| e-texts navigator |
| Wylie |
226b1 འགྱུར། །དེ་བཞིན་འདོད་པ་གསོག་སྟེ་སྙིང་པོ་མེད། །མཁས་པ་སུ་ཞིག་དེ་ལ་དགའ་བར་བྱེད། །མཁས་པ་གང་དག་བློ་ཡི་སྟོབས་ལྡན་པ། །དེ་དག་རྟག་ཏུ་ཁྱིམ་གྱི་སྐྱོན་ལ་རྟོག་།འདི་ལ་རོ་མྱོང་བྱེད་པ་སུ་ཡོད་ན། །འདི་དག་ཅི་ཕྱིར་ཁྱིམ་ནི་སྤོང་མི
226b2 བྱེད། །འདྲེན་མའི་ལས་ཀྱིས་ལོངས་སྤྱོད་ཚོལ་བྱེད་ཅིང་། །བུ་དང་དེ་བཞིན་ཆུང་མ་གསོ་བར་བྱེད། །ཤིན་ཏུ་སྡུག་བསྔལ་གྱུར་བ་དེ་དུས་ན། །བུ་དང་ཆུང་མ་སྐྱབས་སུ་འགྱུར་མ་ཡིན། །ཇི་ལྟར་སྣ་ཚོགས་ལས་བྱས་བླངས་པ་བཞིན། །
226b3 བུ་དང་ཆུང་མ་དག་ཀྱང་འདོར་བར་འགྱུར། །བདག་ཉིད་གཅིག་པུས་སྡུག་བསྔལ་མྱོང་བར་འོང་། །དེ་དག་དེ་ཚེ་བདག་གི་སྐལ་མི་ལེན། །མྱ་ངན་རྣམས་ཀྱིས་བདེ་ཕྱིར་དེ་དག་བླངས། །འདི་ན་དེ་དག་སྡུག་བསྔལ་མྱ་ངན་འགྱུར། །སྲིད
226b4 གསུམ་འཇིགས་པ་འདི་ན་བཤེས་ཀྱང་མེད། །དེ་བཞིན་བུ་དང་ཆུང་མ་རྩ་ལག་མེད། །ཕ་མ་སྤུན་དང་བུ་དང་ཆུང་མ་དང་། །བྲན་དང་ནོར་དང་རྩ་ལག་ཚོགས་ཀྱི་རྣམས། །ཤི་བའི་གཤིན་ཕྱིར་དེ་དག་འགྲོ་བ་མེད། །ལས་རྣམས་རྗེས
226b5 སུ་འབྲང་ཞིང་བྱེས་པ་འགྲོ། །ལས་ནི་རྗེས་སུ་འབྲང་ཞིང་མི་ཀུན་འདོང་། །ལས་ཀྱིས་གནས་པ་འཇིག་རྟེན་རྣམ་པར་རྒྱུ། །སྐྱེ་འདི་ལས་ཀྱི་བདག་ཉིད་རིག་གྱུར་ནས། །མཁས་པ་དག་ནི་དགེ་བའི་ལས་རྣམས་བྱེད། །མནར་མེད་སོང
226b6 ཚེ་དེ་དག་སྐྱབས་མིན་པས། །ཕ་མ་སྤུན་དང་སྙིང་སྡུག་བུ་རྣམས་དང་། །རྩ་ལག་ཉེ་དུ་སྣག་གི་གཉེན་མཚམས་དང་། །དེ་དག་ཆེད་དུ་མཁས་པ་སྡིག་མི་བྱེད། །ལས་དེ་ཡོངས་སུ་ཟད་པ་མ་གཏོགས་པར། །རབ་ཏུ་མི་བཟང
226b7 འཇིགས་ལས་མི་མི་འགྲོལ། །དེ་ཕྱིར་སྡིག་པས་འཇིགས་པའི་མི་རྣམས་ཀྱིས། །བསྒྲིམས་ཏེ་སྡིག་པ་ཡོངས་སུ་སྤང་བར་བྱ། །ཇི་ལྟར་ལས་རྣམས་བྱས་པ་མ་གཏོགས་པར། །གཤིན་རྗེ་དང་ནི་གཤིན་རྗེའི་རང་རྟ་དང་། །མཛའ
226b8 བཤེས་དག་དང་རྩ་ལག་ཚོགས་དང་སྤུན། །ཕ་མ་བུ་དང་ཆུང་མ་སྲུང་མི་བྱེད། །ཁྱོད་ཀྱིས་མི་ཡི་ལུས་ནི་ཐོབ་གྱུར་ལ། །ཐོབ་ནས་སྡིག་པ་སྤང་བ་མ་བྱས་པས། །ཀྱེ་མ་ད་ལྟར་སྡུག་བསྔལ་མི་བཟད་མྱོང་། །འདི་ནི་མི་དགེའི
iiif viewer powered by OpenSeadragon
