| e-texts navigator |
| Wylie |
201b1 ཡས་རྗེས་སུ་ཡི་རང་ངོ་། །ཡོན་ཏན་ཡང་དག་དགེ་བ་མཐའ་ཡས་པ། །དེ་དག་ཐམས་ཅད་འགྲོ་བ་མ་ལུས་པས། །སེམས་ཅན་རེ་རེ་དང་ནི་བདག་ཉིད་ལའང་། །ཡོད་པར་བདག་ནི་སྨོན་ལམ་མཐའ
201b2 ཡས་འདེབས། །བདག་གི་དགེ་བ་དག་ནི་འདས་པ་དང་། །མ་འོངས་པ་དང་ད་ལྟར་ཐམས་ཅད་ཀྱིས། །འཇིག་རྟེན་དག་གི་ཁམས་ནི་ཐམས་ཅད་དུ། །དཀོན་མཆོག་གསུམ་པོ་རྟག་ཏུ་འབྱུང་བར
201b3 ཤོག་། དཀོན་མཆོག་གསུམ་དང་བྱང་ཆུབ་སེམས་དཔའ་རྣམས། །བསྐལ་པར་བཞུགས་པས་ཕོངས་པར་མ་གྱུར་ཅིག་།བར་དུ་གཅོད་པ་མེད་པར་བྱང་ཆུབ་དང་། །ཕ་རོལ་ཕྱིན་པ་རྣམས་ནི་རྫོགས
201b4 པར་ཤོག་། སེམས་ཅན་དག་ནི་ཐམས་ཅད་བདེ་བ་དང་། །འཇིགས་པ་མེད་ཅིང་ངན་འགྲོ་འདས་པ་དང་། །མི་དགེ་ཐམས་ཅད་དང་ནི་བྲལ་བ་དང་། །དགེ་བའི་རྩ་བ་ཐམས་ཅད་རྫོགས་གྱུར་ཅིག་།ཐེག་པ
201b5 གསུམ་པོ་དག་ལ་ཅི་རིགས་པར། །དེ་དག་ལ་ནི་སྨོན་ལམ་མཐར་ཕྱིན་ཅིང་། །ཚེ་རིང་བ་དང་རྣམ་པར་གྲོལ་བ་དང་། །ཁྱད་པར་ཅན་གྱི་དོན་ཀུན་རྫོགས་པར་ཤོག་།རྫོགས་པའི་བྱང་ཆུབ་སྨོན་ལམ
201b6 འདེབས་པ་ན། །མཐའ་ཡས་དཔག་ཏུ་མེད་པར་རབ་ཏུ་འདེབས། །སེམས་ཅན་ཐམས་ཅད་དག་གི་སྡུག་བསྔལ་དང་། །ཉོན་མོངས་དག་ནི་ཉེ་བར་ཞི་གྱུར་ཅིག་།ཆོས་དང་ལྡན་པའི་བྱ་བ
201b7 རྣམས་ཀྱི་ཕྱིར། །འཇིག་རྟེན་དག་གི་ཁམས་རྣམས་ཐམས་ཅད་ཀྱི། །རྒྱལ་བ་ཀུན་དང་བྱང་ཆུབ་སེམས་དཔའ་ལ། །རང་གི་ལུས་ནི་ངེས་པར་དབུལ་བར་བགྱི། །རྫོགས་པའི་བྱང
201b8 ཆུབ་ཐོབ་པར་གྱུར་བ་དུ། །མ་འོངས་པ་ན་སྨོན་ལམ་མཐའ་ཡས་གདབ། །སྐྱེ་དང་སྐྱེ་བར་དཀོན་མཆོག་གསུམ་པོ་ལ། །བདག་ནི་ཡོངས་སུ་སྤྱད་པར་བགྱིད་པར་ཤོག་།འཇིག་རྟེན
iiif viewer powered by OpenSeadragon
