| e-texts navigator |
| Wylie |
200a1 ཅད་དབུགས་དབྱུང་བ་དང་། ཐམས་ཅད་མཁྱེན་པ་ཉིད་ཐོབ་པར་བྱ་བ་དང་། སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོ་བར་བྱེད་དོ། །དེ་བཞིན་དུ་སྐྱབས་སུ་འགྲོ
200a2 བ་ན་ཡང་སེམས་བསྐྱེད་དོ། །དེ་འགྲོ་བ་དང་། འགྲེང་བ་དང་། འདུག་པ་དང་། ཉལ་བ་དང་། ཁྲུས་བྱེད་པ་དང་། ཟ་བ་དང་། འཐུང་བ་དང་། ཞིང་རྨེད་པ་དང་། ས་བོན་འདེབས་པ་དང་། ལས་ཐམས་ཅད་བྱེད་པ
200a3 ན་ཡང་མཐའ་ཡས་ཤིང་དཔག་ཏུ་མེད་པར་བྱང་ཆུབ་ཏུ་སྨོན་ལམ་གདབ་པར་བྱའོ་ཞེས་སེམས་བསྐྱེད་དོ། །མང་དུ་བྱེད་དོ། །སྙོམས་པར་འཇུག་པ་དང་། བསམ་གཏན་བྱེད་པ་ན་ཡང་སེམས་ཅན་ཐམས
200a4 ཅད་བསྒྲལ་བ་དང་། སེམས་ཅན་ཐམས་ཅད་དགྲོལ་བ་དང་། སེམས་ཅན་ཐམས་ཅད་དབུགས་དབྱུང་བ་དང་། ཐམས་ཅད་མཁྱེན་པ་ཉིད་ཐོབ་པར་བྱ་བ་དང་། སངས་རྒྱས་ཀྱི་ཆོས་ཐམས
200a5 ཅད་ཡོངས་སུ་རྫོགས་པར་བྱ་བའི་ཕྱིར་མཐའ་ཡས་ཤིང་དཔག་ཏུ་མེད་པར་བྱང་ཆུབ་ཏུ་སྨོན་ལམ་གདབ་བོ་ཞེས་སེམས་བསྐྱེད་དོ། །མང་དུ་བྱེད་དོ། །ཐམས་ཅད་མཁྱེན་པ་ཉིད་དང་། འཇིག་རྟེན་ཐམས
200a6 ཅད་ཀྱི་མཆོག་དང་། སེམས་ཅན་ཐམས་ཅད་གདུལ་བ་དང་། མཚུངས་པ་མེད་པ་དང་། མི་མཉམ་པ་དང་མཉམ་པ་དང་། འཇིག་རྟེན་ཐམས་ཅད་དབུགས་དབྱུང་བ་དང་། འཇིག་རྟེན་ཐམས་ཅད
200a7 ཡོངས་སུ་མྱ་ངན་ལས་བཟླ་བ་དང་། ཡང་དག་པར་རྫོགས་པའི་སངས་རྒྱས་དང་། སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་སྨོན་ལམ་གདབ་བོ་ཞེས་སེམས་བསྐྱེད་དོ། །
200a8 མང་དུ་བྱེད་དོ། །དེ་དགེ་བ་གང་ཅི་སྤྱོད་ཀྱང་དེ་སེམས་ཅན་ཐམས་ཅད་ཀྱི་འཇིགས་པ་མེད་པར་བྱ་བ་དང་། ངན་འགྲོའི་རྒྱུད་གཅད་པ་དང་། སྡུག་བསྔལ་ཐམས་ཅད་ཉེ་བར་ཞི་བར་བྱ་བ་དང་། ཉོན་མོངས
iiif viewer powered by OpenSeadragon
