| e-texts navigator |
| Wylie |
221a1 བྱ། བདོག་པ་ཐམས་ཅད་ཡོངས་སུ་གཏང་བར་ཡོངས་སུ་བཏང་བ་མང་བ་དང་། རྣམ་པར་སྨིན་པ་ལ་རེ་བ་མེད་པར་བྱ། ཚུལ་ཁྲིམས་རྣམ་པ་གསུམ་ཡོངས་སུ་དག་པར་ཚུལ་ཁྲིམས་ཀྱི་སྡོམ་པ་ལ་གནས་པར་བྱ།
221a2 སེམས་ཅན་ཐམས་ཅད་ཀྱིས་ཉེས་པ་བྱས་པ་ལ་ཇི་མི་སྙམ་པར་བཟོད་པ་དང་དེས་པ་ཕུན་སུམ་ཚོགས་པར་བྱ། ལུས་དང་སྲོག་ལ་མི་ལྟ་བར་བརྩོན་འགྲུས་ཀྱི་གོ་ཆ་ཆེན་པོ་བགོ་བར་བྱ། རྣམ་པར་མི་གཡེང་བའི་སེམས་ཀྱིས་སེམས
221a3 རྩེ་གཅིག་ཏུ་བྱ། བདག་དང་། སེམས་ཅན་དང་། སྲོག་དང་། གསོ་བ་དང་། སྐྱེས་བུ་དང་། གང་ཟག་དང་། ཤེས་ལས་སྐྱེས་དང་། ཤེད་བུར་ལྟ་བ་དང་བྲལ་བས་ཤེས་རབ་ཀྱིས་རྣམ་པར་དཔྱད་པ་ལ་མཁས་པར་བྱ། དེས་སྦྱིན་པ
221a4 སྦྱིན་ན་སེམས་ཅན་ཐམས་ཅད་ཡིད་ལ་བྱས་ཏེ་སྦྱིན་པ་སྦྱིན་པར་བྱ། སེམས་ཅན་ཐམས་ཅད་ཡིད་ལ་བྱས་ཏེ་ཚུལ་ཁྲིམས་བསྲུང་བར་བྱ། སེམས་ཅན་ཐམས་ཅད་ཡིད་ལ་བྱས་ཏེ་བཟོད་པ་བསྒོམ་པར་བྱ། སེམས་ཅན
221a5 ཐམས་ཅད་ཡིད་ལ་བྱས་ཏེ་བརྩོན་འགྲུས་བརྩམ་པར་བྱ། སེམས་ཅན་ཐམས་ཅད་ཡིད་ལ་བྱས་ཏེ་བསམ་གཏན་ལ་མཉམ་པར་བཞག་པར་བྱ། སེམས་ཅན་ཐམས་ཅད་ཡིད་ལ་བྱས་ཏེ་ཤེས་རབ་བསྒོམ་པར་བྱ།
221a6 སེམས་ཅན་ཐམས་ཅད་ཡིད་ལ་བྱས་ཏེ་ཐབས་ལ་མཁས་པ་བསླབ་པར་བྱའོ། །དེ་ནས་ཁྱིམ་བདག་དཔས་བྱིན་དང་། ཁྱིམ་བདག་ལྔ་བརྒྱ་ཙམ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན
221a7 འདས་བདག་ཅག་ནི་ལུས་ལ་ལྟ་ཞིང་གནས་པ་ལགས། སྲོག་ལ་ལྟ་ཞིང་གནས་པ་ལགས། དེ་བཞིན་དུ་ནོར་དང་། འབྲུ་དང་། ཁྱིམ་དང་། ཆུང་མ་དང་། བུ་དང་། བུ་མོ་རྣམས་ལ་ལྟ་ཞིང་གནས་པ་ལགས། བཟའ་བ་དང་།
221a8 བཏུང་བ་དང་། བགོ་བ་དང་། བཞོན་པ་དང་། མལ་ཆ་དང་། མེ་ཏོག་དང་། སྤོས་དང་། བདུག་པ་དང་། ཕྲེང་བ་དང་། བྱུག་པ་རྣམས་ལ་ལྟ་ཞིང་གནས་པ་ལགས། ཡོ་བྱད་ཐམས་ཅད་ལ་ལྟ་ཞིང་གནས་པ་ལགས་ན། བཅོམ
iiif viewer powered by OpenSeadragon
