| e-texts navigator |
| Wylie |
231a1 པ་དང་། །བལྟས་པས་ཀྱང་ནི་འཆིང་བགྱིད་ཅིང་། །མི་བཟད་དམྱལ་བར་ལྟུང་བས་ན། །ཁྱོད་ནི་བུད་མེད་ཚིག་མ་གསན། །བདག་ནི་ཁྲོ་བ་མ་མཆིས་ཏེ། །བདག་གི་ཡིད་ནི་རབ་ཏུ་དང་། །ཁྱབ་བདག་འཇིག་རྟེན
231a2 མགོན་པོ་ལ། །ཐུགས་ནི་རབ་ཏུ་དང་བར་མཛོད། །རྒྱལ་པོ་ཆེན་པོ་བཞུད་མཛོད་དེ། །ཁྱོད་ཀྱིས་རྐང་གཉིས་མཆོག་གཟིགས་ལ། །དེ་ཡིས་ཆོས་ནི་གང་བསྟན་པ། །གཡེལ་མ་མཆིས་པར་ཁྱོད་ཀྱི་གསོན། །དེ་ནས་བད
231a3 སའི་རྒྱལ་པོ་འཆར་བྱེད་བཙུན་མོ་སྔོ་སངས་ཅན་གྱིས་བསྐུལ་བས་རྒྱལ་པོའི་མཐུ་ཆེན་པོ་དང་། རྒྱལ་པོའི་འབྱོར་པ་ཆེན་པོ་དང་། སྐྱེ་བོའི་ཚོགས་ཕལ་པོ་ཆེས་ཡོངས་སུ་བསྐོར་ཅིང་མདུན་དུ་བདར་ནས་བརྟད་ཅིང་མྱུར་བ
231a4 མྱུར་བས་བཅོམ་ལྡན་འདས་ཀྱི་སྤྱན་སྔར་སོང་བ་དང་། དེ་ནས་བཅོམ་ལྡན་འདས་མཛེས་པ། དང་བར་འགྱུར་པ། དབང་པོ་ཞི་བ། ཐུགས་ཞི་བ། དུལ་བ་དང་། ཞི་གནས་ཀྱི་མཆོག་དམ་པའི་ཕ་རོལ་ཏུ་བྱོན་པ། བསམ་གཏན
231a5 དམ་པ་རྣམས་ཀྱི་ཕ་རོལ་དུ་གཤེགས་པ། གསེར་གྱི་མཆོད་སྡོང་ལྟར་མངོན་པར་འཕགས་པ། དཔལ་གྱིས་མཛེས་ཤིང་། ལྷམ་མེ་ལྷན་ནེ་ལྷང་ངེ་སྟེ། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་སྐུ་ལེགས་པར
231a6 བརྒྱན་པ། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། བྱང་ཆུབ་སེམས་དཔའི་དགེ་འདུན་གྱིས་ཡོངས་སུ་བསྐོར་བ། ལྷ་དང་ཀླུ་དང་གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང
231a7 དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་རྣམས་ཀྱིས་མདུན་གྱིས་བལྟས་པ་མཐོང་བར་གྱུར་ཏོ། །མཐོང་ནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས
231a8 ལ་གཏུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་སྔོན་མ་མཐོང་བའི་རྨད་དུ་བྱུང་བ་ཞིག་མཐོང་བ་བཅོམ་ལྡན་འདས་ལ་གསོལ་བར་འཚལ་ན། བཅོམ་ལྡན་འདས་ཀྱིས
iiif viewer powered by OpenSeadragon
