| e-texts navigator |
| Wylie |
225a1 ཆུང་མ་དང་། བུ་དང་། བུ་མོ་དང་། བཟའ་བ་དང་། བཏུང་བ་དང་། བགོ་བ་དང་། བཞོན་པ་དང་། མལ་ཆ་དང་། མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་རྣམས་དང་། ཡོ་བྱད་ཐམས་ཅད་ཀྱི་བར་དག་ལ
225a2 འདུན་པ་དང་། དགའ་བ་དང་། བདག་གིར་བྱེད་པ་དང་། སྲེད་པ་དང་། གནས་པ་དང་། ཞེན་པ་གང་ཡིན་པ་དེ་དག་ཐམས་ཅད་སྤོང་སྟེ། དེ་ལུས་དང་སྲོག་ལ་མི་ལྟའོ། །དེ་བཞིན་ནོར་དང་། འབྲུ་དང་། ཁྱིམ་དང་། ཆུང་མ་དང་། བུ་དང་། བུ
225a3 མོ་དང་། བཟའ་བ་དང་། བཏུང་བ་དང་། བགོ་པ་དང་། བཞོན་པ་དང་། མལ་ཆ་དང་། མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་རྣམས་ལ་མི་ལྟ་བར་ཕ་རོལ་ཏུ་ཕྱིན་པ་དྲུག་མྱུར་དུ་ཡོངས་སུ་རྫོགས་པར་བྱེད་དོ། །
225a4 ཁྱིམ་བདག་རྣམས་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་དུ་ཕྱིན་པ་དྲུག་ཡོངས་སུ་རྫོགས་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །དེ་ནས་བཅོམ་ལྡན
225a5 འདས་ཀྱིས་ལུས་རྒྱ་ཆེར་ཡོངས་སུ་བསྟན་པའི་ཕྱིར་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །མི་རྙེད་ཤིན་དུ་རྙེད་དཀའ་རྙེད་པ་ལ། །ལུས་ཀྱི་ཕྱིར་ནི་སྡིག་པ་མ་བྱེད་ཅིག་།འདི་ནི་དུར་ཁྲོད་པ་སྟེ་ལྕེ་སྤྱང
225a6 ཟས། །ལུས་ཀྱི་ཕྱིར་ནི་ཡ་ངར་མ་འཇུག་ཅིག་།གཡོ་ལྡན་ལུས་ལ་སྲེད་པ་བསྐྱེད་ནས་ནི། །བྱིས་པ་རྟག་ཏུ་རྣམ་པར་རྨོངས་ཏེ་འཁྱམ། །ལུས་འདི་བྱས་པ་མི་གཟོ་དངོས་ཡིན་པས། །ཉིན་དང་མཚན་དུ་སྡུག་བསྔལ་ཚོར་བ་མྱོང་། །
225a7 རྟག་ཏུ་ནང་འདྲ་སྡུག་བསྔལ་འཁྲུལ་འཁོར་ཏེ། །ལུས་འདི་ངན་སྐྱུགས་རྣམས་དང་མཆིལ་མས་གང་། །བཀྲེས་དང་སྐོམ་པས་རྟག་ཏུ་མངོན་པར་གཙེས། །མཁས་པ་སུ་ཞིག་ལུས་ལ་སྲེད་པ་སྐྱེད། །ལུས་ནི་ས་གཏིང་འདྲ
225a8 སྟེ་ཆོག་མི་ཤེས། །གཤེད་མ་མི་མཛའ་འདྲ་ཡང་བྱིས་པས་གོས། །ལུས་ཀྱི་ཆེད་དུ་སྡིག་པའི་ལས་ཀྱང་བྱེད། །དེ་ཕྱིར་དེ་དག་སྡུག་བསྔལ་ཚོར་བ་མྱོང་། །ལུས་འདི་རྡོ་རྗེ་ལྟ་བུར་སྲ་མ་ཡིན། །ལུས་ཀྱི་ཆེད་དུ་སྡིག་པ་མ་བྱེད
iiif viewer powered by OpenSeadragon
