| e-texts navigator |
| Wylie |
200b1 པ་ཐམས་ཅད་ཉེ་བར་ཞི་བར་བྱ་བ་དང་། མྱ་ངན་ལས་འདས་པ་ཐོབ་པར་བྱ་བའི་ཕྱིར་ཡོངས་སུ་བསྔོ་བར་བྱེད་དོ། །ཉན་ཐོས་ཀྱི་ཐེག་པ་ཅན་ད་ལྟར་བྱུང་བ་དང་། མ་འོངས་པ་རྣམས་ཀྱི་ཉན་ཐོས་ཀྱི་ཐེག་པ
200b2 ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོ་བར་བྱེད་དོ། །རང་སངས་རྒྱས་ཀྱི་ཐེག་པ་ཅན་ད་ལྟར་བྱུང་བ་དང་། མ་འོངས་པ་རྣམས་ཀྱི་རང་སངས་རྒྱས་ཀྱི་ཐེག་པ་ཡོངས་སུ་རྫོགས་པར་བྱ་བའི་ཕྱིར
200b3 ཡོངས་སུ་བསྔོ་བར་བྱེད་དོ། །བྱང་ཆུབ་སེམས་དཔའི་ཐེག་པ་ཅན་ད་ལྟར་བྱུང་བ་དང་། མ་འོངས་པ་རྣམས་ཀྱི་བྱང་ཆུབ་སེམས་དཔའི་ཐེག་པ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོ་བར
200b4 བྱེད་དོ། །དེ་བཞིན་གཤེགས་པ་འཇིག་རྟེན་གྱི་ཁམས་ཐམས་ཅད་དུ་གཏོགས་པ་འདས་པ་དང་། མ་བྱོན་པ་དང་། ད་ལྟར་བྱུང་བ་རྣམས་བསྐལ་པར་བཞུགས་པ་དང་། བསྐལ་པར་ཆོས་སྟོན་པ་དང
200b5 བསྐལ་པར་དགེ་འདུན་འཐུན་པར་གྱུར་བར་ཡོངས་སུ་བསྔོ་བར་བྱེད་དོ། །མཐོ་རིས་ཀྱི་ལམ་ལ་དགོད་པ་འམ། ཉན་ཐོས་ཀྱི་ལམ་ལ་དགོད་པ་འམ། རང་སངས་རྒྱས་ཀྱི་ལམ་ལ་དགོད་པ་འམ། རྫོགས
200b6 པའི་བྱང་ཆུབ་ཀྱི་ལམ་ལ་དགོད་པ་འམ། སྦྱིན་པས་རྗེས་སུ་འཇུག་པ་འམ། སྙན་པར་སྨྲ་བས་རྗེས་སུ་འཇུག་པ་འམ། དོན་སྤྱོད་པས་རྗེས་སུ་འཇུག་པ་འམ། དོན་འཐུན་པས་རྗེས་སུ་འཇུག་པ་འམ།
200b7 ཇི་ལྟ་ཇི་ལྟར་གཞན་དག་དགེ་བའི་ཕྱོགས་ཡང་དག་པར་སྐྱེད་ཅིང་དགེ་བའི་རྩ་བ་སོགས་པར་འགྱུར་བ་དེ་ཡང་རབ་ཏུ་ཤེས་སོ། །དེ་ཆོས་ཀྱི་ཚིགས་འདི་དག་ལ་ཉིན་ཅིག་བཞིན་དུ་དུས་གསུམ་དུ
200b8 འཇུག་གོ། །ཡིད་ལ་བྱེད་དོ། །དེ་འདི་ལྟ་སྟེ། འཇིག་རྟེན་དག་གི་ཁམས་རྣམས་ཐམས་ཅད་ན། །ཡང་དག་བཞུགས་པ་རྫོགས་པའི་སངས་རྒྱས་དང་། །ཆོས་དང་དགེ་འདུན་བྱང་ཆུབ་སེམས་དཔའ་ལ། །
iiif viewer powered by OpenSeadragon
