| e-texts navigator |
| Wylie |
231b1 བདག་ལ་སྐབས་དབྱེ་བར་ཅི་གནང་། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བད་སའི་རྒྱལ་པོ་འཆར་བྱེད་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་ཁྱོད་ཀྱིས་ཇི་ལྟར་བཟོད་པ་དེ་ལྟར་སྨྲོས་ཤིག་།
231b2 ཟློས་ཤིག་།དེ་ནས་བཅོམ་ལྡན་འདས་ལ་བད་སའི་རྒྱལ་པོ་འཆར་བྱེད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་འདོད་པའི་རྒྱུ་དང་། འདོད་པའི་གཞི་དང་། འདོད་པ་ལ་ལྷག་པར་ཞེན་པས་དེང་མ་དུའི་བུ་མོ་དཔེ
231b3 མེད་ཀྱི་ཚིག་གིས་ཁྲོས་ཤིང་རྔམ་པས་ཟིལ་གྱིས་ནོན་ནས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་ཐ་བ་དང་ཞེ་སྡང་གི་སེམས་ཀྱང་བསྐྱེད། བཅོམ་ལྡན་འདས་བདག་གིས་མཆིས་བྲང་སྔོ་སངས་ཅན་དགུམ
231b4 པའི་སླད་དུ་མདའ་སྟེའུ་ཀ་ཉ་རྔ་མ་ཞིག་འཕངས་ན། དེ་བར་སྣང་ལ་འབར། རབ་ཏུ་འབར། ཀུན་ཏུ་རབ་ཏུ་མཆེད་དེ་འབར་ཞིང་མེ་ལྕེ་གཅིག་ཏུ་གྱུར་ནས་བཟློག་པའི་ཚུལ་དུ་སླར་ལོག་སྟེ་བདག་གི་གཡོན་རོལ་ལོགས་སུ་མཆིས
231b5 པར་གྱུར་ཅིང་ལུས་ལ་ནི་མ་ཕོག་ནས། བཅོམ་ལྡན་འདས་བདག་གིས་མཆིས་བྲང་སྔོ་སངས་ཅན་གྱི་སུག་པ་རྐང་པ་གཉིས་ལ་གཏུགས་ཏེ། མཆིས་བྲང་སྔོ་སངས་ཅན་ལ་འདི་སྐད་དུ་ཁྱོད་ལྷ་མོ་ཞིག་གམ་འོན་ཏེ་ཀླུ
231b6 མོ་འམ། དྲི་ཟ་མོ་འམ། ཤ་ཟ་མོ་འམ། སྲིན་མོ་འམ། སུ་ཞིག་ལགས་ཤེས་བགྱིས་པ་དང་། དེ་བདག་ལ་འདི་སྐད་དུ་རྒྱལ་པོ་ཆེན་པོ་བདག་ནི་ལྷ་མོ་ཡང་མ་ལགས། ཀླུ་མོ་ཡང་མ་ལགས། དྲི་ཟ་མོ་ཡང་མ་ལགས། ཤ་ཟ
231b7 མོ་ཡང་མ་ལགས། སྲིན་མོ་ཡང་མ་ལགས་ཀྱི། བདག་ནི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་ཉན་ཐོས་མ་ལགས་ཏེ། ཁྱོད་ཉིད་ལ་སྙིང་བརྩེ་བའི་སླད་དུ་སེམས
231b8 མཉམ་པར་བཞག་པ་ལགས་སོ་ཞེས་མཆི་ནས། དེ་ནས་མཆིས་བྲང་སྔོ་སངས་ཅན་གྱིས་བཅོམ་ལྡན་འདས་ཀྱི་བསྔག་པ་རྣམ་གྲངས་དུ་མས་བརྗོད་པ་དང་། བཅོམ་ལྡན་འདས་དེ་ལ་བདག་འདི་སྙམ་དུ་བཅོམ་ལྡན་འདས
iiif viewer powered by OpenSeadragon
