| e-texts navigator |
| Wylie |
209a1 རྣམས་ནི་དབུལ་པོ་ལགས་པར་སེམས། །གང་ཞིག་བྱམས་པ་རབ་ཏུ་བསྒོམས་ཏེ་སེམས་ཅན་རྣམས་ལ་ཐ་བ་མ་མཆིས་ཤིང་། རྟག་པར་རྒྱུན་དུ་ངན་ངོན་ཙམ་གྱིས་ཆོག་པར་འཛིན་ཅིང་འདོད་པ་མ་མཆིས་ལ། །ཉམ
209a2 ཐག་མཐོང་ན་རྟག་ཏུ་སྙིང་རྗེ་བགྱིད་ཅིང་ཤར་གཉེར་བགྱིད་པ་མ་མཆིས་པ། །ནི་ཕྱུག་ཅིང་ནོར་བཟང་ཤིན་དུ་ནོར་ཆེ་དད་པ་ལ་སོགས་ལོངས་སྤྱོད་གནས། །གང་ཞིག་འགྲོ་བ་འདི་ན་དབང་ཕྱུག་རྒྱ་ཆེན་ལྡན་ལ་ཆོས་སྲུང་མི་བགྱིད་དང་། །
209a3 གང་ཞིག་འདི་ན་སྐྱེ་བོ་དམན་ཞིང་སྡུག་བསྔལ་གཟིར་པ་བཟུང་ནས་ཆད་པས་གཅོད། །གང་ཞིག་ཆུང་མ་དག་གིས་མདུན་བལྟས་དགའ་ཞིང་འཇིག་རྟེན་ཕ་རོལ་མི་ལྟ་བ། །དེ་ནི་ཆོས་སྲུང་མི་བགྱིད་ཤིན་དུ་དབུལ་ཞིང་དམན་པའི་མི་ཞེས
209a4 རིག་པར་བགྱི། །དད་པས་བསམ་པ་དྲི་མ་མེད་ཅིང་རབ་བརྟན་ཚུལ་ཁྲིམས་དག་ལ་ཡང་དག་གནས། །རྟག་ཏུ་ངོ་ཚ་ཤེས་ཤིང་ཁྲེལ་ཡོད་ཐོས་པ་འཛིན་ཏེ་གཏོང་ལ་དགའ་བ་དང་། །ཤེས་རབ་ཀྱིས་ནི་མཐར་ཕྱིན་བློ་གྲོས་ལྡན་ཞིང
209a5 འཇིག་རྟེན་ཀུན་ལ་ལྟ་བགྱིད་པ། །དེ་དག་རྟག་ཏུ་མི་དབུལ་ཐོབ་ཅིང་ཆོས་འདོད་རྣམས་ཀྱིས་མཆོད་པར་འོས་པ་ལགས། །གང་དག་ལོངས་སྤྱོད་རྣམས་ལ་རབ་ཆགས་བདེ་ལ་དགའ་ཞིང་གཏོང་བ་མ་མཆིས་ལ། །ལུས་དང་སྲོག་ལ
209a6 སྙིང་པོར་འཛིན་ཅིང་རྟག་པར་སྙིང་པོ་དོན་དུ་མི་གཉེར་དང་། །གང་དག་གླང་ཆེན་མྱོས་པ་ལྟ་བུར་རྟག་ཏུ་ཡིད་མྱོས་རྣམ་པར་རྒྱུ་བ་དང་། །ལྷ་ཅིག་གང་དག་དྲན་པ་མ་མཆིས་དེ་དག་དབུལ་བ་ཉིད་ནི་ཐོབ་པ་ལགས། །གང་དག་དཀོན་མཆོག
209a7 གསུམ་པོ་དྲི་མ་མེད་ལ་གུས་པ་ཤིན་དུ་ཆེ་བ་དང་། །ལུས་དང་སྲོག་དང་ནོར་རྣམས་ལས་ནི་རྟག་ཏུ་སྙིང་པོ་སྒྲུབ་པའི་མཁས་པ་དག་།རྟག་ཏུ་མི་བརྐམ་སྡང་བར་མི་བགྱིད་གླེན་པ་མ་ལགས་རབ་ཏུ་རྒྱགས་མ་མཆིས། །ལྷ
209a8 ཅིག་གང་དག་ཆོས་ཀྱིས་བརྒྱན་པ་དེ་དག་ནོར་ཆེ་སྐྱེས་བུ་དམ་པ་ལགས། །ལྷ་ཅིག་མེ་ནི་རྟག་ཏུ་ནགས་ཀྱི་སྦན་སྦུན་སྐམ་པོ་སྲེག་པས་ཆོག་མ་འཚལ། །ལྷ་ཅིག་འདི་ན་རྒྱ་མཚོ་ཆུ་ཀླུང་རྣམས་ཀྱི་ཆུ་འཛིན་པས་ཀྱང་ཆོག་མ་འཚལ། །
iiif viewer powered by OpenSeadragon
