| e-texts navigator |
| Wylie |
202a1 དག་གི་ཁམས་རྣམས་ཐམས་ཅད་ཀྱི། །དཀོན་མཆོག་གསུམ་དང་བྱང་ཆུབ་སེམས་དཔའ་ལ། །ནམ་མཁའ་མཉམ་པའི་ལྷ་ཡི་སྤོས་མཆོག་དང་། །ཕྲེང་བ་མེ་ཏོག་ཆུན་པོས
202a2 མཆོད་བྱེད་ཤོག་། ལྷུན་པོ་མཉམ་པའི་གསེར་དང་དངུལ་དག་དང་། །གོས་དང་རིན་པོ་ཆེ་ཡི་ཕུང་པོ་དང་། །གཞལ་མེད་ཁང་བཅས་གཞོན་དང་མལ་ཆ་དང་། །བཟའ་བ་མཐའ་ཡས་དག་ནི་སྦྱིན་པར
202a3 ཤོག་། འགྲོ་བའི་བསམ་པ་ལམ་གྱིས་རྫོགས་བྱེད་ཅིང་། །སྐྱབས་དང་ལུས་དང་ཕ་འདྲར་གྱུར་བར་ཤོག་།བཟོད་ལ་དགའ་ཞིང་ཚུལ་ཁྲིམས་གཙང་བ་དང་། །འགྲོ་ལ་ཆོས་ནི་རབ་ཏུ་སྟོན་གྱུར
202a4 ཅིག་། བྱང་ཆུབ་ཐེག་པ་མཆོག་ནི་རྙེད་པ་དང་། །དཀོན་མཆོག་གསུམ་ཕྱིར་གོ་ཆ་སྲ་བ་བགོ། །ཕ་རོལ་ཕྱིན་པ་ཡོངས་སུ་རྫོགས་བྱེད་ཅིང་། །སངས་རྒྱས་ཆོས་རྣམས་ཡོངས་སུ་རྫོགས་བྱེད་ཤོག་།
202a5 སྡིག་པ་ཀུན་དང་བྲལ་ཞིང་ལུས་ངག་དང་། །ཡིད་ཀྱི་ལས་མཐའ་དགེ་བ་མཆོག་གྱུར་ཅིག་།བྱང་ཆུབ་ལས་ནི་མི་ལྡོག་བདག་གྱུར་ཅིང་། །བྱང་ཆུབ་དགའ་དང་བྱང་ཆུབ་སེམས་དཔར་གྱུར། །
202a6 སྲིད་དང་སྲིད་པར་བྱང་ཆུབ་སེམས་དཔའ་དང་། །སངས་རྒྱས་རྣམས་ཀྱི་དགེ་བ་ཀུན་ལ་སློབ། །བདག་གིས་ཆོས་རྣམས་དེ་དག་ཀུན་ལ་ཡང་། །འཇིག་རྟེན་ཐམས་ཅད་རབ་ཏུ་དགོད་པར
202a7 བགྱིད། །དེ་དེ་ལྟར་བདག་དང་གཞན་དག་གི་དགེ་བའི་རྩ་བ་བསགས་པ་རབ་ཏུ་ཤེས་སོ། །དེ་ཤེས་རབ་དེ་དང་ཡེ་ཤེས་དེ་མངོན་སུམ་དུ་བྱ་བར་འདོད་པ་དང་། ཡིད་ལ་བྱ་བར་འདོད་པ་ན་ཡང
202a8 སེམས་ཅན་ཐམས་ཅད་བསྒྲལ་བ་དང་། སེམས་ཅན་ཐམས་ཅད་དགྲོལ་བ་དང་། སེམས་ཅན་ཐམས་ཅད་དབུགས་དབྱུང་བ་དང་། ཐམས་ཅད་མཁྱེན་པ་ཉིད་ཐོབ་པར་བྱ་བ་དང་།
iiif viewer powered by OpenSeadragon
