| e-texts navigator |
| Wylie |
201a1 གན་འགྲོ་མགོ་བོས་མཐའ་ཡས་ཕྱག་ཀྱང་འཚལ། །འགྲོ་བའི་ནང་ན་ཡོན་ཏན་མཉམ་མེད་ཅིང་། །མི་མཉམ་མཉམ་པའི་ཡོན་ཏན་འབྱུང་གནས་པོ། །ཡོན་ཏན་དཔག་མེད་དེ་དག་ཐམས་ཅད
201a2 ལ། །བདག་ནི་མགོ་བོས་མཐའ་ཡས་སྐྱབས་སུ་མཆི། །སངས་རྒྱས་དང་ནི་ཆོས་དང་ཚོགས་རྣམས་དང་། །བྱང་ཆུབ་སེམས་དཔའ་རྣམས་ཀྱིས་འཇིག་རྟེན་ཁམས། །གང་ཡང་བརྒྱ་ལམ་སྟོངས་པར་མི
201a3 འགྱུར་བར། །དེ་ལྟར་གསོལ་བ་མཐའ་ཡས་རབ་ཏུ་འདེབས། །ཞི་བའི་ཆོས་ནི་རབ་ཏུ་སྟོན་མཛད་ཅིང་། །བསྐལ་པ་མ་ལུས་རྣམས་སུ་བཞུགས་པར་ཡང་། །འཇིག་རྟེན་ཁམས་རྣམས་ཀུན་གྱི
201a4 བདེ་གཤེགས་ལ། །མགོ་བོས་གསོལ་བ་མཐའ་ཡས་རབ་ཏུ་འདེབས། །སྔོན་དང་འདི་དང་སྐད་ཅིག་ཙམ་ཡང་རུང་། །བདག་གིས་སྡིག་པ་གང་དང་གང་བགྱིས་པ། །སྡིག་པ་དེ་དག་ཐམས་ཅད
201a5 སྨད་པར་བགྱི། །སྡིག་པ་ཐམས་ཅད་བདག་གིས་སྤང་བར་བགྱི། །སྐད་ཅིག་ཙམ་ཡང་བདག་གིས་དགེ་བ་འདི། །མ་ལུས་པར་ནི་ཡང་དག་གཟུང་བར་བགྱི། །ཚེ་ཡིས་ཇི་ཙམ་ཐུབ་ཀྱི་བར་དུ་ནི། །
201a6 དགེ་བ་ཀུན་ལ་གནས་པར་འགྱུར་བར་འཚལ། །སངས་རྒྱས་དག་དང་བྱང་ཆུབ་སེམས་དཔའ་རྣམས། །བྱང་ཆུབ་ཆོས་ཀྱི་འཁོར་ལོ་རབ་བསྐོར་བ། །འཇིག་རྟེན་འདིར་ནི་བྱུང་དང་བྱུང་གྱུར་དང་། །
201a7 འབྱུང་འགྱུར་རྣམས་ཀྱི་དགེ་བ་ཐམས་ཅད་དང་། །རྒྱལ་བ་རྣམས་དང་འཕགས་པ་ཐམས་ཅད་ཀྱི། །ཚུལ་ཁྲིམས་དང་ནི་ཡེ་ཤེས་ཏིང་འཛིན་དང་། །རྣམ་གྲོལ་ཚེ་དང་ཆོས་རྣམས་གང་ཡིན་པ། །དེ
201a8 དག་འཇིག་རྟེན་རྣམས་ལ་ཕན་གྱུར་ཅིག་། འགྲོ་བ་ལྔ་ཡི་སེམས་ཅན་ཐམས་ཅད་དག་།བྱུང་དང་བྱུང་གྱུར་འབྱུང་བར་འགྱུར་རྣམས་ཀྱི། །དགེ་བ་དག་ལ་བདག་ནི་ཕྱི་ཕྱིར་ཞིང་། །མགོ་བོས་མཐའ
iiif viewer powered by OpenSeadragon
