| e-texts navigator |
| Wylie |
230b1 ཕྱིན་ཅད་འདི་འདྲ་མི་བྱེད་ཀྱིས། །སྡུག་བསྔལ་བ་ལ་དེང་བཟོད་གྱིས། །ཁྱོད་སྔོན་དགའ་བ་དྲན་བྱོས་ལ། །དང་བར་གྱིས་ཤིག་ཁྲོ་ཐུལ་ཅིག་།དེ་ནས་བཙུན་མོ་སྔོ་སངས་ཅན་གྱིས་བད་སའི་རྒྱལ་པོ་འཆར
230b2 བྱེད་ལ་ཚིགས་སུ་བཅད་དེ་སྨྲས་པ། བདག་ནི་ལྷ་མིན་དྲི་ཟ་མིན། །ཤ་ཟ་མོ་མིན་སྲིན་མོ་མིན། །བདག་ནི་བཙུན་མོ་སྔོ་སངས་ཅན། །འཇིག་རྟེན་མགོན་པོའི་ཉན་ཐོས་མ། །ལྷ་ཁྱོད་ལ་ནི་སྙིང་བརྩེ
230b3 བས། །བདག་གི་སེམས་ནི་མཉམ་བཞག་གིས། །ཁྱབ་བདག་འཇིག་རྟེན་མགོན་པོ་ལ། །ཐུགས་ནི་རབ་ཏུ་དང་བར་མཛོད། །བསྐལ་པ་བྱེ་བ་སྟོང་རྣམས་སུ། །གང་གིས་བྱམས་པ་ལེགས་བསྒོམས
230b4 ཏེ། །བྱམས་ལ་གནས་པའི་སྐྱེས་བུ་དང་། །བུད་མེད་དག་ནི་མི་སོང་གསུངས། །གང་ཞིག་ལོ་ཏོག་སྨིན་པ་ལ། །སེར་ལྟར་ཡང་དག་ཇི་བཞིན་མཁྱེན། །བུད་མེད་རྣམས་ཀྱིས་གནོད་མེད་པ། །དེ་ཡི་བསྟན་ལ
230b5 བདག་དགའ་ལགས། །འཇིག་རྟེན་མགོན་པོ་ཐམས་ཅད་ཀྱིས། །བུད་མེད་རྣམས་ནི་སྨད་པར་གསུངས། །བུད་མེད་རྣམས་ལ་མི་ལྟ་བ། །འཇིག་རྟེན་མགོན་པོ་རྣམས་ཀྱིས་བསྔགས། །སངས་རྒྱས
230b6 རྣམས་དང་རང་སངས་རྒྱས། །བྱང་ཆུབ་སེམས་དཔའ་ཉན་ཐོས་རྣམས། །བུད་མེད་བསྟེན་པར་མི་མཛད་དེ། །དེ་ནི་བྱིས་པའི་སྤྱོད་ཡུལ་ལགས། །བུད་མེད་རྣམས་ལ་བསྟེན་པ་ནི། །ཀུན་ནས་བདུད་ཀྱི
230b7 ཞགས་པར་གསུངས། །སྡིགས་པ་རྣམས་ལ་ཆགས་པ་ནི། །ཀུན་འཇོམས་དཀྲུགས་པའི་ཤུལ་དང་འདྲ། །མི་མཁས་བུད་མེད་ཆགས་པ་དང་། །སྡིག་པའི་ལས་ནི་བགྱིས་པ་དང་། །ཡེ་ཤེས་སྤོང་བར་འཚལ
230b8 བ་ཡིས། །སེམས་ཅན་རྣམས་ནི་ངན་འགྲོར་ཁྲིད། །མཁས་པ་ཐར་པར་འཚལ་བ་ཡིས། །བུད་མེད་བསྟེན་པར་མི་བགྱི་སྟེ། །ཞུགས་གཏམ་དུ་བ་མ་མཆིས་པའི། །དོང་དུ་མཆོངས་པ་མི་དོང་ལགས། །ཡིད་འོང་བཀའ་མཆིས་བགྱིས
iiif viewer powered by OpenSeadragon
