| e-texts navigator |
| Wylie |
224b1 དགྲ་ལྟ་བུར་བརྟག་པར་བྱ། བྱང་ཆུབ་སེམས་དཔས་ལུས་ཡང་དང་ཡང་དུ་སྡུག་བསྔལ་མྱོང་བས་གསོད་པ་ལྟ་བུར་བརྟག་པར་བྱ། བྱང་ཆུབ་སེམས་དཔས་ལུས་སྡུག་བསྔལ་གསུམ་གྱིས་གཙེས་ཏེ། གསུམ་གང་ཞེ་ན། འདི
224b2 ལྟ་སྟེ། འདུ་བྱེད་ཀྱི་སྡུག་བསྔལ་ཉིད་དང་། འགྱུར་བའི་སྡུག་བསྔལ་ཉིད་དང་སྡུག་བསྔལ་གྱི་སྡུག་བསྔལ་ཉིད་ཀྱིས་ཏེ་སྡུག་བསྔལ་གྱི་སྣོད་ཡིན་པར་བརྟག་པར་བྱ། བྱང་ཆུབ་སེམས་དཔས་ལུས་ཕུང་པོ་ལྔ་མངོན་པར་གྲུབ་པས་སྡུག་བསྔལ་གྱི་གོང་བུ་ཡིན་པར
224b3 བརྟག་པར་བྱ། བྱང་ཆུབ་སེམས་དཔས་ལུས་རྐྱེན་ཐ་དད་པ་ལས་བྱུང་བས་བདག་མེད་པ་དང་། བདག་པོ་མེད་པར་བརྟག་པར་བྱ། བྱང་ཆུབ་སེམས་དཔས་ལུས་སྐྱེས་པ་དང་། བུད་མེད་དང་བྲལ་བས་སྲོག་མེད་པར་བརྟག་པར
224b4 བྱ། བྱང་ཆུབ་སེམས་དཔས་ལུས་ཕུང་པོ་དང་། ཁམས་དང་། སྐྱེ་མཆེད་རྣམས་ཀྱིས་སྟོང་པར་བརྟག་པར་བྱ། བྱང་ཆུབ་སེམས་དཔས་ལུས་རྨི་ལམ་ལྟ་བུ་སྟེ། གསོག་ཏུ་བརྟག་པར་བྱ། བྱང་ཆུབ་སེམས་དཔས་ལུས་སྒྱུ་མ་ལྟ
224b5 བུ་སྟེ། ཡང་དག་པ་མ་ཡིན་པར་བརྟག་པར་བྱ། བྱང་ཆུབ་སེམས་དཔས་ལུས་སྨིག་རྒྱུ་ལྟ་བུ་སྟེ། འཁྲུལ་པར་བྱེད་པར་བརྟག་པར་བྱ། བྱང་ཆུབ་སེམས་དཔས་ལུས་བྲག་ཆ་ལྟ་བུ་སྟེ། སླུ་བར་བརྟག་པར་བྱ། བྱང་ཆུབ་སེམས་དཔས་ལུས
224b6 མི་གཡོར་ལྟ་བུ་སྟེ། སླུ་བའི་བདག་ཉིད་དུ་བརྟག་པར་བྱ་སྟེ། ཁྱིམ་བདག་རྣམས་བྱང་ཆུབ་སེམས་དཔའ་སེམས་དཔའ་ཆེན་པོས་རྣམ་པ་བཞི་བཅུ་རྩ་བཞི་པོ་དེ་དག་གིས་ལུས་ལ་བརྟག་པར་བྱའོ། །དེ་ལྟར་རྟོག་པའི་བྱང
224b7 ཆུབ་སེམས་དཔའ་སེམས་དཔའ་ཆེན་པོ་ལུས་ལ་ལུས་སུ་འདུན་པ་དང་། ལུས་ལ་དགའ་བ་དང་། ལུས་བདག་གིར་བྱེད་པ་དང་། ལུས་ལ་སྲེད་པ་དང་། ལུས་ལ་གནས་པ་དང་། ལུས་ལ་ཞེན་པ་གང་ཡིན་པ་དེ་དག་ཐམས
224b8 ཅད་སྤོང་ངོ་། །སྲོག་ལ་སྲོག་ཏུ་འདུན་པ་དང་། སྲོག་ལ་དགའ་བ་དང་། སྲོག་བདག་གིར་བྱེད་པ་དང་། སྲོག་ལ་སྲེད་པ་དང་། སྲོག་ལ་གནས་པ་དང་། སྲོག་ལ་ཞེན་པ་གང་ཡིན་པ་དང་། དེ་བཞིན་དུ་ནོར་དང་། འབྲུ་དང་། ཁྱིམ་དང་།
iiif viewer powered by OpenSeadragon
