| e-texts navigator |
| Wylie |
196b1 གི་རྣམ་པར་ཤེས་པ་འབྱུང་བ་དང་། གསུམ་འདུས་པ་ནི་རེག་པའོ། །རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་། ཆོས་རྣམས་ལ་བརྟེན་ཏེ་ཡིད་ཀྱི་རྣམ་པར་ཤེས་པ་འབྱུང་བ་དང་། གསུམ་འདུས་པ་ནི་རེག་པ་སྟེ་དེ་ནི་རེག
196b2 པ་ཞེས་བྱའོ། །དེ་ལས་བྱུང་བ་བདེ་བ་འམ། སྡུག་བསྔལ་བ་འམ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་དེ་དག་ནི་ཚོར་བ་གསུམ་ཞེས་བྱའོ། །དེ་ལས་བྱུང་བ་འདོད་ཆགས་དང་། ཆགས་པ་དང་། དགའ་བ་དེ་ནི
196b3 སྲེད་པ་ཞེས་བྱའོ། །དེ་ལས་བྱུང་བ་ཀུན་དུ་ཆགས་པ་དང་། ལྟ་བ་དང་། ཚུལ་ཁྲིམས་དང་བརྟུལ་ཞུགས་དང་། བདག་ཏུ་སྨྲ་བ་དེ་ནི་ལེན་པ་ཞེས་བྱའོ། །དེ་ལས་བྱུང་བ་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད
196b4 རྣམས་དང་། རྣམ་པར་ཤེས་པ་དེ་ནི་སྲིད་པའོ། །གང་སྲིད་པ་དེ་འབྱུང་བ་དང་། སྐྱེ་བ་དང་། མངོན་པར་འགྲུབ་པ་དེ་ནི་སྐྱེ་བ་ཞེས་བྱའོ། །གང་སྲིད་པ་དེ་འགྱུར་བ་དང་། འཇིག་པ་དང་། ཉེ་བར་ཁྲིད་པ
196b5 དེ་ནི་རྒ་བ་ཞེས་བྱའོ། །གང་སྲིད་པ་དེ་འཆི་འཕོ་བ་དང་བྲལ་བ་དེ་ནི་འཆི་བ་ཞེས་བྱའོ། །དེ་དེ་ལྟར་རྟེན་ཅིང་འབྲེལ་བར་འབྱུང་བ་ལ་དཔྱོད་ཅིང་ཡོངས་སུ་རྟོག་ལ་ཁོང་དུ་ཆུད་པར་བྱེད་ཅིང་རྣམ་པར་འཇིག་པ་ན
196b6 ས་རློམ་སེམས་སུ་མི་བྱེད། སས་རློམ་སེམས་སུ་མི་བྱེད། ས་ནི་བདག་གིའོ་སྙམ་དུ་རློམ་སེམས་སུ་མི་བྱེད་དོ། །ས་ལ་མངོན་པར་དགའ་བར་མི་བྱེད་དོ། །ཆུ་དང་། མེ་དང་། རླུང་དང་། ནམ་མཁའ་དང་། རྣམ་པར
196b7 ཤེས་པ་ལ་གཅིག་པ་དང་། ཐ་དད་པ་དང་། མཐོང་བ་དང་། ཐོས་པ་དང་། བྱེ་བྲག་ཕྱེད་པ་དང་། རྣམ་པར་ཤེས་པ་དང་། མྱ་ངན་ལས་འདས་པ་རློམ་སེམས་སུ་མི་བྱེད། མྱ་ངན་ལས་འདས་པས་རློམ་སེམས་སུ་མི
196b8 བྱེད། མྱ་ངན་ལས་འདས་པ་ནི་བདག་གིའོ་སྙམ་དུ་རློམ་སེམས་སུ་མི་བྱེད། མྱ་ངན་ལས་འདས་པ་ལ་མངོན་པར་དགའ་བར་མི་བྱེད་དོ། །དེ་རྟེན་ཅིང་འབྲེལ་བར་འབྱུང་བའི་ཆོས་རྣམས་ཡང་དག་པར་རྗེས
iiif viewer powered by OpenSeadragon
