད་པ་ལྟར། །དེ་བཞིན་འདོད་པ་རྣམས་ཀྱང་མཆོག་ཏུ་སྨད་པ་ཡིན། །སྦྲང་བུ་རྨ་ཞིག་མཐོང་ནས་རྒྱུག་པ་ཅི་འདྲ་དང་། །ཕག་ནི་ངན་སྐྱུགས་མཐོང
234a6 ན་རྒྱུག་པ་ཅི་འདྲ་དང་། །ཁྱི་ནི་ཤ་ཡི་དོན་དུ་ཤེན་སར་འགྲོ་བ་ལྟར། །དེ་བཞིན་མི་མཁས་བུད་མེད་དག་ལ་དགའ་བར་བྱེད། །གྲགས་པ་མེད་ཅིང་མི་སྙན་ཡོན་ཏན་འབྲི་བ་དང་། །དེ་ལས་ཚུལ་ཁྲིམས་དག་ནི་ཉམས
234a7 པར་འགྱུར་བ་དང་། །མཐོ་རིས་ཉམས་ཤིང་དམྱལ་བ་དག་ཏུ་ལྟུང་བས་ན། །མཁས་པ་སུ་ཞིག་འདོད་པའི་སྐོམ་ལ་སྟེན་པར་བྱེད། །ཇི་ལྟར་ཧ་ལ་ཧ་ལའི་དུག་ནི་ཟོས་པ་ན། །ལུས་ངག་རྨྱ་ཞིང་རྨོངས་པ་སྐྱེ་བ་འགྱུར
234a8 བ་ལྟར། །དེ་བཞིན་འདི་ན་བྱིས་པ་རྣམས་ནི་འདོད་པའི་རྒྱུས། །རང་གི་ལུས་ཀྱི་དབྱིབས་ནི་དུག་ཏུ་མི་རིགས་གོ། །ཇི་ལྟར་སྒྱུ་མ་ཤིན་ཏུ་བསླབས་པའི་མི་ཞིག་གིས། །རྣམ་པར་འཕྲུལ་པས་སེམས་ཅན་བརྒྱ་དག
iiif viewer powered by OpenSeadragon
