| e-texts navigator |
| Wylie |
233a1 སོ་ལེགས་སོ། །སྐྱེས་པ་སྐྱོན་ཇི་ལྟ་བུ་དག་དང་ལྡན་ན་སྐྱེས་པ་བུད་མེད་ཀྱི་དབང་དུ་མཆི་བར་འགྱུར་བའི་སྐྱེས་པའི་སྐྱོན་རྣམས་བཅོམ་ལྡན་འདས་ཀྱིས་བདག་ལ་ཡང་དག་པར་རབ་ཏུ་བཤད་དུ་གསོལ།
233a2 དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བད་སའི་རྒྱལ་པོ་འཆར་བྱེད་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་དེའི་ཕྱིར་ཁྱོད་ལེགས་པར་ཉོན་ལ་རབ་ཏུ་ཡིད་ལ་ཟུང་ཤིག་དང་ངས་ཁྱོད
233a3 ལ་བཤད་པར་བྱའོ། །བད་སའི་རྒྱལ་པོ་འཆར་བྱེད་ཀྱིས་བཅོམ་ལྡན་འདས་དེ་བཞིན་ནོ་ཞེས་གསོལ་ཏོ། །བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །རྒྱལ
233a4 པོ་ཆེན་པོ་སྐྱེས་པ་སྐྱོན་གང་དག་དང་ལྡན་ན་སྐྱེས་བ་བུད་མེད་ཀྱི་དབང་དུ་འགྲོ་བར་འགྱུར་བའི་སྐྱེས་པའི་སྐྱེས་བུའི་སྐྱོན་ནི་བཞི་པོ་འདི་དག་ཡིན་ནོ། །བཞི་པོ་གང་ཞེ་ན། འདི་ལྟ་སྟེ། རྒྱལ་པོ་ཆེན་པོ་འདི་ལ་སྐྱེས་པ་འདོད
233a5 པ་རྣམས་ལ་ཆགས་པར་གྱུ་ཅིང་། དེ་འདོད་པ་རྣམས་ལ་བག་མེད་པར་གྱུར་ནས་ཕྱིར་ཞིང་བུད་མེད་ལ་ལྟ་འདོད་དེ། ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ། ཤེས་རབ་དང་ལྡན་པའི་དགེ་སྦྱོང་དང་བྲམ་ཟེ
233a6 དག་ལ་ལྟ་བར་མི་འདོད་ཅིང་། དེས་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ། ཤེས་རབ་དང་ལྡན་པའི་དགེ་སྦྱོང་དང་བྲམ་ཟེ་དག་མཐོང་ན་བསྙེན་པར་མི་བྱེད། བསྟེན་པར་མི་བྱེད། བསྙེན་བཀུར་མི་བྱེད་པས
233a7 དེ་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ། ཤེས་རབ་དང་ལྡན་པའི་དགེ་སྦྱོང་དང་བྲམ་ཟེ་དག་གིས་ཡོངས་སུ་སྤངས་པས་དད་པ་ལས་ཡོངས་སུ་ཉམས། ཚུལ་ཁྲིམས་ལས་ཡོངས་སུ་ཉམས། གཏོང་བ
233a8 ལས་ཡོངས་སུ་ཉམས། ཤེས་རབ་ལས་ཡོངས་སུ་ཉམས་ཤིང་དད་པ་དང་བྲལ་བ། ཚུལ་ཁྲིམས་འཆལ་བ། ཐོས་པ་ཉུང་བ། སེར་སྣ་ཅན་དུ་གྱུར་པ། ཡི་དགས་ཀྱི་ཡོན་ཏན་གྱི་ཆོས་ལ་ཀུན་ཏུ་སྤྱོད་པ། ཤེས་རབ
iiif viewer powered by OpenSeadragon
