| e-texts navigator |
| Wylie |
225b1 ཅིག་། འཆི་བར་རྟོགས་ནས་བསོད་ནམས་མྱུར་དུ་བྱོས། །དེ་བཞིན་སངས་རྒྱས་བསྟན་ལ་དད་པ་སྐྱེད། །ཟས་དང་སྐོམ་དང་བྱུག་པ་གོས་རྣམས་ཀྱིས། །ལུས་འདི་ཇི་སྲིད་ཡུན་རིང་བསྙེན་བཀུར་ཏེ། །བརྟན་པར་བྱས་ཀྱང་འཇིག
225b2 པར་འགྱུར་ཡིན་ན། །འདི་ལ་འབད་པ་དོན་མེད་ཅི་ཕྱིར་བྱ། །བསྐལ་པ་བརྒྱར་ཡང་ཤིན་ཏུ་རྙེད་དཀའ་བ། །ཐུབ་པའི་འབྱུང་འདི་ཁྱེར་ཀྱིས་རྙེད་པ་ལ། །སངས་རྒྱས་བསྟན་ལ་དེ་བཞིན་དད་པ་སྐྱེད། །ཤིན་དུ་འཇིགས
225b3 པའི་ངན་གྲོར་མ་འགྲོ་ཤིག་། ལོ་སྟོང་བྱེ་བར་སུ་ཞིག་འཚོ་གྱུར་པ། །དེས་ཀྱང་ཆགས་པ་ཡོངས་སུ་སྤང་བྱ་ན། །སུ་ཞིག་ལོ་བརྒྱ་ཐུབ་པར་མི་འགྱུར་བ། །དེ་ཕྱིར་དགའ་བ་མི་རྙེད་སྨོས་ཅི་དགོས། །མ་བསྡམས་མི་རྣམས་ཁ་ཅིག
225b4 འདི་སྐད་དུ། །མིར་རྙེད་ཤིན་ཏུ་དཀའ་བ་རྙེད་པ་ལ། །གཞོན་ཚེ་རྩེ་མོ་དག་དང་དགའ་བྱ་ཞིང་། །ནོར་བཙལ་བདེ་བ་མྱོང་བར་བྱ་ཞེས་ཟེར། །ནོར་ཚོལ་བ་ལ་བདེ་བ་ག་ལ་ཡོད། །བསྲུང་བའི་ཕྱིར་ཡང་སྡུག་བསྔལ་མྱོང་བར་འགྱུར། །
225b5 དེ་ཕྱིར་མཁས་པས་ཆགས་པ་ཡོངས་སྤངས་ལ། །ངན་ངོན་ཙམ་གྱིས་ཆོག་ཤེས་ཐོབ་པར་བྱོས། །ལོངས་སྤྱོད་སྒྱུ་མ་འདྲ་ཞིང་རྨི་ལམ་མཚུངས། །འདི་དག་བྱིས་པའི་སྐྱེ་བོ་འདྲིད་པ་ཡིན། །སྐད་ཅིག་འབྱུང་ཞིང་སྐད་ཅིག་འཇིག
225b6 པར་འགྱུར། །མཁས་པ་སུ་ཞིག་ལོངས་སྤྱོད་སྲིད་པ་སྐྱེད། །སྒྱུ་མ་འདྲ་ཞིང་གར་མཁན་ལྟ་དང་མཚུངས། །དྲི་ཟའི་གྲོང་ཁྱེར་སྣ་ཚོགས་ཅི་འདྲ་བ། །ལོངས་སྤྱོད་དེ་དག་འདི་འདྲ་བྱིས་པ་འདྲིད། །དེ་ལྟར་ལོག་པ་ཚོལ་ཞིང་བྱིས་པ
225b7 འཁྱམ། །སྡུག་བསྔལ་བརྒྱ་ཡིས་ལོངས་སྤྱོད་བཙལ་བཙལ་བ། །ལུས་ལ་གནོད་པ་མཚུངས་མེད་བསྐྱེད་བྱས་ནས། །རྒྱལ་པོའི་མཐུ་ཡིས་དེ་དག་ཕྲོགས་གྱུར་པ། །དེ་དག་ལ་ནི་མཁས་གང་དགའ་བ་སྐྱེད། །བུ་དང་ཆུང་མའི
225b8 དབང་དུ་མི་འགྱུར་བར། །རྒྱལ་པོས་ཉེས་པ་བྱུང་བའི་ནོར་ཕྲོགས་པ། །ཉེས་པ་དེ་དག་འདི་འདྲ་རིག་ནས་སུ། །མཁས་པ་རྣམས་ནི་ཁྱིམ་ལ་སྲིད་མི་སྐྱེད། །རྟག་ཏུ་བརྣབ་ཅིང་ལོངས་སྤྱོད་ཚོལ་བྱེད་པ། །དེ་ནི་ཕ་དང་མ་ལ་མི་གུས
iiif viewer powered by OpenSeadragon
