| e-texts navigator |
| Wylie |
226a1 ཤིང་། །བུ་དང་ཆུང་མ་རྣམས་ལ་མི་བྱམས་པར། །དེ་དག་རྟག་ཏུ་ཆགས་ལ་འཇུག་པར་བྱེད། །བདག་གི་ལོངས་སྤྱོད་འགྲིབ་པར་འགྱུར་འོང་ཞེས། །བརྣབ་མོ་བྱས་གཟོ་ནམས་ཀྱང་རྙེད་མི་འགྱུར། །གཡོ་དང་སྒྱུས
226a2 ནི་ནོར་རྣམས་ཚོལ་བྱེད་པ། །བརྣབ་མོ་དག་ལ་མཁས་པ་ཡིད་མི་རྟོན། །སེམས་ཅན་བརྣབ་མོ་གཡོ་ལྡན་འདྲིད་པ་ཉིད། །ཡིད་གཞན་སེམས་ལ་ཚིག་གིས་དགའ་བར་བྱེད། །ཡིད་བརྟན་ཀྱང་ནི་དེ་ལ་ཡིད་མི་རྟོན། །འོན་ཀྱང་བུ
226a3 འདྲར་སྡུག་པར་སྟོན་པར་བྱེད། །སེམས་ཅན་བརྣབ་མོ་འཇིག་རྟེན་གང་རྒྱུ་བ། །སྨན་དང་བསྟན་བཅོས་དག་ལ་མཁས་སྟོན་ཅིང་། །སྨད་འཚོང་ལྟ་བུར་ཚིག་གིས་འདྲིད་བྱེད་ལ། །ཁོང་ནས་མི་བདེ་ཤིན་དུ་རྩུབ་པ་ཡིན། །བརྣབ་མོ
226a4 དག་ལ་མཛའ་བོ་ནམས་ཀྱང་མེད། །ཉེ་དུ་མེད་ཅིང་སྙིང་སླེབས་གྲོགས་ཀྱང་མེད། །འོན་ཀྱང་དེ་དག་ནོར་ཕྱིར་སྟེན་པར་བྱེད། །སྐྱེ་བོ་བརྣབ་ལ་མཁས་པ་ཡིད་མི་རྟོན། །བརྣབ་མོ་ལོངས་སྤྱོད་ཆེད་དུ་བྱ་མིན་བྱེད། །ཤིན་ཏུ་མི་བཟད་སེམས
226a5 ནི་ཀུན་ཏུ་སྐྱེད། །དེ་ཕྱིར་མཁས་པས་ཡང་དག་རྟོགས་བྱས་ལ། །ངན་ངོན་ཅི་ཡང་རུང་བས་ཆོག་ཤེས་གྱིས། །གསེར་དང་མུ་ཏིག་ནོར་བུ་བྱི་རུ་དང་། །ལས་དགེས་དེ་དག་ལྦུ་བ་ལས་ཀྱང་འབྱུང་། །དེ་དག་སྒྱུ་མའི་རང་བཞིན་མ་རྟོགས་ནས། །
226a6 དེ་དག་ཕྱིར་ནི་འཐབ་ཅིང་རྩོད་པ་བྱེད། །བྱམས་པ་ཞེས་བྱ་གང་ཞིག་འདིར་འབྱུང་སྟེ། །དེ་བཞིན་གཤེགས་པ་དེ་ནི་འབྱུང་བའི་ཚེ། །ས་འདི་གསེར་གྱིས་རབ་ཏུ་གང་བར་འགྱུར། །དེ་ཡི་ཚེ་ན་དེ་ནི་ག་ལས་འབྱུང་། །འདོད་པའི་ཡོན
226a7 ཏན་ལྔ་དག་འབྱུང་བ་སྟེ། །བརྫུན་པའི་ཆོས་ཅན་འཁྲུལ་བྱེད་རྨོངས་པར་བྱེད། །དཔེར་ན་སོས་ཀའི་ཉི་མ་གུང་དུས་ན། །སྨིག་རྒྱུ་ཆུར་སྣང་འདོད་པ་དེ་བཞིན་ནོ། །བསྐལ་པ་གཅིག་ལོན་ནས་ནི་འཇིག་རྟེན་འདི། །ནམ་མཁའི་རང
226a8 བཞིན་ནམ་མཁར་འགྱུར་བར་འོང་། །ལྷུན་པོ་དག་ཀྱང་འཚིག་ཅིང་རྣམ་པར་འཇིག་།དེ་དག་གང་ནས་འོངས་ཤིང་གང་དུ་འགྲོ། །ཆུ་མིག་མཚེའུ་དང་རྫིང་དང་རྒྱ་མཚོ་རྣམས། །དེ་དག་མེད་འགྱུར་སྐམས་འགྱུར་འབྱུང་བར
iiif viewer powered by OpenSeadragon
