| e-texts navigator |
| Wylie |
227a1 ལས་ཀྱི་རྣམ་སྨིན་ཡིན། །ལས་ཀྱི་རྣམ་པར་སྨིན་ལ་ཡིད་མ་ཆེས། །ཁྱོད་ནི་རང་གི་སེམས་ཀྱིས་མི་དགེ་བྱས། །འདི་ལ་ངས་ནི་ཅི་ཡང་མ་ལན་ཞེས། །དེ་ལ་ཆོས་རྒྱལ་གཤིན་རྗེ་དེ་སྐད་སྨྲ། །རང་གིས་ལས་བྱས་རང་ལ་རྣམ་པར་སྨིན། །
227a2 རང་གི་ལས་ཀྱིས་ཁྱོད་ནི་འདིར་འོངས་ཀྱིས། །ཇི་ལྟར་སྔོན་ཆད་མི་འདོད་ལས་བྱས་པ། །སྡུག་བསྔལ་དེ་ནི་ཉིད་ཀྱིས་མྱོང་བར་གྱིས། །དེ་ཚེ་ཕ་མ་རང་གི་ཆུང་མ་རྣམས། །སྡུག་བསྔལ་ཉེན་པ་ཡོངས་སུ་ཐར་མི་བྱེད། །ལེགས་པའི་ལས་བྱས
227a3 པས་ནི་གྲོལ་བར་འགྱུར། །དེ་ལྟར་ཁྱིམ་ནི་ཡོངས་སུ་སྤང་བར་བྱ། །ཁུ་སྒོ་དབྱུག་པ་ལྟུང་གི་ཆད་པ་རྣམས། །སུ་ཞིག་སྤོང་འདོད་ཞི་བ་དོན་གཉེར་བས། །ཁྱིམ་ལ་འཇིགས་པར་གྱིས་ཏེ་སྤང་བྱོས་ལ། །འཇིག་རྟེན་མཁས་པའི
227a4 བརྟན་ལ་ཆོས་སྤྱོད་ཅིག་། ཁྱིམ་ནི་རབ་འབར་སྡུག་བསྔལ་མང་པོའི་རྩ། །སེམས་ལས་བྱུང་བ་རྣམས་ཀྱིས་རྟག་ཏུ་འབར། །མེ་མུར་འོབས་འདྲ་འཇིགས་པར་བྱེད་པ་ལ། །མཁས་པ་སུ་ཞིག་དེ་ལ་སྲེད་པ་སྐྱེད། །ཁྱིམ་གནས
227a5 བུ་དང་ཆུང་མའི་མྱ་ངན་བྱེད། །ཁྱིམ་གནས་དེ་བཞིན་ལོངས་སྤྱོད་མྱ་ངན་བྱེད། །ཉེས་པ་འདི་དང་གཞན་ཡང་དཔག་མེད་དེ། །དེ་ལྟས་ཁྱིམ་ནི་ཡོངས་སུ་སྤང་བར་བྱ། །འདྲེན་པ་རྣམས་ཀྱི་བསྟན་ལ་དགའ་བྱེད་པ། །མ་བཏབ་མ་རྨོས
227a6 བདེ་དང་ཡིད་བདེའི་རྒྱུ། །སྡུག་བསྔལ་མང་པོའི་རྩ་བ་ཁྱིམ་འདི་ལ། །བླུན་པོ་དགའ་ཡི་མཁས་པ་གཞར་མི་དགའ། །ལྤགས་པ་ཆུ་རྒྱུས་ཤ་དང་རུས་པའི་ལུས། །འདི་ནི་ངའི་ཆུང་མ་འདུ་ཤེས་བསྐྱེད། །བྱིས་པ་རྨོངས་པ་འདོད་ཆགས
227a7 སྐྱེད་པར་བྱེད། །བུད་མེད་སྒྱུ་མ་ལྟ་བུར་ཡོང་མ་ཤེས། །ཤེས་རབ་ལྡན་པས་ཁྱིམ་གྱི་ཉེས་རིག་ནས། །དེ་ཕྱིར་འདོད་པའི་དགའ་བ་ཀུན་སྤངས་ཏེ། །ཆོས་ལ་སྨན་གྱི་འདུ་ཤེས་གཞག་བྱས་ནས། །མ་ཆགས་ཁྱིམ་ནས་མྱུར
227a8 དུ་འབྱུང་བར་བྱེད། །དེ་ནས་ཁྱིམ་བདག་དཔས་བྱིན་དང་། ཁྱིམ་བདག་ལྔ་བརྒྱ་ཙམ་དེ་དག་གིས་ཆོས་ཀྱི་རྣམ་གྲངས་འདི་ཐོས་ནས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །དེ་དག་བཟོད་པ་ཐོབ་ནས་མཆོག་ཏུ་དགའ
iiif viewer powered by OpenSeadragon
