| e-texts navigator |
| Wylie |
233b1 འཆལ་པ། རྨ་ལ་ཆགས་པ། བཙོག་པའི་སྤྱོད་ཡུལ་ཅན། བཤུལ་བར་མནམ་པ་ལ་མངོན་པར་དགའ་བ། མི་གཙང་བ་ལ་དགའ་བ། བུད་མེད་ལ་དད་ཆེ་བ། ཞི་བ་ཡོངས་སུ་མི་ཚོལ་བ་ཆགས་པའི་སྤྱོད་ཡུལ་ཅན། འགྲོ་བར་བྱ
233b2 བ་མ་ཡིན་པར་སོང་བ། སྨད་པར་འོས་པ། མི་གཙང་བའི་སྲིན་བུ་དང་འདྲ་བ། སྙིགས་མ་ལེན་པ། འདོད་པ་ལ་བརྐམ་པ། ཁྲེལ་དང་ངོ་ཚ་བོར་བ། ལྷ་དང་མིའི་ཆོས་ལས་ཉམས་པ། ངན་པར་སྨད་པའི་འཚོ་བས་འཚོ་བ།
233b3 མཁས་པས་སྨད་པ། བྱིས་པའི་སྐྱེ་བོ་ལ་སྟེན་པ། སྡིག་པའི་བསམ་པ་དང་ལྡན་པ། སྡིག་པའི་གྲོགས་པོ་ལ་སྟེན་པ། སྡིག་པ་ལ་ཀུན་ཏུ་འཇུག་པ། སྡིག་པ་ལ་གཞོལ་བ། བུད་མེད་ཀྱི་ཐུལ་འོག་ཏུ་ཆུད་པ་བུད་མེད
233b4 ཀྱིས་འཁོལ་བ། བུད་མེད་ཀྱི་དབང་དུ་སོང་བ་བུད་མེད་ལ་གཞོལ་བ། བུད་མེད་དང་གནས་པ། རྨའི་སྒོའི་སྤྱོད་ཡུལ་ཅན། རྨའི་སྒོ་ལ་སྟེན་པ། རྨའི་སྒོ་ལ་གནས་པ། ཁ་ཆུ་དང་། སྣབས་དང་། མཆིལ་མ་དང་། ངར་སྣབས་དང་།
233b5 རྣག་དང་། ཤེའུ་རུལ་དང་། གླད་རྒྱས་དང་། མི་གཙང་བའི་སྤྱོད་ཡུལ་ཅན། ལུག་དང་། བ་ལང་དང་། བྱ་གག་དང་། ཁྱི་དང་། ཕག་པ་དང་། ཝ་དང་། བོང་བུའི་ཆོས་སྤྱོད་པ། གནོད་པས་འཚོ་བ། ཕ་མ་ལ་ཕངས་པར་མི་འཛིན
233b6 པ། དགེ་སྦྱོང་དང་། བྲམ་ཟེ་དང་། སྦྱིན་གནས་ལ་ཕངས་པར་མི་འཛིན་པ། སངས་རྒྱས་དང་། ཆོས་དང་། དགེ་འདུན་ལ་དང་བ་ཡོངས་སུ་ཉམས་པ། མྱ་ངན་ལས་འདའ་བ་ལ་ཡོངས་སུ་ཉམས་པ། སེམས་ཅན་དམྱལ་བ་དང་། དུད་འགྲོའི་སྐྱེ
233b7 གནས་དང་། གཤིན་རྗེའི་འཇིག་རྟེན་ལ་ཞུགས་ཤིང་གཞོལ་བ་སེང་གེ་དང་། ནམ་མཁའ་ལྡིང་གི་ལུས་ལ་ཡང་དག་པར་ཞུགས་པ། ལྕགས་ཀྱི་ཤིང་ཤལ་མ་ལི་མཐོན་པོ་དང་། མེ་མ་མུར་ལ་གཞོལ་བ། སེམས་ཅན་དམྱལ་བ་ཡང
233b8 སོས་དང་། ཐིག་ནག་དང་། བསྡུས་འཇོམ་དང་། ངུ་འབོད་དང་། ངུ་འབོད་ཆེན་པོ་དང་། ཚ་བ་དང་། རབ་ཏུ་ཚ་བ་དང་། མནར་མེད་པའི་སེམས་ཅན་དམྱལ་བ་ཆེན་པོར་ཞུགས་པ་ནི་བུད་མེད་ཀྱི་སྐྱོན་འདི་ལྟ་བུ་འདི་དག་ཐོས་ཀྱང་བུད་མེད
iiif viewer powered by OpenSeadragon
