| e-texts navigator |
| Wylie |
207b1 བསྔལ་བདེ་བ་འཇིག་པར་བྱེད། །རྟག་ཏུ་ངན་སོངས་རྣམས་ཀྱི་ཁྱིམ་དུ་གྱུར། །སེམས་རྨོངས་གྱུར་བ་དག་གིས་རྟག་ཏུ་བསྟེན། །འཐབ་རྩོད་ཅན་དེ་མི་བདེ་མཚང་དུ་གྱུར། །རྟག་ཏུ་འགྱེད་ཅིང་མི་མཐུན་གོ་རར་གནས། །འདི་དག་ཕྱིན
207b2 ཅི་ལོག་སྐྱེད་གཞི་ཡིན་ཏེ། །འདོད་སྟེན་སྲེད་པ་འཕེལ་བྱེད་བདེ་བ་མེད། །རྣམ་རྨོངས་རབ་རྨོངས་དེ་བཞིན་ཀུན་དུ་རྨོངས། །འདོད་སྟེན་རྟག་ཏུ་གཟིར་ཅིང་གནོད་པ་སྟེ། །འདི་ནི་ཀུན་གདུངས་རྣམ་གདུངས་ཡོངས་སུ་གདུངས། །སྡིག
207b3 པར་སྦྱོར་ཞིང་དགེ་བ་ཆུད་གཟོན་པ། །འདི་ནི་མི་དགེ་ཀུན་གྱི་རྩ་བ་སྟེ། །འདོད་སྟེན་དཔེར་ན་སྤྲིན་གྱི་དྲ་བ་འདྲ། །འདོད་སྟེན་ཤ་ཟ་མོ་དང་སྲིན་མོ་དང་། །བུད་མེད་གཟུགས་མི་སྡུག་དང་འདྲིས་བྱེད་བཞིན། །འདི་ནི་བ་ལང་བོང་བུ་རྟ་དག་དང་། །
207b4 ཕག་དང་ཁྱི་དང་ཝ་དང་རྔ་མོ་དང་། །གླང་ཆེན་ལུག་རྣམས་ཀྱིས་ཀྱང་བསྟེན་པ་སྟེ། །འདོད་པ་སྐྱེས་བུ་དམ་པ་རྣམས་ཀྱིས་སྤངས། །འདོད་སྟེན་ཚུལ་ཁྲིམས་ཐོས་དང་གཏོང་བ་དང་། །དཀའ་ཐུབ་བརྟུལ་ཞུགས་རྣམས་ནི་འཇོམས་པ
207b5 སྟེ། །འདི་ལ་རྟག་ཏུ་བག་མེད་ཉེས་པ་འཕེལ། །དེ་ཕྱིར་ཐར་འདོད་རྟག་ཏུ་བུད་མེད་སྤོང་། །གལ་ཏེ་འཇིག་རྟེན་འདི་དག་ཁྱེད་འདྲ་བའི། །མདངས་ལྡན་གཟུགས་ཅན་དག་གིས་གང་གྱུར་ཀྱང་། །ཡོན་ཏན་གནས་པ་ཁོ་བོའི
207b6 སེམས་གཅིག་ཀྱང་། །འདོད་ཆགས་ལ་ནི་ནམས་ཀྱང་རྟོན་མི་འགྱུར། །དེ་ནས་ལྷ་མ་ཡིན་གྱི་བུ་མོ་བདེ་སོགས་དང་། །ལྷའི་བུ་མོ་ཉི་འོད་སོང་ནས་ལྷའི་དབང་པོ་བརྒྱ་བྱིན་ལ་ཚིགས་སུ་བཅད་དེ་སྨྲས་པ། དེས་ནི་འདི
207b7 ན་བུ་མེད་རྣམས་ཀྱི་སྐྱོན་ཡང་དག་། གང་ལགས་དེ་དག་ཤིན་དུ་མཐོང་བར་དོགས་མ་མཆིས། །ཇི་ལྟར་དེ་ཡི་སེམས་ནི་ཡུལ་ལས་ལོག་གྱུར་པ། །དེ་ལྟར་འདོད་པ་རྣམས་ལ་སེམས་ནི་ཆགས་མ་མཆིས། །དེ་ནས
207b8 ལྷའི་དབང་པོ་བརྒྱ་བྱིན་གྲོང་ཁྱེར་གྱི་དབུལ་པོ་དེས་པའི་ཐད་དུ་སོང་ནས་ཚིགས་སུ་བཅད་དེ་སྨྲས་པ། ཅི་ཞིག་དོན་གཉེར་དེས་པ་ཆོས་སྤྱོད་པ། །བརྟུལ་ཞུགས་སྤྱོད་པ་དེ་ནི་རྣམ་དག་སྨྲོས། །འདི་ཡིས་ཉི་ཟླ
iiif viewer powered by OpenSeadragon
