| e-texts navigator |
| Wylie |
195b1 བར་འགྲོ་བ་འམ། མི་གཡོ་བར་ཉེ་བར་འགྲོ་བ་འམ། འདོད་པར་གཏོགས་པ་འམ། གཟུགས་སུ་གཏོགས་པ་འམ། གཟུགས་མེད་པར་གཏོགས་པ་གང་ཡིན་པ་དེ་ནི་སྡུག་བསྔལ་ཀུན་འབྱུང་བ་འཕགས
195b2 པའི་བདེན་པ་ཞེས་བྱའོ། །གང་འདོད་ཆགས་ཟད་པ་དང་། ཞེ་སྡང་ཟད་པ་དང་། གཏི་མུག་ཟད་པ་དང་། ང་རྒྱལ་ཟད་པ་དང་། བདག་ཏུ་མངོན་པར་ཞེན་པ་སྤངས་པ་དང་། བདག་ཏུ་སྨྲ་བའི་ལེན་པ་སྤངས་པ་དེ་ནི
195b3 སྡུག་བསྔལ་འགོག་པ་འཕགས་པའི་བདེན་པ་ཞེས་བྱའོ། །གང་སྡུག་བསྔལ་ལ་ཡང་སྡུག་བསྔལ་བ་དང་། ཀུན་འབྱུང་བ་ལ་ཡང་ཀུན་འབྱུང་བ་དང་། འགོག་པ་ལ་ཡང་འགོག་པ་དང་། ལམ་ལ་ཡང་ལམ
195b4 དུ་ཡིད་ལ་བྱེད་པ་དང་། འདུ་བྱེད་རྣམས་ལ་ཉེས་དམིགས་སུ་ལྟ་ཞིང་གནས་པ་དང་། མྱ་ངན་ལས་འདས་པ་ལ་ཕན་ཡོན་དུ་ལྟ་ཞིང་གནས་པ་དང་། ཇི་ལྟར་མཐོང་བ་དང་། བྱས་པ་ལ་སོ་སོར་རྟོག་པ་ཡང་དག་པའི་ལྟ
195b5 བ་དང་། ཡང་དག་པའི་རྟོག་པ་དང་། ཡང་དག་པའི་ངག་དང་། ཡང་དག་པའི་ལས་ཀྱི་མཐའ་དང་། ཡང་དག་པའི་འཚོ་བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན
195b6 དེ་ནི་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཞེས་བྱ་སྟེ། འདི་དག་ནི་འཕགས་པའི་བདེན་པ་བཞི་ཞེས་བྱའོ། །དེ་འཕགས་པའི་བདེན་པ་བཞི་པོ་དེ་དག་ལ་དཔྱོད་ཅིང་རྟོག་ལ་ཁོང་དུ་ཆུད
195b7 པར་བྱེད་ཅིང་རྣམ་པར་འཇིག་པ་ན་འདུས་བྱས་ཀྱི་ཁམས་ལ་ནི་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པར་མཐོང་ངོ་། །འདུས་མ་བྱས་ཀྱི་ཁམས་ལ་ནི་སྐྱབས་དང་། གནས་དང་། མགོན་དང
195b8 དཔུང་གཉེན་དུ་ཡང་མཐོང་ལ། འདུས་མ་བྱས་ཀྱི་ཁམས་མངོན་སུམ་དུ་ཡང་མི་བྱེད་དེ། དེ་ལྟར་འཕགས་པའི་བདེན་པ་བཞི་པོ་དག་རབ་ཏུ་ཤེས་སོ། །དེ་ཆོས་དེ་དག་ཉན་ཅིང་འཛིན་པ་དང་། མང་དུ་བྱེད་ཅིང
iiif viewer powered by OpenSeadragon
