| e-texts navigator |
| Wylie |
223a1 དང་། ཁྲག་བྲེ་གང་དང་། ངན་སྐྱུགས་ཕུལ་གང་དང་། དེ་དག་ཐམས་ཅད་ཀྱིས་བང་བ་བར་ཆད་ཅན་ལྟར་སོ་སོར་ཡོངས་སུ་གང་བ། ལྤགས་པ་རིམ་པ་བདུན་གྱིས་ཀུན་ནས་བསྐོར་བ། རོ་བྲོ་བ་དྲུག་གིས་གསོ་བ། ལུས
223a2 ཀྱི་མེ་ལ་ངན་སྐྱུགས་ཀྱི་སྦྱིན་སྲེག་བྱེད་པ། རྟག་ཏུ་མཐར་འཛག་པ། ལུས་ཀྱི་ཡན་ལག་དེ་དག་ཐམས་ཅད་ཀྱིས་བལྟ་ན་མི་སྡུག་པ། དྲི་ང་བ། རྣག་གི་རང་བཞིན་ཡིན་ན་འདི་ལ་སུ་ཞིག་གུས་པར་བྱེད་དེ། སྐད་ཅིག་དགོས་པའི་ཕྱིར་སྣོད
223a3 བརྙན་མ་ཙམ་དུ་ཟད་པ་དང་། ཁུར་བསྐུར་བའི་ཕྱིར་ཤིང་རྟ་ལྟ་བུ་འབའ་ཤིག་ཡིན་པར་ཆོས་ཀྱི་བློས་གཟུང་བར་བྱའོ། །དེ་ལ་འདི་སྐད་ཅེས་བྱ་སྟེ། འདི་ལྟར་མི་གཙང་ཕུང་པོའི་ལུས་ལ་ནི། །གཟུགས་མངོན་ང་རྒྱལ་ཅན་གང་གུས
223a4 བྱེད་པ། །བྱིས་པའི་བློ་ཅན་དེ་ནི་མངོན་བཞིན་དུ། །མི་ཤེས་ངན་སྐྱུགས་བུམ་པ་ཐོགས་ཤིང་འགྲོ། །དེ་ཡི་སྣ་ནས་རྣག་གི་རྣམ་པ་འཛག་།ཁ་ནས་དྲི་མི་ཞིམ་པ་རྟག་ཏུ་འབྱུང་། །མིག་རྡུལ་ཆགས་ཤིང་སྐྱེ་བོ་སྲིན་བུ་ཅན། །དེ་ལ
223a5 སུ་ཞིག་ཆགས་ཤིང་གུས་པར་བྱེད། །དཔེར་ན་བྱིས་པ་སོལ་བ་ཐོགས་ནས་སུ། །འདི་ནི་དཀར་པོར་བྱ་ཞེས་འདར་བྱེད་ཀྱང་། །དཀར་པོའི་དངོས་པོར་མི་འགྱུར་ཟད་པར་འགྱུར། །བྱིས་བློ་ཕྱིན་ཅི་ལོག་གི་ང་རྒྱལ་ཅན། །དེ་ལྟར
223a6 མི་གང་གཙང་སྦྲའི་བློ་གྲོས་ཅན། །ང་ཡིས་ལུས་འདི་གཙང་མར་བྱ་ཞེས་ཏེ། །བསྐུས་ཕྱིས་འབབ་སྟེགས་བརྒྱར་ནི་ཁྲུས་བྱས་ཀྱང་། །འཆི་བདག་དབང་གིས་ཟད་འགྱུར་གཙང་མི་འགྱུར། །དེ་ནས་བཅོམ་ལྡན་འདས་ཀྱིས་ཡང
223a7 ཁྱིམ་བདག་དཔས་བྱིན་དང་། ཁྱིམ་བདག་ལྔ་བརྒྱ་ཙམ་དེ་དག་ལ་བཀའ་སྩལ་པ། ཁྱིམ་བདག་རྣམས་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས
223a8 པར་འཚང་རྒྱ་བར་འདོད་པས་རྣམ་པ་བཞི་བཅུ་རྩ་བཞིས་ལུས་ལ་བརྟག་པར་བྱ་སྟེ། རྣམ་པ་བཞི་བཅུ་རྩ་བཞི་གང་ཞེ་ན། འདི་ལྟ་སྟེ། ཁྱིམ་བདག་རྣམས་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོས་ལུས་ཡིད
iiif viewer powered by OpenSeadragon
